https://sputnik.kg/20260711/rossiya-migranttar-erezheler-kyrgyzstandyktar-taasir-etet-1102361666.html
Россия мигранттар үчүн киргизген жаңы эрежелер кыргызстандыктарга кандай таасир этет?
Россия мигранттар үчүн киргизген жаңы эрежелер кыргызстандыктарга кандай таасир этет?
Sputnik Кыргызстан
БИШКЕК, 11-июл. — Sputnik. Эмгек, социалдык камсыздоо жана миграция министрлиги Россиянын Мамлекеттик Думасы кабыл алган жаңы мыйзамдардын кыргызстандыктарга... 11.07.2026, Sputnik Кыргызстан
2026-07-11T18:01+0600
2026-07-11T18:01+0600
2026-07-11T18:01+0600
кыргызстан
россия
мигрант
эреже
мыйзам
https://sputnik.kg/img/07e5/06/10/1052894625_0:128:2833:1722_1920x0_80_0_0_d84caa5e51426ef075ef5fd83d2d5604.jpg
БИШКЕК, 11-июл. — Sputnik. Эмгек, социалдык камсыздоо жана миграция министрлиги Россиянын Мамлекеттик Думасы кабыл алган жаңы мыйзамдардын кыргызстандыктарга кандай таасир этерин түшүндүрдү. Министрликтин Тышкы миграция башкармалыгынын башчысы Майрамбек Бейшеновдун айтымында, жеке киреше салыгы боюнча алдын ала белгиленген төлөм (патент) тууралуу талап патент менен иштеген чет элдиктерге гана тиешелүү. Ал эми кыргызстандыктардын басымдуу бөлүгү Россияда юридикалык жактарда эмгек келишими менен иштегендиктен, бул норма аларга тиешелүү болбойт. Ошол эле учурда кыргызстандыктарга жашоо минимумунан төмөн эмес кирешени ырастоо талабы толук бойдон колдонулат. Бул талап мигрант өзүн жана үй-бүлө мүчөлөрүн камсыздай аларын далилдөөгө милдеттендирет. Анын аткарылышы салык жана башка мамлекеттик органдардын санариптик маалымат алмашуусу аркылуу көзөмөлдөнөт. Министрликтин өкүлү дагы төмөнкүлөрдү белгиледи: үй-бүлөнүн 18 жашка толгон мүчөлөрү өлкөдөн чыгып кетиши же макамын өзгөртүшү керек деген талап кыргызстандыктарга да тиешелүү. Бирок ЕАЭБдин алкагындагы жеңилдетилген тартипке ылайык, алар патент албай эле эмгек келишимин түзүп, өз алдынча кызматкер макамына өтө алышат. Мындан тышкары, Россиядан чыкпай туруп эле келүү максатын өзгөртүүгө мүмкүнчүлүк бар. патентти жокко чыгаруу тууралуу норма кыргызстандыктарга түздөн-түз тиешелүү эмес. Бирок эгер мигрант өзүн жана үй-бүлөсүн камсыздоого жетиштүү кирешеси бар экенин документ менен тастыктай албаса, аны өлкөдөн чыгарып салганга чейинки чаралар колдонулушу мүмкүн. Майрамбек Бейшенов мыйзам долбоорлору азырынча Мамлекеттик Дума тарабынан гана кабыл алынганын белгиледи. Документ күчүнө кириши үчүн РФ президенти кол коюп, андан соң аларды ишке ашыруунун механизмдери иштелип чыгышы керек. Ошондуктан жаңы эрежелердин кыргызстандыктарга тийгизген таасири тууралуу азырынча так жыйынтык чыгарууга эрте. Буга чейин маалымдалгандай, 2025-жылдын алгачкы 11 айында Кыргызстанга акча которуу системалары аркылуу дээрлик 3 миллиард доллар түшкөн. Анын 90 пайызы Россиядан жөнөтүлгөн.
https://sputnik.kg/20260617/elektronduk-konsul-tirkemesi-ishke-kirdi-1101926566.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, россия, мигрант, эреже, мыйзам
кыргызстан, россия, мигрант, эреже, мыйзам
БИШКЕК, 11-июл. — Sputnik. Эмгек, социалдык камсыздоо жана миграция министрлиги Россиянын Мамлекеттик Думасы кабыл алган жаңы мыйзамдардын кыргызстандыктарга кандай таасир этерин түшүндүрдү.
Министрликтин Тышкы миграция башкармалыгынын башчысы Майрамбек Бейшеновдун айтымында, жеке киреше салыгы боюнча алдын ала белгиленген төлөм (патент) тууралуу талап патент менен иштеген чет элдиктерге гана тиешелүү. Ал эми кыргызстандыктардын басымдуу бөлүгү Россияда юридикалык жактарда эмгек келишими менен иштегендиктен, бул норма аларга тиешелүү болбойт.
Ошол эле учурда кыргызстандыктарга жашоо минимумунан төмөн эмес кирешени ырастоо талабы толук бойдон колдонулат. Бул талап мигрант өзүн жана үй-бүлө мүчөлөрүн камсыздай аларын далилдөөгө милдеттендирет. Анын аткарылышы салык жана башка мамлекеттик органдардын санариптик маалымат алмашуусу аркылуу көзөмөлдөнөт.
Министрликтин өкүлү дагы төмөнкүлөрдү белгиледи:
үй-бүлөнүн 18 жашка толгон мүчөлөрү өлкөдөн чыгып кетиши же макамын өзгөртүшү керек деген талап кыргызстандыктарга да тиешелүү. Бирок ЕАЭБдин алкагындагы жеңилдетилген тартипке ылайык, алар патент албай эле эмгек келишимин түзүп, өз алдынча кызматкер макамына өтө алышат. Мындан тышкары, Россиядан чыкпай туруп эле келүү максатын өзгөртүүгө мүмкүнчүлүк бар.
патентти жокко чыгаруу тууралуу норма кыргызстандыктарга түздөн-түз тиешелүү эмес. Бирок эгер мигрант өзүн жана үй-бүлөсүн камсыздоого жетиштүү кирешеси бар экенин документ менен тастыктай албаса, аны өлкөдөн чыгарып салганга чейинки чаралар колдонулушу мүмкүн.
Майрамбек Бейшенов мыйзам долбоорлору азырынча Мамлекеттик Дума тарабынан гана кабыл алынганын белгиледи. Документ күчүнө кириши үчүн РФ президенти кол коюп, андан соң аларды ишке ашыруунун механизмдери иштелип чыгышы керек. Ошондуктан жаңы эрежелердин кыргызстандыктарга тийгизген таасири тууралуу азырынча так жыйынтык чыгарууга эрте.
Буга чейин маалымдалгандай, 2025-жылдын алгачкы 11 айында Кыргызстанга акча которуу системалары аркылуу дээрлик 3 миллиард доллар түшкөн. Анын 90 пайызы Россиядан жөнөтүлгөн.
