https://sputnik.kg/20260512/zelenskiydin-kenesinin-murdagy-bashchysy-ermakka-ayyp-tagyluuda-1101261821.html
Зеленскийдин кеңсесинин мурдагы башчысы Ермак күнөөлөнүүдө. Чоо-жайы
Зеленскийдин кеңсесинин мурдагы башчысы Ермак күнөөлөнүүдө. Чоо-жайы
Sputnik Кыргызстан
Ермак тергөө иштери аяктамайын комментарий бербей турганын айтты. 12.05.2026, Sputnik Кыргызстан
2026-05-12T13:10+0600
2026-05-12T13:10+0600
2026-05-12T13:10+0600
дүйнөдө
украина
владимир зеленский
андрей ермак
коррупция
жаңжал
тергөө
https://sputnik.kg/img/07e9/0b/1e/1098219699_0:82:1800:1096_1920x0_80_0_0_e0739d28ed8f10a1f4ff1c7e169e569b.jpg
БИШКЕК, 12-май — Sputnik. Украинанын антикоррупция боюнча адистештирилген прокуратурасы (ААП) Владимир Зеленскийдин кеңсесинин мурдагы башчысы Андрей Ермакка кылмыштуу жол менен табылган акчаны адалдаган деген күнөө тагылып жатканын билдирди. РИА Новости тартип сакчылар 460 миллион гривенди Киевге жакын жерде элиталык тамдарды куруп жатканда мыйзамдаштырганын таап чыккандыгын жазды. Былтыркы жылдын ноябрынын аягына чейин аталган кызматты Андрей Ермак аркалап келген. Буга чейин Украинанын ТСН телеканалы Украинанын Коррупцияга каршы улуттук бюросу жана антикоррупциялык адистештирилген прокуратура тергөө иштерин жүргүзүп жатканын маалымдаган. Ал эми Ермак өзү тергөө аяктаганга чейин кандайдыр бир түшүндүрмө берүүдөн баш тартты. "Учурда эч кандай комментарий бербейм. Тергөө амалдары соңуна чыкканда баарын ачыктайм", — деген Ермактын сөзүн Украинанын "Общественное" телеканалы таратты. Жогорку Раданын депутаты Ярослав Железняк Ермакка расмий айып тагылганы тууралуу так маалымат жок экенин билдирди. Анын айтымында, кеп тинтүү жөнүндө гана болушу мүмкүн. Кийинчерээк депутат Украинанын Коррупцияга каршы улуттук бюронун кызматкерлери Ермактын Киевдеги үйүндө иш алып барып жатканын кошумчалады. Зеленскийдин кеңешчиси Дмитрий Литвин да учурдагы кырдаалга эрте баа берүү туура эмес экенин белгилеген. Ал арада Коррупцияга каршы күрөшүү боюнча улуттук бюро энергетика тармагындагы жемкорлукка шектелген ишкер Тимур Миндичтин сүйлөшүүлөрүнүн жаңы аудиожазууларын жарыялады. Бюронун материалдарында Ермак R2 деген каймана ат менен өтүүдө. Ал материалдар Киевдин четиндеги Козин айылында "Династия" деп аталган, баасы асман чапчыган резиденцияларды куруу аркылуу кылмыштуу жол менен табылган акчаны адалдоо маселесине тиешелүү болуп чыгууда "2020-жылдын июнь айында Че Гевара (коррупция ишинин дагы бир катышуучусу, Украинанын мурдагы вице-премьер-министри Алексей Чернышов — ред.) "Династиянын" курулушуна Карлсонду (Миндичти — ред.) тарткан. Долбоорго дагы бир катышуучу — R2 кошулган. Тергөөнүн версиясы боюнча, бул Зеленскийдин кеңсесинин жетекчиси", — деп аталган улуттук бюронун детективдер бөлүмүнүн башчысы Павел Ершовдун айтканы мекеменин YouTube каналында жүрөт. Анын айтымында, "Династия" долбоорунун катышуучулары Козин менен төрт жеке резиденция курууну макулдашкан. Ар бир резиденциянын курулушунун баасы болжол менен эки миллион долларга чыккан. Бул кабар дүң болуп кеткенде Жогорку Раданын депутаты Алексей Гончаренко* Киевде Зеленскийдин кеңсеси жайгашкан Банков көчөсү жана анын тегерегиндеги жолдор тосулганын билдирди. Эскерте кетсек, Украинанын антикоррупциялык бюросу 11-ноябрда өлкө энергетикасындагы коррупцияга тиешеси бар кылмыштуу топтун жети мүчөсүнө айып таккан. Булардын арасында ишкер Миндич менен бирге мурунку вице-премьер Алексей Чернышов да бар. 19-ноябрда Жогорку Рада чуулуу иште аты аталган Герман Галущенкону юстиция министри, ал эми Светлана Гринчукту энергетика министри кызматынан алган. *Террорчулар менен экстремисттердин тизмесине кирген киши
https://sputnik.kg/20260504/zelenskij-menen-mindichtin-koz-boemochulugu-1101115692.html
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, украина, владимир зеленский, андрей ермак, коррупция, жаңжал, тергөө
дүйнөдө, украина, владимир зеленский, андрей ермак, коррупция, жаңжал, тергөө
Зеленскийдин кеңсесинин мурдагы башчысы Ермак күнөөлөнүүдө. Чоо-жайы
Ермак тергөө иштери аяктамайын комментарий бербей турганын айтты.
