https://sputnik.kg/20260716/temir-zhol-beketinde-teksheruu-1102446045.html
Бишкек-2 темир жол бекетинде жүргүнчүлөрдү милдеттүү текшерүү сунушталууда
Бишкек-2 темир жол бекетинде жүргүнчүлөрдү милдеттүү текшерүү сунушталууда
Sputnik Кыргызстан
Мекеме Бишкек-2 эл аралык поезддер жөнөгөн негизги бекет жана стратегиялык объект экенин белгилейт. 16.07.2026, Sputnik Кыргызстан
2026-07-16T16:11+0600
2026-07-16T16:11+0600
2026-07-16T16:11+0600
кыргызстан
бишкек
темир жол
бекет
коопсуздук
текшерүү
токтом
https://sputnik.kg/img/07e6/06/07/1065010641_0:0:2048:1152_1920x0_80_0_0_e6f0d9cd7a5f353a40195fe278de28fd.jpg
БИШКЕК, 16-июл. — Sputnik. Бишкек-2 темир жол бекетинде жүргүнчүлөрдү, аларды коштоп келген адамдарды, кол жүгүн жана багажын текшерүүнүн жаңы тартиби сунушталды. Транспорт жана коммуникациялар министрлиги иштеп чыккан токтом долбоору коомдук талкууга коюлду. Документ темир жол транспортундагы коопсуздукту күчөтүү, жүргүнчүлөрдүн өмүрү менен ден соолугун коргоо жана стратегиялык объектилерде мыйзамсыз кийлигишүүлөрдү, анын ичинде террордук коркунучтарды алдын алуу максатын көздөйт. Долбоорго ылайык, Бишкек-2 темир жол бекетине кирген бардык жүргүнчүлөр жана аларды коштоп жүргөн адамдар текшерүүдөн өтүүгө, жүгүнүн баары атайын техникалык каражат менен кароодон өткөрүлүүгө тийиш. Зарыл болгон учурларда жеке текшерүү жана кызматтык иттерди колдонуу да каралган. Текшерүү учурунда жүргүнчү поезддеринде ташууга тыюу салынган жарылуучу, күйүүчү, уулуу, радиоактивдүү жана башка кооптуу заттарды, ок атуучу куралдарды, ошондой эле коомдук коопсуздукка коркунуч жараткан буюмдарды алып өтүүгө жол берилбейт. Текшерүүдөн баш тарткан адамдар көзөмөлдөнгөн аймакка жана поездге киргизилбейт. Токтом долбоорунун негиздемесинде белгиленгендей, азыркы учурда Бишкек-2 темир жол бекетинде жүргүнчүлөрдү текшерүү тартибин жөнгө салган өзүнчө ченемдик укуктук акт жок. Жаңы жобо ушул укуктук боштукту жоюп, эл аралык каттамдар аткарылган негизги темир жол бекетинде коопсуздукту камсыздоонун бирдиктүү механизмин түзүүгө багытталган.
https://sputnik.kg/20260716/balykchy-kochkor-temir-zholu-1102444218.html
бишкек
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, бишкек, темир жол, бекет, коопсуздук, текшерүү, токтом
кыргызстан, бишкек, темир жол, бекет, коопсуздук, текшерүү, токтом
Бишкек-2 темир жол бекетинде жүргүнчүлөрдү милдеттүү текшерүү сунушталууда
Мекеме Бишкек-2 эл аралык поезддер жөнөгөн негизги бекет жана стратегиялык объект экенин белгилейт.
БИШКЕК, 16-июл. — Sputnik. Бишкек-2 темир жол бекетинде жүргүнчүлөрдү, аларды коштоп келген адамдарды, кол жүгүн жана багажын текшерүүнүн жаңы тартиби сунушталды. Транспорт жана коммуникациялар министрлиги иштеп чыккан токтом долбоору коомдук талкууга коюлду.
Документ темир жол транспортундагы коопсуздукту күчөтүү, жүргүнчүлөрдүн өмүрү менен ден соолугун коргоо жана стратегиялык объектилерде мыйзамсыз кийлигишүүлөрдү, анын ичинде террордук коркунучтарды алдын алуу максатын көздөйт.
Долбоорго ылайык, Бишкек-2 темир жол бекетине кирген бардык жүргүнчүлөр жана аларды коштоп жүргөн адамдар текшерүүдөн өтүүгө, жүгүнүн баары атайын техникалык каражат менен кароодон өткөрүлүүгө тийиш. Зарыл болгон учурларда жеке текшерүү жана кызматтык иттерди колдонуу да каралган.
Текшерүү учурунда жүргүнчү поезддеринде ташууга тыюу салынган жарылуучу, күйүүчү, уулуу, радиоактивдүү жана башка кооптуу заттарды, ок атуучу куралдарды, ошондой эле коомдук коопсуздукка коркунуч жараткан буюмдарды алып өтүүгө жол берилбейт.
Текшерүүдөн баш тарткан адамдар көзөмөлдөнгөн аймакка жана поездге киргизилбейт.
Токтом долбоорунун негиздемесинде белгиленгендей, азыркы учурда Бишкек-2 темир жол бекетинде жүргүнчүлөрдү текшерүү тартибин жөнгө салган өзүнчө ченемдик укуктук акт жок. Жаңы жобо ушул укуктук боштукту жоюп, эл аралык каттамдар аткарылган негизги темир жол бекетинде коопсуздукту камсыздоонун бирдиктүү механизмин түзүүгө багытталган.
