https://sputnik.kg/20260618/kyrgyzstan-duyno-olkoloru-dialog-niyet-1101954727.html
Жапаров: Кыргызстан цивилизациялар диалогун жолго коюу ниетинде
Жапаров: Кыргызстан цивилизациялар диалогун жолго коюу ниетинде
Sputnik Кыргызстан
БИШКЕК, 18-июн. — Sputnik. Кыргызстан Чыңгыз Айтматовдун идеяларына таянып, Түндүк менен Түштүктүн, Батыш менен Чыгыштын ортосунда жаңы маданий жана... 18.06.2026, Sputnik Кыргызстан
2026-06-18T16:51+0600
2026-06-18T16:51+0600
2026-06-18T16:51+0600
кыргызстан
ысык-көл
форум
садыр жапаров
чыңгыз айтматов
интеллект
https://sputnik.kg/img/07ea/06/12/1101954308_0:0:1300:731_1920x0_80_0_0_b62b6776e5d15c199ef406d4277252f2.png
БИШКЕК, 18-июн. — Sputnik. Кыргызстан Чыңгыз Айтматовдун идеяларына таянып, Түндүк менен Түштүктүн, Батыш менен Чыгыштын ортосунда жаңы маданий жана цивилизациялык байланышты түзүүнү көздөйт. Бул тууралуу Садыр Жапаров Чолпон-Атада өтүп жаткан Ысык-Көл эл аралык форумунда сүйлөп жатып билдирди. Президент бүгүнкү күндүн башкы коркунучтарына: климаттык кризисти алдын алууга, жасалма интеллектини (ЖИ) чектен ашык колдонууну тизгиндөөгө жана адамдык баалуулуктарды сактап калууга биргелешип интеллектуалдык жооп издөө зарылдыгын белгиледи. Өлкө башчысы форумга дүйнөлүк деңгээлдеги атактуу инсандар чогулганын белгиледи. Алардын арасында Нобель сыйлыгынын ээси Мо Янь, Чыңгыз Айтматовдун жакын досу, азербайжан адабиятынын залкары Анар Рзаев, кытай адабиятынын классиги Ван Мэн, белгилүү тарыхчы Питер Франкопан, таланттуу кинорежиссер Али Хамраев, таанымал сүрөтчү жана арт-менеджер Василий Церетели, ошондой эле Азия менен Европанын башка дагы белгилүү маданият ишмерлери бар. Президент бул жыйын эл аралык мамилени жана ар кыл элдердин ортосундагы байланышты чыңдоого чоң салым кошорун белгиледи. Белгилей кетсек, быйыл форумга 40 жыл толду. Алгачкысы жазуучу Чыңгыз Айтматовдун демилгеси менен 1986-жылы уюштурулган.
https://sputnik.kg/20260618/putin-salam-zholdodu-1101954581.html
ысык-көл
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, ысык-көл, форум, садыр жапаров, чыңгыз айтматов, интеллект
кыргызстан, ысык-көл, форум, садыр жапаров, чыңгыз айтматов, интеллект
БИШКЕК, 18-июн. — Sputnik. Кыргызстан Чыңгыз Айтматовдун идеяларына таянып, Түндүк менен Түштүктүн, Батыш менен Чыгыштын ортосунда жаңы маданий жана цивилизациялык байланышты түзүүнү көздөйт. Бул тууралуу Садыр Жапаров Чолпон-Атада өтүп жаткан Ысык-Көл эл аралык форумунда сүйлөп жатып билдирди.
Президент бүгүнкү күндүн башкы коркунучтарына: климаттык кризисти алдын алууга, жасалма интеллектини (ЖИ) чектен ашык колдонууну тизгиндөөгө жана адамдык баалуулуктарды сактап калууга биргелешип интеллектуалдык жооп издөө зарылдыгын белгиледи.
"Бүгүн дүйнөдө карама-каршылыктар күчөп, согуш тутанып жаткан убак. Ошону менен бирге жаратылыш кырсыктары да көбөйүп, глобалдык жылуулук негизги көйгөйгө айланды. Мындай шартта бир маанилүү суроо туулат: өз максатына жетүү үчүн баарына барган саясатчылардан айырмаланып, калем кармаган акылман, интеллектуалдар дүйнө элине кандай багыт бере алат? Бул абдан жөнөкөй, бирок салмактуу суроо. Адамзат азырынча буга толук жооп таба элек", — деди Жапаров.
Өлкө башчысы форумга дүйнөлүк деңгээлдеги атактуу инсандар чогулганын белгиледи. Алардын арасында Нобель сыйлыгынын ээси Мо Янь, Чыңгыз Айтматовдун жакын досу, азербайжан адабиятынын залкары Анар Рзаев, кытай адабиятынын классиги Ван Мэн, белгилүү тарыхчы Питер Франкопан, таланттуу кинорежиссер Али Хамраев, таанымал сүрөтчү жана арт-менеджер Василий Церетели, ошондой эле Азия менен Европанын башка дагы белгилүү маданият ишмерлери бар.
Президент бул жыйын эл аралык мамилени жана ар кыл элдердин ортосундагы байланышты чыңдоого чоң салым кошорун белгиледи.
Белгилей кетсек, быйыл форумга 40 жыл толду. Алгачкысы жазуучу Чыңгыз Айтматовдун демилгеси менен 1986-жылы уюштурулган.
