https://sputnik.kg/20260323/akshnyn-zhakynky-chygysh-boyuncha-plandary-vashingtongo-paydaluu-emes-1100380903.html
ЖМК: АКШнын Жакынкы Чыгыш боюнча түзгөн 4 планы тең Вашингтонго пайдалуу эмес
ЖМК: АКШнын Жакынкы Чыгыш боюнча түзгөн 4 планы тең Вашингтонго пайдалуу эмес
Sputnik Кыргызстан
БИШКЕК, 23-мар. — Sputnik. АКШ Жакынкы Чыгыштагы мындан аркы окуяларды төрт түрдүү сценарий менен улантышы мүмкүн, бирок алардын бири да Вашингтонго пайдалуу... 23.03.2026, Sputnik Кыргызстан
2026-03-23T13:57+0600
2026-03-23T13:57+0600
2026-03-23T13:58+0600
дүйнөдө
акш
иран
жакынкы чыгыш
геосаясат
план
https://sputnik.kg/img/07ea/03/17/1100378863_0:0:3072:1728_1920x0_80_0_0_054613d53c1a89f7d32fc9e3c7aac841.jpg
БИШКЕК, 23-мар. — Sputnik. АКШ Жакынкы Чыгыштагы мындан аркы окуяларды төрт түрдүү сценарий менен улантышы мүмкүн, бирок алардын бири да Вашингтонго пайдалуу болбойт. Бул туурасында Economist журналы жазды. АКШнын президенти Дональд Трамп сүйлөшүүлөрдү баштоого аракеттениши, аймактан аскерлерди чыгарып кетүүгө буйрук берип, азыркы багытын улантышы же чыңалууну күчөтүүгө барышы ыктымалдыгы айтылды. Басылманын божомолунда, ылайыктуу делген варианттын жоктугу алардын кадамдарынын бири да ийгиликтүү болбойт дегендик. Журналдын маалыматына ылайык, кармашты токтотуу боюнча макулдашууга жетишүү ишке ашпачу сценарийдей көрүнөт, мында ортомчуну аныктоодо эле ээрден кыйшайышы мүмкүн. Ошол эле учурда, мисалы, чектөөлөрдү жумшартуунун ордуна Ирандын өзөктүк программасына жарым-жартылай санкцияны караган келишим жетишсиз болуп калышы ыктымал. Дагы бир алар жасашы болгон кадам — Ирандын аскердик мүмкүнчүлүгү толугу менен жок кылынды деп жарыялап, жаңжалды жыйынтыктоого аракет кылуу. Үчүнчү вариант — жаңжалды дагы бир нече аптага узартып туруу. Маалыматта муну израилдик расмийлердин көбү колдоп жатканы айтылган. Кийинки сценарий кырдаалдын андан ары ырбап кетишине байланышкан. Анда Ирандын энергетикалык инфраструктурасына, анын ичинде электр станцияларына чабуул жасоо, ошондой эле Харк аралына америкалык аскерлерди түшүрүү айтылган. Бирок басылма белгилегендей, мындай кадам олуттуу тобокелдиктер менен коштолуп, Перс булуңундагы өлкөлөргө кооптуулукту андан ары күчөтүшү мүмкүн. Жыйынтыктап айтканда, журнал санап өткөн варианттардын бири да согуштун чындап эле аякташына кепилдик бере албастыгын белгилеген. АКШ менен Израилдин Иранга каршы чабуулунун уланып жатканына үч аптага жакын убакыт болду. Тараптар бири-бирине сокку урууда. Тель-Авив Тегерандын өзөктүк куралга ээ болуусуна жол бербей турганын айтса, Вашингтон өлкөнүн аскердик потенциалын жок кылам деп коркутуп, элин бийликти кулатууга чакырып келет. Иран коргонууга даяр экенин, сүйлөшүүлөрдү жандантуунун мааниси жоктугун белгилеген.
https://sputnik.kg/20260321/irandyn-aksh-menen-kepke-keluugo-niyeti-zhok-1100341752.html
акш
иран
жакынкы чыгыш
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, иран, жакынкы чыгыш, геосаясат, план
дүйнөдө, акш, иран, жакынкы чыгыш, геосаясат, план
БИШКЕК, 23-мар. — Sputnik. АКШ Жакынкы Чыгыштагы мындан аркы окуяларды төрт түрдүү сценарий менен улантышы мүмкүн, бирок алардын бири да Вашингтонго пайдалуу болбойт. Бул туурасында
Economist журналы жазды.
АКШнын президенти Дональд Трамп сүйлөшүүлөрдү баштоого аракеттениши, аймактан аскерлерди чыгарып кетүүгө буйрук берип, азыркы багытын улантышы же чыңалууну күчөтүүгө барышы ыктымалдыгы айтылды. Басылманын божомолунда, ылайыктуу делген варианттын жоктугу алардын кадамдарынын бири да ийгиликтүү болбойт дегендик.
Журналдын маалыматына ылайык, кармашты токтотуу боюнча макулдашууга жетишүү ишке ашпачу сценарийдей көрүнөт, мында ортомчуну аныктоодо эле ээрден кыйшайышы мүмкүн. Ошол эле учурда, мисалы, чектөөлөрдү жумшартуунун ордуна Ирандын өзөктүк программасына жарым-жартылай санкцияны караган келишим жетишсиз болуп калышы ыктымал.
Дагы бир алар жасашы болгон кадам — Ирандын аскердик мүмкүнчүлүгү толугу менен жок кылынды деп жарыялап, жаңжалды жыйынтыктоого аракет кылуу. Үчүнчү вариант — жаңжалды дагы бир нече аптага узартып туруу. Маалыматта муну израилдик расмийлердин көбү колдоп жатканы айтылган.
Кийинки сценарий кырдаалдын андан ары ырбап кетишине байланышкан. Анда Ирандын энергетикалык инфраструктурасына, анын ичинде электр станцияларына чабуул жасоо, ошондой эле Харк аралына америкалык аскерлерди түшүрүү айтылган. Бирок басылма белгилегендей, мындай кадам олуттуу тобокелдиктер менен коштолуп, Перс булуңундагы өлкөлөргө кооптуулукту андан ары күчөтүшү мүмкүн.
Жыйынтыктап айтканда, журнал санап өткөн варианттардын бири да согуштун чындап эле аякташына кепилдик бере албастыгын белгилеген.
АКШ менен Израилдин Иранга каршы чабуулунун уланып жатканына үч аптага жакын убакыт болду. Тараптар бири-бирине сокку урууда. Тель-Авив Тегерандын өзөктүк куралга ээ болуусуна жол бербей турганын айтса, Вашингтон өлкөнүн аскердик потенциалын жок кылам деп коркутуп, элин бийликти кулатууга чакырып келет. Иран коргонууга даяр экенин, сүйлөшүүлөрдү жандантуунун мааниси жоктугун белгилеген.
