https://sputnik.kg/20260128/nipakh-virus-zhayyluu-korkunuch-1099407453.html
Онищенко: Нипах вирусу кооптуу, бирок массалык түрдө жайылбайт
Онищенко: Нипах вирусу кооптуу, бирок массалык түрдө жайылбайт
Sputnik Кыргызстан
БИШКЕК, 28-янв. — Sputnik. Нипах вирусу адистерге 1990-жылдардын аягынан бери эле жакшы белгилүү. Бул тууралуу Россия Илимдер академиясынын мүчөсү Геннадий... 28.01.2026, Sputnik Кыргызстан
2026-01-28T17:06+0600
2026-01-28T17:06+0600
2026-01-29T15:54+0600
дүйнөдө
вирус
геннадий онищенко
жайылуу
кооптуулук
пресс-борбор
https://sputnik.kg/img/07e8/02/07/1082525633_0:18:3072:1746_1920x0_80_0_0_55a6bb8b5c379470a1109cb30cb2e9d6.jpg
БИШКЕК, 28-янв. — Sputnik. Нипах вирусу адистерге 1990-жылдардын аягынан бери эле жакшы белгилүү. Бул тууралуу Россия Илимдер академиясынын мүчөсү Геннадий Онищенко билдирди. Ал Sputnik агенттигинин маалымат борборунда өткөн видеокөпүрө учурунда сүйлөгөн. Эксперттин айтымында, вирус алгач 1998-1999-жылдары кеңири изилденген. Андан бери акыркы чейрек кылым ичинде Нипах вирусу маал-маалы менен чектелүү бир очоктордо гана катталып келүүдө. Онищенко бул вирус негизинен Түштүк-Чыгыш Азия өлкөлөрүндө тараганын белгиледи. Анын негизги алып жүрүүчүлөрү — жарганаттар. Вирус жаныбарлар үчүн кооптуу эмес, бирок адамга жугушу мүмкүн. Онищенко илдет адамдан адамга жугушу мүмкүн болгону менен анын массалык мүнөзгө ээ эместигин жана COVID-19 сыяктуу аба менен тарабай турганын белгиледи. Нипах — өлүмгө алып келе турган вирус. Ага каршы дары-дармек азырынча жок. Илдет мээни, өпкөнү, жүрөктү, бөйрөктү, көк боорду жабыркатышы мүмкүн. Алгачкы белгилери: эт ысыйт, баш, булчуң эт, тамак ооруйт, кустурат. Кийинки этапта баш айлануу, уйкусуроо жана курч энцефалиттин неврологиялык белгилери пайда болот. Айрым учурларда өпкө башкача кагынып, дем алуу кыйындайт. Анткен менен Онищенко вирус пандемиялык потенциалга ээ эмес экенин баса белгиледи. Байкоо жүргүзүлгөн бардык мезгилдерде адамдан адамга жугуу фактылары оору тараган аймактан тышкары катталган эмес. Академик вакцинаны иштеп чыгуу теориялык жактан татаал эместигин кошумчалады.
https://sputnik.kg/20260128/dsu-nipakh-taroo-dalil-zhok-1099391830.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, вирус, геннадий онищенко, жайылуу, кооптуулук
дүйнөдө, вирус, геннадий онищенко, жайылуу, кооптуулук
БИШКЕК, 28-янв. — Sputnik. Нипах вирусу адистерге 1990-жылдардын аягынан бери эле жакшы белгилүү. Бул тууралуу Россия Илимдер академиясынын мүчөсү Геннадий Онищенко билдирди.
Ал Sputnik агенттигинин маалымат борборунда өткөн видеокөпүрө учурунда сүйлөгөн.
Эксперттин айтымында, вирус алгач 1998-1999-жылдары кеңири изилденген. Андан бери акыркы чейрек кылым ичинде Нипах вирусу маал-маалы менен чектелүү бир очоктордо гана катталып келүүдө. Онищенко бул вирус негизинен Түштүк-Чыгыш Азия өлкөлөрүндө тараганын белгиледи. Анын негизги алып жүрүүчүлөрү — жарганаттар. Вирус жаныбарлар үчүн кооптуу эмес, бирок адамга жугушу мүмкүн.
Онищенко илдет адамдан адамга жугушу мүмкүн болгону менен анын массалык мүнөзгө ээ эместигин жана COVID-19 сыяктуу аба менен тарабай турганын белгиледи.
Нипах — өлүмгө алып келе турган вирус. Ага каршы дары-дармек азырынча жок. Илдет мээни, өпкөнү, жүрөктү, бөйрөктү, көк боорду жабыркатышы мүмкүн. Алгачкы белгилери: эт ысыйт, баш, булчуң эт, тамак ооруйт, кустурат. Кийинки этапта баш айлануу, уйкусуроо жана курч энцефалиттин неврологиялык белгилери пайда болот. Айрым учурларда өпкө башкача кагынып, дем алуу кыйындайт.
Анткен менен Онищенко вирус пандемиялык потенциалга ээ эмес экенин баса белгиледи. Байкоо жүргүзүлгөн бардык мезгилдерде адамдан адамга жугуу фактылары оору тараган аймактан тышкары катталган эмес.
Академик вакцинаны иштеп чыгуу теориялык жактан татаал эместигин кошумчалады.
"Учурда COVID-19 сыяктуу ири эпидемия же пандемия күтүүгө негиз жок", — деп сөзүн жыйынтыктады ал.
