Эгемен Кыргызстандын алгачкы чек арачыларын такшалткан согуш. Сүрөт баян
Эгемен Кыргызстандын алгачкы чек арачыларын такшалткан согуш. Сүрөт баян
Sputnik Кыргызстан
1992-жылы 5-майда Тажикстанда жарандык согуш башталып, тажик-афган чек арасы көзөмөлсүз калган эле. Кандуу тирештен пайдаланып кылмыш дүйнөсү Афганстандан... 22.02.2026, Sputnik Кыргызстан
1993-жылы январда Минскиде КМШ мамлекет башчылары кезигип, Тажикстандын Тоолуу Бадахшан аймагындагы россиялык чек арачыларга көмөктөшүүгө Кыргызстан, Казакстан жана Өзбекстандын ар биринен 500дөн жоокер бөлүп, тынчтык орнотуучу батальон жиберүү чечими кабыл алынган. Казак жана өзбек батальондору Хорог менен Калаи-Хумб районундагы чек араны көзөмөлгө алса, кыргыз отряды Ишкашимдеги чек ара тилкесин кайтарган. Демилгени БУУ колдогон. 1993-1999-жылдары тажик-афган чек арасын төрт миңден ашык кыргызстандык аскер көзөмөлдөп, ушуну менен эгемен Кыргызстандын Чек ара кызматы түптөлгөн. Колумнист Алмаз Батилов КР Коргоо министрлигинин тынчтык орнотуучу батальонунун ардагерлеринин жеке архивинен сейрек сүрөттөрдү тапты.
1992-жылы 5-майда Тажикстанда жарандык согуш башталып, тажик-афган чек арасы көзөмөлсүз калган эле. Кандуу тирештен пайдаланып кылмыш дүйнөсү Афганстандан Борбордук Азия аркылуу Россия жана Европага баңгизат ташууга жол ачып, курал-жарак сатуунун жолун өздөштүргөн.
1993-жылы январда Минскиде КМШ мамлекет башчылары кезигип, Тажикстандын Тоолуу Бадахшан аймагындагы россиялык чек арачыларга көмөктөшүүгө Кыргызстан, Казакстан жана Өзбекстандын ар биринен 500дөн жоокер бөлүп, тынчтык орнотуучу батальон жиберүү чечими кабыл алынган.
Казак жана өзбек батальондору Хорог менен Калаи-Хумб районундагы чек араны көзөмөлгө алса, кыргыз отряды Ишкашимдеги чек ара тилкесин кайтарган. Демилгени БУУ колдогон. 1993-1999-жылдары тажик-афган чек арасын төрт миңден ашык кыргызстандык аскер көзөмөлдөп, ушуну менен эгемен Кыргызстандын Чек ара кызматы түптөлгөн. Колумнист Алмаз Батилов КР Коргоо министрлигинин тынчтык орнотуучу батальонунун ардагерлеринин жеке архивинен сейрек сүрөттөрдү тапты.
КР Коргоо министрлигинин тынчтык орнотуучу батальонунун жоокерлери ашууда тыгылып калган автобусту түртүп чыгарууда. Тажикстандын Тоолуу Бадахшан автоном облусу, Ишкашим району. 1994-жыл
КР Коргоо министрлигинин тынчтык орнотуучу батальонунун аскери Толкун Сманов жергиликтүү тургун менен. Тажикстандын Тоолуу Бадахшан автоном облусу, Ишкашим району. 1994-жыл
Белгилүү бадахшандык талаа командири Мажнун Паллаев (оң жактан экинчи) тарапкерлери менен баарлашуда. Тажикстандын Тоолуу Бадахшан автоном облусу, Ишкашим району. 1994-жыл
КР Коргоо министрлигинин тынчтык орнотуучу батальонунун офицерлери тажик милициясынын кызматкерлери менен жолуккан учуру. Тажикстандын Тоолуу Бадахшан автоном облусу, Ишкашим району.1994-жыл
КР Коргоо министрлигинин тынчтык орнотуучу батальонунун пулёметчусу тажик-афган чек арасын көзмөлдөп жаткан маалы. Тажикстандын Тоолуу Бадахшан автоном облусу, Ишкашим району. 1994-жыл
Коргоо министринин орун басары генерал Нуридин Чомоевдин полковник Геннадий Вираховский менен тынчтык орнотуучу батальонуна келиши. Тажикстандын Тоолуу Бадахшан автоном облусу, Ишкашим району. 1995-жыл
Душанбедеги Жамааттык тынчтык орнотуучу күчтөрүнүн штабында Кыргызстандын Коргоо министрлигинин өкүлү Абдрахим Раджапов тынчтык орнотуучу батальонун тосуп алууда. Тажикстандын Тоолуу Бадахшан автоном облусу, Ак-Байтал ашуусу. 1996-жыл
