https://sputnik.kg/20260318/iranda-uluttuk-koopsuzduk-boyuncha-bashky-keneshtin-katchysy-oldu-1100288071.html
Ирандын лидеринин бири болчу. Өлкө бийлиги Али Ларижани өлтүрүлгөнүн тастыктады
Ирандын лидеринин бири болчу. Өлкө бийлиги Али Ларижани өлтүрүлгөнүн тастыктады
Sputnik Кыргызстан
БИШКЕК, 18-мар. — Sputnik. Тегеран Улуттук коопсуздук боюнча башкы кеңештин катчысы Али Ларижани каза болгонун тастыктады. Бул туурасында РИА Новости жазды. 18.03.2026, Sputnik Кыргызстан
2026-03-18T11:15+0600
2026-03-18T11:15+0600
2026-03-18T11:15+0600
дүйнөдө
иран
израиль
акш
масуд пезешкиан
чабуул
өлүм
өч
убада
https://sputnik.kg/img/07ea/03/04/1100070993_0:320:3072:2048_1920x0_80_0_0_edb61ad67c5971e98e762ad1f75853c1.jpg
БИШКЕК, 18-мар. — Sputnik. Тегеран Улуттук коопсуздук боюнча башкы кеңештин катчысы Али Ларижани каза болгонун тастыктады. Бул туурасында РИА Новости жазды. Fars агенттиги Ларижани кызынын батиринде уулу, орун басарларынын бири жана бир нече жан сакчысы менен бирге АКШ жана Израилдин истребителдеринин чабуулуна кабылганын жазды. Бирок анын кеңсеси бул маалыматты төгүндөдү. Иран президенти Масуд Пезешкиан Ларижанинин өлүмү үчүн болуп көрбөгөндөй өч алууга убада берип, анын дүйнөдөн кайткандыгына байланыштуу көңүл айтты. Буга чейин Израилдин коргоо министри Исраэль Кац Ларижани ракета менен жасалган чабуулдун натыйжасында өлтүрүлгөнүн кабарлаган. Ал аталган өлкөнүн руханий лидери Али Хаменеи өлтүрүлгөндөн кийин Ирандын лидери деп аталып келген. Ларижани улуттук коопсуздук боюнча негизги маселелер, анын ичинде Ирандын өзөктүк программасы боюнча сүйлөшүүлөргө жооптуу болчу. Эске салсак, АКШ менен Израиль 28-февралда Иран аймагындагы объектилерге, анын ичинде Тегеран шаарына сокку ура баштаган. Чабуулдан өлкөнүн руханий лидери Хаменеи баштаган бир топ кызмат адамдары көз жумду. Дагы бир чабуулда жардыргыч Минаб шаарындагы кыздар үчүн башталгыч мектептин имаратына келип түшкөн. Ирандын билим берүү министри Алиреза Каземи каза болгон окуучулар менен мугалимдердин саны 200дөн ашык экенин айткан. Иран жооп иретинде Израилдин аймагына, ошондой эле Жакынкы Чыгыштагы АКШнын аскердик объектилерине сокку уруп жатат.
https://sputnik.kg/20260309/iranda-biylik-atadan-balaga-ottu-1100130889.html
иран
израиль
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, иран, израиль, акш, масуд пезешкиан, чабуул, өлүм, өч, убада
дүйнөдө, иран, израиль, акш, масуд пезешкиан, чабуул, өлүм, өч, убада
БИШКЕК, 18-мар. — Sputnik. Тегеран Улуттук коопсуздук боюнча башкы кеңештин катчысы Али Ларижани каза болгонун тастыктады. Бул туурасында
РИА Новости жазды. "Мен кудайдын кулумун, Жаратканга кайттым", — деп Ларижанинин кеңсеси билдирүү таратты.
Fars агенттиги Ларижани кызынын батиринде уулу, орун басарларынын бири жана бир нече жан сакчысы менен бирге АКШ жана Израилдин истребителдеринин чабуулуна кабылганын жазды. Бирок анын кеңсеси бул маалыматты төгүндөдү.
Иран президенти Масуд Пезешкиан Ларижанинин өлүмү үчүн болуп көрбөгөндөй өч алууга убада берип, анын дүйнөдөн кайткандыгына байланыштуу көңүл айтты.
Буга чейин Израилдин коргоо министри Исраэль Кац Ларижани ракета менен жасалган чабуулдун натыйжасында өлтүрүлгөнүн кабарлаган. Ал аталган өлкөнүн руханий лидери Али Хаменеи өлтүрүлгөндөн кийин Ирандын лидери деп аталып келген. Ларижани улуттук коопсуздук боюнча негизги маселелер, анын ичинде Ирандын өзөктүк программасы боюнча сүйлөшүүлөргө жооптуу болчу.
Эске салсак, АКШ менен Израиль 28-февралда Иран аймагындагы объектилерге, анын ичинде Тегеран шаарына сокку ура баштаган. Чабуулдан өлкөнүн руханий лидери Хаменеи баштаган бир топ кызмат адамдары көз жумду. Дагы бир чабуулда жардыргыч Минаб шаарындагы кыздар үчүн башталгыч мектептин имаратына келип түшкөн. Ирандын билим берүү министри Алиреза Каземи каза болгон окуучулар менен мугалимдердин саны 200дөн ашык экенин айткан.
Иран жооп иретинде Израилдин аймагына, ошондой эле Жакынкы Чыгыштагы АКШнын аскердик объектилерине сокку уруп жатат.
