https://sputnik.kg/20260406/iran-tramptyn-sogungonuno-bildiruusuno-zhoop-berdi-1100625511.html
Иран Трамптын ашата тилдегенине жооп берди
Иран Трамптын ашата тилдегенине жооп берди
Sputnik Кыргызстан
Трамптын кылыгын АКШнын ичиндегилер да сындады. Ак үйдүн кожоюнунун айткандары Иранды күчөтүшү мүмкүндүгүн белгилешти. 06.04.2026, Sputnik Кыргызстан
2026-04-06T10:11+0600
2026-04-06T10:11+0600
2026-04-07T11:24+0600
дүйнөдө
жакынкы чыгыш
акш
иран
ормуз кысыгы
геосаясат
дональд трамп
https://sputnik.kg/img/07ea/02/19/1099931497_0:161:3071:1888_1920x0_80_0_0_c2174bae07f4ffc359f5788c8c6b71a2.jpg
БИШКЕК, 6-апр. — Sputnik. Ирандын БУУдагы туруктуу өкүлчүлүгү АКШ президенти Дональд Трамптын Тегеранга карата эмоцияга алдырып жазгандарын айыптаган билдирүүнү X социалдык тармагына жайгаштырды. Мурдараак Трамп ирандыктарды тилдеп, Ормуз кысыгын ачууну талап кылган. Ирандын БУУдагы туруктуу өкүлчүлүгүнүн билдирүүсүндө бул кадам "карапайым калкка каршы террорчулукту жасоого жасалган ачыктан ачык чакырык жана согуштук кылмышка баруу ниетинин айкын далили" экени айтылат. Ошондой эле өкүлчүлүк дүйнөлүк коомчулукту мындай нерсени алдын алуу үчүн "дал ушул убактан, азыртадан баштап козголууга" чакырды. Трамптын бул кылыгын АКШнын ичиндегилер да сындады. Америка армиясынын отставкадагы подполковниги Дэниел Дэвис X социалдык тармагында мындай коркутуулар Иранды чөгөлөтө албастыгын айткан. "Президент Трамптын минтип жазгандары жана кыйратып жиберем дегени Иранды багынтып кое албайт. Тескерисинче, Тегерандын жообунан улам аймактагы биздин союздаштарыбыздын энергетикалык жана башка инфраструктуралары талкаланып калышы мүмкүн экенин ишенимдүү айтууга болот", — деп жазды ал. АКШ менен Израилдин Жакынкы Чыгыштагы согуштук операциялары Ормуз кысыгы аркылуу кемелердин катташын дээрлик токтотту. Бул араб мамлекеттеринен мунай продукцияларын алып чыгууга кедергисин тийгизип, аны пайдаланган дүйнөнүн башка өлкөлөрүндө баанын өсүп кетишин шарттады. Tasnim агенттигинин билдиргенине таянсак, учурда кысык аркылуу Россиянын, Кытайдын, Индиянын, Ирактын жанана Пакистандын гана кемелеринин катташына уруксат берилген. Трамп Европа менен Азиянын бир катар мамлекеттерин кысыкты ачуу үчүн аймакка согуштук кемелерин жиберүүгө чакырык салган, бирок алардын көбү мындай кадамга баруудан баш тартып коюшкан. Ал арада Тегеран араб жана Азия мамлекеттеринин булуңду колдонуу боюнча эрежесин бекиткен "Ормуз пактысын" иштеп чыгууну сунуштады. Ага чейин Ак үйдүн кожоюну бул өлкөлөрдү Американын энергетика ресурстарын сатып алууга чакырган эле.
https://sputnik.kg/20260406/ormuz-kysygyn-aksh-menen-izrail-murdagyday-bashkara-albayt-1100624823.html
жакынкы чыгыш
акш
иран
ормуз кысыгы
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, жакынкы чыгыш, акш, иран, ормуз кысыгы, геосаясат, дональд трамп
дүйнөдө, жакынкы чыгыш, акш, иран, ормуз кысыгы, геосаясат, дональд трамп
Иран Трамптын ашата тилдегенине жооп берди
10:11 06.04.2026 (Жаңыртылды: 11:24 07.04.2026) Трамптын кылыгын АКШнын ичиндегилер да сындады. Ак үйдүн кожоюнунун айткандары Иранды күчөтүшү мүмкүндүгүн белгилешти.
БИШКЕК, 6-апр. — Sputnik. Ирандын БУУдагы туруктуу өкүлчүлүгү АКШ президенти Дональд Трамптын Тегеранга карата эмоцияга алдырып жазгандарын айыптаган билдирүүнү X социалдык тармагына жайгаштырды.
Мурдараак Трамп ирандыктарды тилдеп, Ормуз кысыгын ачууну талап кылган.
"Шейшемби Иранда электр станцияларынын жана көпүрөлөрдүн күнү болот, ошондо бардыгы бир күнгө туш келет. Мындай эч качан болгон эмес. Кысыкты ачкыла, акмактар, болбосо тозокко түшөсүңөр, карап тургула! Аллага мактоолор болсун", — деген Трамп Truth Social аркылуу.
Ирандын БУУдагы туруктуу өкүлчүлүгүнүн билдирүүсүндө бул кадам "карапайым калкка каршы террорчулукту жасоого жасалган ачыктан ачык чакырык жана согуштук кылмышка баруу ниетинин айкын далили" экени айтылат. Ошондой эле өкүлчүлүк дүйнөлүк коомчулукту мындай нерсени алдын алуу үчүн "дал ушул убактан, азыртадан баштап козголууга" чакырды.
Трамптын бул кылыгын АКШнын ичиндегилер да сындады. Америка армиясынын отставкадагы подполковниги Дэниел Дэвис X социалдык тармагында мындай коркутуулар Иранды чөгөлөтө албастыгын айткан.
"Президент Трамптын минтип жазгандары жана кыйратып жиберем дегени Иранды багынтып кое албайт. Тескерисинче, Тегерандын жообунан улам аймактагы биздин союздаштарыбыздын энергетикалык жана башка инфраструктуралары талкаланып калышы мүмкүн экенин ишенимдүү айтууга болот", — деп жазды ал.
АКШ менен Израилдин Жакынкы Чыгыштагы согуштук операциялары Ормуз кысыгы аркылуу кемелердин катташын дээрлик токтотту. Бул араб мамлекеттеринен мунай продукцияларын алып чыгууга кедергисин тийгизип, аны пайдаланган дүйнөнүн башка өлкөлөрүндө баанын өсүп кетишин шарттады.
Tasnim агенттигинин билдиргенине таянсак, учурда кысык аркылуу Россиянын, Кытайдын, Индиянын, Ирактын жанана Пакистандын гана кемелеринин катташына уруксат берилген. Трамп Европа менен Азиянын бир катар мамлекеттерин кысыкты ачуу үчүн аймакка согуштук кемелерин жиберүүгө чакырык салган, бирок алардын көбү мындай кадамга баруудан баш тартып коюшкан.
Ал арада Тегеран араб жана Азия мамлекеттеринин булуңду колдонуу боюнча эрежесин бекиткен "Ормуз пактысын" иштеп чыгууну сунуштады. Ага чейин Ак үйдүн кожоюну бул өлкөлөрдү Американын энергетика ресурстарын сатып алууга чакырган эле.
