Бишкекте батирлердин баасы декабрь айында канчага кымбаттаганы айтылды
Жазылуу
БИШКЕК, 23-янв. — Sputnik. Былтыр батирлердин баасы орто эсеп менен 23,8 пайызга жогорулаган. Бул тууралуу Жер ресурстары боюнча мамлекеттик агенттиктин башкы адиси Аман Кебеков билдирди.
Анын айтымында, январь айында турак жайдын орточо баасы 1 чарчы метри үчүн 102 миң сомду (1170$), ал эми декабрда 126,3 миң сомду (1440$) түзгөн.
"I кварталда баалар туруктуу өсүп, 1,4 пайызды түздү. Февраль, мартта өсүш 1,9% болду. Апрелде 0,6%га чейин төмөндөп, май айында кайрадан 1,7 пайызга жетти. Сентябрда 11,8%дык кескин кымбаттоо болду. Бирок бул сезондук фактор. Октябрда баалар 9,5 пайызга төмөндөп, декабрда кайрадан 18,4%га секирик жасады. Жыл ичинде баа улам өзгөрүп турса да туруктуу өсүш тенденциясы бар", — деген ал "Биринчи радионун" эфиринде.
Ошондой эле жер тамдын баасында да олуттуу өсүш байкалган. Мурдагы жылы 1 чарчы метринин баасы орточо 1 396 долларды түзсө, былтыр бул көрсөткүч 1 770 долларга жеткен.
Буга чейин аталган агенттиктин дагы бир адиси ушул жылдын II кварталында батирлердин баасы төмөндөшү мүмкүн деген божомолду айткан.
