https://sputnik.kg/20260302/yevrouchtuk-iranga-karshy-korgonuuga-dayar-1100018486.html
“Евроүчтүк” Иранга каршы коргонуучу чараларды көрүүгө даяр экенин билдирди
“Евроүчтүк” Иранга каршы коргонуучу чараларды көрүүгө даяр экенин билдирди
Sputnik Кыргызстан
БИШКЕК, 2-мар. — Sputnik. Франция, Германия жана Улуу Британия (“Евроүчтүк” деп аталган) зарыл болсо Иранга каршы коргонуучу чараларды көрүүгө даяр экенин... 02.03.2026, Sputnik Кыргызстан
2026-03-02T11:56+0600
2026-03-02T11:56+0600
2026-03-02T12:04+0600
дүйнөдө
иран
германия
франция
улуу британия
согуш
атышуу
https://sputnik.kg/img/07ea/02/10/1099754010_0:14:3074:1743_1920x0_80_0_0_6d9fc14e845f19dfd037fc99c8702d9f.jpg
БИШКЕК, 2-мар. — Sputnik. Франция, Германия жана Улуу Британия (“Евроүчтүк” деп аталган) зарыл болсо Иранга каршы коргонуучу чараларды көрүүгө даяр экенин айтышты.“Евроүчтүктүн” биргелешкен билдирүүсүндө Ирандын ракета менен соккулары багыттуу эмес жана ашыкча деп белгиленген. Алар чабуулдар аймактагы башка мамлекеттерге да залакасын тийгизгенин, ал өлкөлөр АКШ менен Израилдин баштапкы аскердик аракеттерине катышпаганын эске салышкан.Билдирүүдө Ирандын соккулары “Евроүчтүктүн” жакынкы союздаштарына багытталып жасалганы жана европалык аскер кызматкерлерине, ошондой эле аймактагы жарандарга коркунуч жаратып жатканы баса белгиленген. Мындан улам “Евроүчтүктүн” өкүлдөрү Иранды соккуларды дароо токтотууга чакырышкан.Ошондой эле Берлин, Париж, Лондон жана АКШ аймактагы союздаштар менен биргеликте аракеттерди уюштуруу боюнча макулдашканы белгиленет.АКШ менен Израилдин чабуулдарыИшемби күнү АКШ жана Израиль Иранга каршы масштабдуу аскердик операция баштады. Анткен менен өткөн аптада эле Кошмо Штаттар Ислам Республикасы менен "өзөктүк досье" боюнча сүйлөшүүлөрдү жүргүзүп жаткан эле.Тель-Авив чабуулдардын максаты Тегерандын өзөктүк куралга ээ болушуна жол бербөө экенин билдирди. Ак үйдүн башчысы Дональд Трамп Ирандын флотун жана коргонуу өнөр жайын жок кылуу ниетин жарыялап, ошондой эле өлкө жарандарын азыркы бийликти кулатууга чакырган.Ирандын Жогорку лидери Хаменеи АКШ менен Израилдин чабуулунан улам өзүнүн кеңсесинде курман болгон. Fars агенттиги анын бүлөсүнөн дагы төрт киши көз жумганын, алардын ичинде кызы бар экенин жазды. Мындан сырткары, 148 мектеп окуучусунун (кыздардын) өмүрү кыйылганы кабарланган. Кийинчерээк алардын саны 153кө жеткени айтылды.Иран жооп иретинде Жакынкы Чыгыштагы өлкөлөрдө жайгашкан АКШнын аскер базаларына чабуул коюуда.
https://sputnik.kg/20260302/aksh-iranga-karshy-chabuuldu-kancha-ubakytka-cheyin-sozot-1100014518.html
иран
германия
франция
улуу британия
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, иран, германия, франция, улуу британия, согуш, атышуу
дүйнөдө, иран, германия, франция, улуу британия, согуш, атышуу
БИШКЕК, 2-мар. — Sputnik. Франция, Германия жана Улуу Британия (“Евроүчтүк” деп аталган) зарыл болсо Иранга каршы коргонуучу чараларды көрүүгө даяр экенин айтышты.
“Евроүчтүктүн” биргелешкен билдирүүсүндө Ирандын ракета менен соккулары багыттуу эмес жана ашыкча деп белгиленген. Алар чабуулдар аймактагы башка мамлекеттерге да залакасын тийгизгенин, ал өлкөлөр АКШ менен Израилдин баштапкы аскердик аракеттерине катышпаганын эске салышкан.
Билдирүүдө Ирандын соккулары “Евроүчтүктүн” жакынкы союздаштарына багытталып жасалганы жана европалык аскер кызматкерлерине, ошондой эле аймактагы жарандарга коркунуч жаратып жатканы баса белгиленген. Мындан улам “Евроүчтүктүн” өкүлдөрү Иранды соккуларды дароо токтотууга чакырышкан.
“Биз өзүбүздүн жана союздаштарыбыздын аймактык кызыкчылыктарын коргоо үчүн чараларды көрөбүз. Зарыл болсо Ирандын ракета жана учкучсуз учуучу аппараттарын учуруу мүмкүнчүлүктөрүн жок кылуу үчүн керектүү жана пропорционалдуу коргонуучу чараларды да камсыз кылабыз”, — деп айтылат билдирүүдө.
Ошондой эле Берлин, Париж, Лондон жана АКШ аймактагы союздаштар менен биргеликте аракеттерди уюштуруу боюнча макулдашканы белгиленет.
АКШ менен Израилдин чабуулдары
Ишемби күнү АКШ жана Израиль Иранга каршы масштабдуу аскердик операция баштады. Анткен менен өткөн аптада эле Кошмо Штаттар Ислам Республикасы менен "өзөктүк досье" боюнча сүйлөшүүлөрдү жүргүзүп жаткан эле.
Тель-Авив чабуулдардын максаты Тегерандын өзөктүк куралга ээ болушуна жол бербөө экенин билдирди. Ак үйдүн башчысы Дональд Трамп Ирандын флотун жана коргонуу өнөр жайын жок кылуу ниетин жарыялап, ошондой эле өлкө жарандарын азыркы бийликти кулатууга чакырган.
Ирандын Жогорку лидери Хаменеи АКШ менен Израилдин чабуулунан улам өзүнүн кеңсесинде курман болгон. Fars агенттиги анын бүлөсүнөн дагы төрт киши көз жумганын, алардын ичинде кызы бар экенин жазды. Мындан сырткары, 148 мектеп окуучусунун (кыздардын) өмүрү кыйылганы кабарланган. Кийинчерээк алардын саны 153кө жеткени айтылды.
Иран жооп иретинде Жакынкы Чыгыштагы өлкөлөрдө жайгашкан АКШнын аскер базаларына чабуул коюуда.
