Сүйүнчү! Кыргызстан БУУнун Коопсуздук кеңешинин туруктуу эмес мүчөсү болуп шайланды
23:07 03.06.2026 (Жаңыртылды: 09:49 04.06.2026)
Жазылуу
БИШКЕК, 3-июн. — Sputnik. Кыргызстан БУУнун Коопсуздук кеңешинин 2027–2028-жылдарга карата туруктуу эмес мүчөсү болуп шайланды.
Добуш берүү БУУнун Башкы Ассамблеясынын Нью-Йорктогу штаб-квартирасында өтүп, абдан курч мүнөздө бүттү.
Биздин өлкө Азия-Тынч океан тобунун атынан катышып, бир орун үчүн Филиппин мамлекети менен ат салышты. Эрежеге ылайык, жеңишке жетүү үчүн талапкер өлкө жыйынга катышкан БУУга мүчө мамлекеттердин кеминде үчтөн эки бөлүгүнүн колдоосуна ээ болушу шарт эле. Бул жолку добуш берүүгө 191 мамлекет катышкандыктан, босого деңгээл кеминде 129 добушту түздү.
Шарт боюнча, талапкерлердин бири зарыл болгон 2/3 добушту топтой албаса, добуш берүү кайра-кайра өткөрүлө берет. Мындан улам Кыргызстан менен Филиппиндин ортосундагы тирешүү 4 раундга созулуп, жыйынтыгында өлкөбүз 142 добушту топтоо менен тарыхый жеңишке жетишти.
Добуш берүү БУУнун Башкы Ассамблеясынын Нью-Йорктогу штаб-квартирасында өтүп, абдан курч мүнөздө бүттү.
Биздин өлкө Азия-Тынч океан тобунун атынан катышып, бир орун үчүн Филиппин мамлекети менен ат салышты. Эрежеге ылайык, жеңишке жетүү үчүн талапкер өлкө жыйынга катышкан БУУга мүчө мамлекеттердин кеминде үчтөн эки бөлүгүнүн колдоосуна ээ болушу шарт эле. Бул жолку добуш берүүгө 191 мамлекет катышкандыктан, босого деңгээл кеминде 129 добушту түздү.
Шарт боюнча, талапкерлердин бири зарыл болгон 2/3 добушту топтой албаса, добуш берүү кайра-кайра өткөрүлө берет. Мындан улам Кыргызстан менен Филиппиндин ортосундагы тирешүү 4 раундга созулуп, жыйынтыгында өлкөбүз 142 добушту топтоо менен тарыхый жеңишке жетишти.
Буга чейин тышкы иштер министри Жээнбек Кулубаев Кыргызстан шайланган учурда туруктуу тынчтыкты камсыз кылуу, дипломатияны өнүктүрүү, климаттык коопсуздукту күчөтүү жана мамлекеттер ортосундагы ишенимди бекемдөө маселелерин алдыга жылдырарын айткан. Мындан тышкары, Кыргызстан Коопсуздук кеңешинде мамлекеттердин адилеттүү жана кеңири өкүлчүлүгүн камсыз кылуу маселесине өзгөчө көңүл бурууну пландап жатат.
Май айында Садыр Жапаров БУУга мүчө мамлекеттерге кайрылып, Кыргызстанды колдоону өтүнгөн. Шайланган учурда КР Коопсуздук кеңешинин ишинин майнаптуулугун, ачыктыгын жогорулатууга, глобалдык көйгөйлөрдү чечүү боюнча эл аралык коомчулуктун жамааттык аракеттерине татыктуу салым кошорун белгилеген. Ошондой эле Кыргызстан буга чейин Коопсуздук кеңешинин мүчөсү болбогондугун айткан.
Май айында Садыр Жапаров БУУга мүчө мамлекеттерге кайрылып, Кыргызстанды колдоону өтүнгөн. Шайланган учурда КР Коопсуздук кеңешинин ишинин майнаптуулугун, ачыктыгын жогорулатууга, глобалдык көйгөйлөрдү чечүү боюнча эл аралык коомчулуктун жамааттык аракеттерине татыктуу салым кошорун белгилеген. Ошондой эле Кыргызстан буга чейин Коопсуздук кеңешинин мүчөсү болбогондугун айткан.