БИШКЕК, 12-май — Sputnik. Украинанын антикоррупция боюнча адистештирилген прокуратурасы (ААП) Владимир Зеленскийдин кеңсесинин мурдагы башчысы Андрей Ермакка кылмыштуу жол менен табылган акчаны адалдаган деген күнөө тагылып жатканын билдирди.
РИА Новости тартип сакчылар 460 миллион гривенди Киевге жакын жерде элиталык тамдарды куруп жатканда мыйзамдаштырганын таап чыккандыгын жазды.
"Алардын бирине — кеңсенин мурдагы жетекчисине шектүү экендиги тууралуу кабарланды", — деп айтылат Telegram-каналдагы маалыматта.
Былтыркы жылдын ноябрынын аягына чейин аталган кызматты Андрей Ермак аркалап келген. Буга чейин Украинанын ТСН телеканалы Украинанын Коррупцияга каршы улуттук бюросу жана антикоррупциялык адистештирилген прокуратура тергөө иштерин жүргүзүп жатканын маалымдаган. Ал эми Ермак өзү тергөө аяктаганга чейин кандайдыр бир түшүндүрмө берүүдөн баш тартты.
"Учурда эч кандай комментарий бербейм. Тергөө амалдары соңуна чыкканда баарын ачыктайм", — деген Ермактын сөзүн Украинанын "Общественное" телеканалы таратты.
Жогорку Раданын депутаты Ярослав Железняк Ермакка расмий айып тагылганы тууралуу так маалымат жок экенин билдирди. Анын айтымында, кеп тинтүү жөнүндө гана болушу мүмкүн. Кийинчерээк депутат Украинанын Коррупцияга каршы улуттук бюронун кызматкерлери Ермактын Киевдеги үйүндө иш алып барып жатканын кошумчалады.
Зеленскийдин кеңешчиси Дмитрий Литвин да учурдагы кырдаалга эрте баа берүү туура эмес экенин белгилеген.
Ал арада Коррупцияга каршы күрөшүү боюнча улуттук бюро энергетика тармагындагы жемкорлукка шектелген ишкер Тимур Миндичтин сүйлөшүүлөрүнүн жаңы аудиожазууларын жарыялады. Бюронун материалдарында Ермак R2 деген каймана ат менен өтүүдө. Ал материалдар Киевдин четиндеги Козин айылында "Династия" деп аталган, баасы асман чапчыган резиденцияларды куруу аркылуу кылмыштуу жол менен табылган акчаны адалдоо маселесине тиешелүү болуп чыгууда
"2020-жылдын июнь айында Че Гевара (коррупция ишинин дагы бир катышуучусу, Украинанын мурдагы вице-премьер-министри Алексей Чернышов — ред.) "Династиянын" курулушуна Карлсонду (Миндичти — ред.) тарткан. Долбоорго дагы бир катышуучу — R2 кошулган. Тергөөнүн версиясы боюнча, бул Зеленскийдин кеңсесинин жетекчиси", — деп аталган улуттук бюронун детективдер бөлүмүнүн башчысы Павел Ершовдун айтканы мекеменин YouTube каналында жүрөт.
Анын айтымында, "Династия" долбоорунун катышуучулары Козин менен төрт жеке резиденция курууну макулдашкан. Ар бир резиденциянын курулушунун баасы болжол менен эки миллион долларга чыккан.
Бул кабар дүң болуп кеткенде Жогорку Раданын депутаты Алексей Гончаренко* Киевде Зеленскийдин кеңсеси жайгашкан Банков көчөсү жана анын тегерегиндеги жолдор тосулганын билдирди.
Эскерте кетсек, Украинанын антикоррупциялык бюросу 11-ноябрда өлкө энергетикасындагы коррупцияга тиешеси бар кылмыштуу топтун жети мүчөсүнө айып таккан. Булардын арасында ишкер Миндич менен бирге мурунку вице-премьер Алексей Чернышов да бар. 19-ноябрда Жогорку Рада чуулуу иште аты аталган Герман Галущенкону юстиция министри, ал эми Светлана Гринчукту энергетика министри кызматынан алган.
*Террорчулар менен экстремисттердин тизмесине кирген киши
