Улан Маматканов 1982-жылы 21-июнда Оштун Кара-Суу районудагы Мады айылында туулган. Жогорку билимдүү. 2004-жылы Ош мамлекеттик университетин "мамлекеттик жана муниципалдык башкаруу" адистиги боюнча артыкчылык менен бүтүргөн. 2008-жылы КР президентине караштуу мамлекеттик башкаруу академиясынын магистратурасын аяктаган.
Эмгек жолу:
2005–2006 — Эмгек жана социалдык коргоо министрлигинде адис;
2007 — Эмгек жана социалдык өнүктүрүү министрлигинде маалымат кызматтын жетекчиси;
2007–2008 — ошол эле министрликте министрдин кеңешчиси;
2008 — социалдык саясатты талдоо бөлүмүндө башкы адис;
2008–2009 — министрдин кеңешчиси;
2009–2010 — өкмөт аппаратында вице-премьер-министрдин жардамчысы жана эксперт;
2010 — Эмгек, иш менен камсыз кылуу жана миграция министрлигинде министрдин жардамчысы;
2010–2011 — ошол министрликте этникалык кыргыздар жана кайрылмандар менен иштеген бөлүмдүн башчысы;
2011 — Социалдык коргоо министрлигинде министрдин кеңешчиси;
2012 — өкмөт аппаратында инспектор;
2013 — коомдук фонддо ассистент;
2013–2014 — "Инвестконсалт" фондунда аткаруучу директор;
2014–2016 — президенттин аппаратында социалдык саясат боюнча эксперт;
2016 — өкмөт аппаратында социалдык өнүгүү бөлүмүнүн жетекчисинин орун басары;
2016–2018 — ошол эле бөлүмдүн жетекчиси;
2021-жылга чейин — Социалдык фонддун төрагасынын орун басары. Президенттик администрациянын региондор менен иштөө бөлүмүнүн инспектору;
2026-жылдын 15-апрелинен тарта министрлер кабинетинин төрагасынын орун басарынын милдетин аткаруучу.
