https://sputnik.kg/20260315/kazakstan-referendum-konstituciya-1100237431.html
Казакстанда жаңы Конституция кабыл алуу боюнча референдум өтүүдө. Токаев добуш берди
Казакстанда жаңы Конституция кабыл алуу боюнча референдум өтүүдө. Токаев добуш берди
Sputnik Кыргызстан
БИШКЕК, 15-мар. — Sputnik. Казакстанда жаңы Конституция кабыл алуу боюнча референдум өтүп жатат, президент Касым-Жомарт Токаев добуш берди. Бул тууралуу... 15.03.2026, Sputnik Кыргызстан
2026-03-15T14:28+0600
2026-03-15T14:28+0600
2026-03-15T14:29+0600
дүйнөдө
казакстан
референдум
конституция
касым-жомарт токаев
https://sputnik.kg/img/07ea/03/0f/1100236484_0:228:2832:1821_1920x0_80_0_0_9ead8a5e1d6dd573e54f1e2641e2c329.jpg
БИШКЕК, 15-мар. — Sputnik. Казакстанда жаңы Конституция кабыл алуу боюнча референдум өтүп жатат, президент Касым-Жомарт Токаев добуш берди. Бул тууралуу Sputnik Казакстан жазды. Жаңы Баш мыйзамдын долбоору боюнча жалпы элдик референдум өткөрүү тууралуу жарлыкка өлкө башчысы 11-февралда кол койгон. Токаев бул өлкөнүн тагдырын чече турган күн экенин белгилеп, жаңы Конституция аймактык бүтүндүктү, көз карандысыздыкты жана мамлекеттин эгемендигин бекемдей турганына токтолгон. Ал 1995-жылы кабыл алынган Баш мыйзам өз милдетин толук аткарганын, бирок убакыт өтүп жашоо өзгөрүп жатканын, андыктан жаңы Конституция кабыл алчу мезгил келгенин белгиледи. Жарлыкка ылайык, жаңы долбоордо азыркы Баш мыйзамдын 80 пайызынын өзгөрүүсү каралган. Казакстандыктан бюллетендеги бир гана суроого — долбоору 2026-жылдын февралында жарыяланган Конституцияны кабыл алабы деген соболго жооп бериши керек. Негизги өзгөрүүлөр: эки палаталуу парламент бир палаталуу Курултай болот (145 депутат партиялык тизме менен беш жылга шайланат); вице-президенттин кызматы калыбына келтирилет (1996-жылы токтотулган). Ал Курултай менен макулдашылып президент тарабынан дайындалат да, өлкө башчысынан кийинки адам болот; жаңы консультативдик орган — Халык Кенесы (Элдик кеңеш) түзүлүп, мүчөлөрүн президент дайындайт; парламенттен башкы прокурорду, Жогорку соттун төрагасын жана акыйкатчыны кол тийбестиктен ажыратуу укугу алынат;нике эркек менен аялдын ортосунда гана жүрөт; чет жактан каржыланган коммерциялык эмес уюмдар үчүн "чет элдик агент" түшүнүгү кирет; орус тилинин макамы такталып, казак тили менен "тең колдонулат" дегендин ордуна "бирге" деп айтылат; дин мамлекеттен расмий бөлүнөт. Шайлоочулардын 50%дан ашыгы добуш берген учурда референдум өттү деп таанылат (жалпы 12,4 млн жаран катталган). Өлкөдө 10 миң, 54 мамлекетте дагы 71 шайлоо участкасы ачылган. Баш мыйзам кабыл алынып калса 1-июлдан тарта күчүнө кирет, азыркы парламент тарап, өкмөт отставкага кетет. Бир палаталуу парламентке шайлоону августтун соңуна чейин өткөрүү пландалган.
https://sputnik.kg/20260217/prezidenttik-shajloo-2027-zhyly-otot-1099786572.html
казакстан
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, казакстан, референдум, конституция, касым-жомарт токаев
дүйнөдө, казакстан, референдум, конституция, касым-жомарт токаев
БИШКЕК, 15-мар. — Sputnik. Казакстанда жаңы Конституция кабыл алуу боюнча референдум өтүп жатат, президент Касым-Жомарт Токаев добуш берди. Бул тууралуу
Sputnik Казакстан жазды.
Жаңы Баш мыйзамдын долбоору боюнча жалпы элдик референдум өткөрүү тууралуу жарлыкка өлкө башчысы 11-февралда кол койгон.
Токаев бул өлкөнүн тагдырын чече турган күн экенин белгилеп, жаңы Конституция аймактык бүтүндүктү, көз карандысыздыкты жана мамлекеттин эгемендигин бекемдей турганына токтолгон. Ал 1995-жылы кабыл алынган Баш мыйзам өз милдетин толук аткарганын, бирок убакыт өтүп жашоо өзгөрүп жатканын, андыктан жаңы Конституция кабыл алчу мезгил келгенин белгиледи.
Жарлыкка ылайык, жаңы долбоордо азыркы Баш мыйзамдын 80 пайызынын өзгөрүүсү каралган. Казакстандыктан бюллетендеги бир гана суроого — долбоору 2026-жылдын февралында жарыяланган Конституцияны кабыл алабы деген соболго жооп бериши керек.
эки палаталуу парламент бир палаталуу Курултай болот (145 депутат партиялык тизме менен беш жылга шайланат);
вице-президенттин кызматы калыбына келтирилет (1996-жылы токтотулган). Ал Курултай менен макулдашылып президент тарабынан дайындалат да, өлкө башчысынан кийинки адам болот;
жаңы консультативдик орган — Халык Кенесы (Элдик кеңеш) түзүлүп, мүчөлөрүн президент дайындайт;
парламенттен башкы прокурорду, Жогорку соттун төрагасын жана акыйкатчыны кол тийбестиктен ажыратуу укугу алынат;
нике эркек менен аялдын ортосунда гана жүрөт;
чет жактан каржыланган коммерциялык эмес уюмдар үчүн "чет элдик агент" түшүнүгү кирет;
орус тилинин макамы такталып, казак тили менен "тең колдонулат" дегендин ордуна "бирге" деп айтылат;
дин мамлекеттен расмий бөлүнөт.
Шайлоочулардын 50%дан ашыгы добуш берген учурда референдум өттү деп таанылат (жалпы 12,4 млн жаран катталган). Өлкөдө 10 миң, 54 мамлекетте дагы 71 шайлоо участкасы ачылган.
Баш мыйзам кабыл алынып калса 1-июлдан тарта күчүнө кирет, азыркы парламент тарап, өкмөт отставкага кетет. Бир палаталуу парламентке шайлоону августтун соңуна чейин өткөрүү пландалган.
