https://sputnik.kg/20260621/iran-sujloshuunu-toktottu-1101999135.html
Иран Трамптын опузасынан кийин сүйлөшүүлөр жүрүп жаткан жайдан чыгып кетти
Иран Трамптын опузасынан кийин сүйлөшүүлөр жүрүп жаткан жайдан чыгып кетти
Sputnik Кыргызстан
БИШКЕК, 21-июн. — Sputnik. Иран делегациясы АКШ президенти Дональд Трамптын опузасынан кийин Швейцариядагы сүйлөшүүлөрдү токтотуп, жолугушуу өтүп жаткан жайдан... 21.06.2026, Sputnik Кыргызстан
2026-06-21T23:30+0600
2026-06-21T23:30+0600
2026-06-21T23:30+0600
дүйнөдө
иран
акш
сүйлөшүү
швейцария
дональд трамп
https://sputnik.kg/img/07ea/02/19/1099931497_0:161:3071:1888_1920x0_80_0_0_c2174bae07f4ffc359f5788c8c6b71a2.jpg
БИШКЕК, 21-июн. — Sputnik. Иран делегациясы АКШ президенти Дональд Трамптын опузасынан кийин Швейцариядагы сүйлөшүүлөрдү токтотуп, жолугушуу өтүп жаткан жайдан чыгып кетти. Бул тууралуу ирандык Tasnim агенттиги маалымат булагына таянып жазды. Бюргеншток шаарындагы Иран менен АКШ өкүлдөрүнүн сүйлөшүүсү бүгүн башталган. Жолугушууга тараптарга ортомчу болгон Пакистан менен Катар да катышууда. ЖМКлар сүйлөшүүнүн биринчи айлампасы соңуна чыкканын кабарлашкан. Трамп буга чейин эгер Тегеран Ливандагы Иранга ыктаган топторду көзөмөлгө албаса, "өтө катуу сокку" уруларын айткан. Ал арада Иран делегациясынын мүчөсү Хосейн Корбанзаде сүйлөшүүлөр Израилдин Ливанга каршы аскердик аракеттери токтомоюнча жанданбай турганын билдирди. Белгилей кетсек, Иран менен АКШ 18-июнга караган түнү февралдын аягында башталган аскердик кагылышуунун токтошун шарттаган меморандумга аралыктан кол коюшкан. Макулдашууда АКШнын деңиз блокадасын алуу мөөнөтү менен Ирандын Ормуз кысыгындагы кыймылды калыбына келтирүү убактысы каралган. Мындан тышкары, Иран өзөктүк курал чыгарбай турган болгон. Ал эми өзөктүк программа маселеси өзүнчө келишим менен жөнгө салынмак. Тараптар 60 күндүн ичинде бул маселени да чечиши керек болчу. Соңунда Иранга салынган санкциялар алынмак.
https://sputnik.kg/20260619/aksh-izrailge-kayrylyp-al-turgay-eskertuu-berdi-1101965522.html
иран
акш
швейцария
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, иран, акш, сүйлөшүү, швейцария, дональд трамп
дүйнөдө, иран, акш, сүйлөшүү, швейцария, дональд трамп
Иран Трамптын опузасынан кийин сүйлөшүүлөр жүрүп жаткан жайдан чыгып кетти
БИШКЕК, 21-июн. — Sputnik. Иран делегациясы АКШ президенти Дональд Трамптын опузасынан кийин Швейцариядагы сүйлөшүүлөрдү токтотуп, жолугушуу өтүп жаткан жайдан чыгып кетти. Бул тууралуу ирандык
Tasnim агенттиги маалымат булагына таянып жазды.
Бюргеншток шаарындагы Иран менен АКШ өкүлдөрүнүн сүйлөшүүсү бүгүн башталган. Жолугушууга тараптарга ортомчу болгон Пакистан менен Катар да катышууда. ЖМКлар сүйлөшүүнүн биринчи айлампасы соңуна чыкканын кабарлашкан.
"Иран делегациясы жолугушуу өтүп жаткан жайдан Трамптын коркутуусуна нааразылык билдирип чыгып кетти", — деп айтылат маалыматта.
Трамп буга чейин эгер Тегеран Ливандагы Иранга ыктаган топторду көзөмөлгө албаса, "өтө катуу сокку" уруларын айткан.
Ал арада Иран делегациясынын мүчөсү Хосейн Корбанзаде сүйлөшүүлөр Израилдин Ливанга каршы аскердик аракеттери токтомоюнча жанданбай турганын билдирди.
Белгилей кетсек, Иран менен АКШ 18-июнга караган түнү февралдын аягында башталган аскердик кагылышуунун токтошун шарттаган меморандумга аралыктан кол коюшкан. Макулдашууда АКШнын деңиз блокадасын алуу мөөнөтү менен Ирандын Ормуз кысыгындагы кыймылды калыбына келтирүү убактысы каралган.
Мындан тышкары, Иран өзөктүк курал чыгарбай турган болгон. Ал эми өзөктүк программа маселеси өзүнчө келишим менен жөнгө салынмак. Тараптар 60 күндүн ичинде бул маселени да чечиши керек болчу. Соңунда Иранга салынган санкциялар алынмак.
