https://sputnik.kg/20260603/google-rftegi-tuundu-mekeme-belgiyadagy-kompaniya-sottuk-ishter-1101675046.html
Google чыры: РФтеги туунду мекеме Бельгиядагы компаниянын акчасын камакка алдырды
Google чыры: РФтеги туунду мекеме Бельгиядагы компаниянын акчасын камакка алдырды
Sputnik Кыргызстан
БИШКЕК, 3-июн. — Sputnik. Бельгиянын соту Россиянын Google жоопкерчилиги чектелген коомунун арызынын негизинде Google Belgium компаниясынын 115 миллион евролук... 03.06.2026, Sputnik Кыргызстан
2026-06-03T13:23+0600
2026-06-03T13:23+0600
2026-06-03T13:23+0600
дүйнөдө
россия
бельгия
талаш
сот
чечим
каражат
https://sputnik.kg/img/07e5/01/16/1051197335_0:94:3076:1824_1920x0_80_0_0_6718d36bbf06a5965d40655f253015b1.jpg
БИШКЕК, 3-июн. — Sputnik. Бельгиянын соту Россиянын Google жоопкерчилиги чектелген коомунун арызынын негизинде Google Belgium компаниясынын 115 миллион евролук мүлкүн камакка алды. "Ведомости" басылмасынын жазганына таянсак, россиялык компания Американын бул IT-гигантынын чет өлкөлүк түзүмдөрүнөн каражат өндүрүү тууралуу Москванын Арбитраждык сотунун чечимин аткарууну талап кылууда. Басылманын маалымат булактары бул талаш дивиденддерге байланыштуу келип чыкканын айтып беришкен. РФ тараптын кебине кулак салсак, каражат Google ЖЧКсы кудуретсиз деп жарыяланар алдында эле компаниядан чыгарылып кеткен. Ал эми Россиянын соту төлөмдөр кредиторлор менен эсептешүүдөн качуу максатында жасалган болушу мүмкүн деген жыйынтыкка келген. Google Belgium компаниясынын мүлкүн камакка алуу иши соттун чечиминин толук аткарылышын камсыздоодогу чара катары колдонулду. Компаниянын өкүлдөрү бул кадам соттук териштирүү аяктаганга чейин Бельгиядагы бөлүмдүн реструктуризация болуп же өздөрүн банкрот деп жарыялап жиберишин алдын алат деген ишенимде турушат. Россиялык компаниянын Бельгиядагы жактоочусу Майкл де Бук "Ведомости" басылмасына талаш-тартыш банкроттук иштин алкагынан кең масштабга чыкканын айтып берди. Юристтердин эл аралык командасынын координатору Артур Зурабяндын айтымында, дивиденддер боюнча чыр Google компаниясына коюлган дооматтардын азырынча бир бөлүгү гана болуп турат. Google ЖЧКсынын банкроттук ишинин алкагында 2018-жылдан кийин жасалган бир катар келишимдер боюнча Россиядан 160 миллиард рублден ашык акчанын чыгарылып кетиши да сотто каралууда. Учурда россиялык компания ондон ашык мамлекетте соттун чечимдерин таанууга жана аларды аткарууга жетишүүгө аракет кылып жатат. Буга чейин ушундай эле соттун чечимин камсыздоо чаралары Францияда жана Түштүк Африка Республикасында (ТАР) кабыл алынган. Жараяндын кийинки этабында Google ЖЧКсынын талаптары маңызы боюнча каралмакчы. Эгерде Бельгиянын фемида өкүлдөрү Россия сотунун чечимин тааныса, анда кредиторлор менен эсептешүү үчүн каражатты өндүрүү тартиби камакка алынган мүлк аркылуу болушу ыктымал.
https://sputnik.kg/20260407/bakay-bank-bryussel-sotunda-zhenishke-zhetti-1100656844.html
бельгия
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, бельгия, талаш, сот, чечим, каражат
дүйнөдө, россия, бельгия, талаш, сот, чечим, каражат
БИШКЕК, 3-июн. — Sputnik. Бельгиянын соту Россиянын Google жоопкерчилиги чектелген коомунун арызынын негизинде Google Belgium компаниясынын 115 миллион евролук мүлкүн камакка алды.
"Ведомости" басылмасынын жазганына таянсак, россиялык компания Американын бул IT-гигантынын чет өлкөлүк түзүмдөрүнөн каражат өндүрүү тууралуу Москванын Арбитраждык сотунун чечимин аткарууну талап кылууда.
Басылманын маалымат булактары бул талаш дивиденддерге байланыштуу келип чыкканын айтып беришкен. РФ тараптын кебине кулак салсак, каражат Google ЖЧКсы кудуретсиз деп жарыяланар алдында эле компаниядан чыгарылып кеткен. Ал эми Россиянын соту төлөмдөр кредиторлор менен эсептешүүдөн качуу максатында жасалган болушу мүмкүн деген жыйынтыкка келген.
Google Belgium компаниясынын мүлкүн камакка алуу иши соттун чечиминин толук аткарылышын камсыздоодогу чара катары колдонулду. Компаниянын өкүлдөрү бул кадам соттук териштирүү аяктаганга чейин Бельгиядагы бөлүмдүн реструктуризация болуп же өздөрүн банкрот деп жарыялап жиберишин алдын алат деген ишенимде турушат.
Россиялык компаниянын Бельгиядагы жактоочусу Майкл де Бук "Ведомости" басылмасына талаш-тартыш банкроттук иштин алкагынан кең масштабга чыкканын айтып берди.
Юристтердин эл аралык командасынын координатору Артур Зурабяндын айтымында, дивиденддер боюнча чыр Google компаниясына коюлган дооматтардын азырынча бир бөлүгү гана болуп турат. Google ЖЧКсынын банкроттук ишинин алкагында 2018-жылдан кийин жасалган бир катар келишимдер боюнча Россиядан 160 миллиард рублден ашык акчанын чыгарылып кетиши да сотто каралууда.
Учурда россиялык компания ондон ашык мамлекетте соттун чечимдерин таанууга жана аларды аткарууга жетишүүгө аракет кылып жатат. Буга чейин ушундай эле соттун чечимин камсыздоо чаралары Францияда жана Түштүк Африка Республикасында (ТАР) кабыл алынган.
Жараяндын кийинки этабында Google ЖЧКсынын талаптары маңызы боюнча каралмакчы. Эгерде Бельгиянын фемида өкүлдөрү Россия сотунун чечимин тааныса, анда кредиторлор менен эсептешүү үчүн каражатты өндүрүү тартиби камакка алынган мүлк аркылуу болушу ыктымал.
