https://sputnik.kg/20260122/tooluu-aymaktagy-baldarga-beril-ch-zholok-pul-1099293995.html
Тоолуу аймактагы балдар үчүн жөлөк пулду алуу тартиби түшүндүрүлдү
Тоолуу аймактагы балдар үчүн жөлөк пулду алуу тартиби түшүндүрүлдү
Sputnik Кыргызстан
БИШКЕК, 22-янв. — Sputnik. Эмгек, социалдык камсыздоо жана миграция министрлиги бийик тоолуу аймактардын жашоочуларына ай сайын берилүүчү "Бийик тоолуу... 22.01.2026, Sputnik Кыргызстан
2026-01-22T16:38+0600
2026-01-22T16:38+0600
2026-01-22T16:38+0600
кыргызстан
эмгек, социалдык камсыздоо жана миграция министрлиги
жөлөк пул
колдоо
https://sputnik.kg/img/104350/43/1043504360_0:320:3072:2048_1920x0_80_0_0_f370fd7fcde861fecb8bbef528db24c6.jpg
БИШКЕК, 22-янв. — Sputnik. Эмгек, социалдык камсыздоо жана миграция министрлиги бийик тоолуу аймактардын жашоочуларына ай сайын берилүүчү "Бийик тоолуу аймактардын жашоочуларына көмөк" жөлөк пулу боюнча түшүндүрмө берди. Ага ылайык, каражат төмөнкү учурларда дайындалат: Төлөм үй-бүлөнүн кирешесине жана социалдык абалына карабастан берилет. Жөлөк пул алууга бийик тоолуу жана жетүүгө кыйын аймактардын жашоочулары, анын ичинде өзгөчө макамга ээ болгон айрым чек арадагы калктуу конуштардын тургундары укуктуу. Жөлөк пул алуу үчүн жашаган жери боюнча Эмгек министрлигинин аймактык башкармалыктарына кайрылуу зарыл. Ага ата-энелердин паспортторун, балдардын туулгандыгы тууралуу күбөлүктөрүн, эгиздер же бир учурда төрөлгөн бир нече бала тууралуу маалым каттарды, ошондой эле бийик тоолуу аймакта каттоодо турганын тастыктаган документти алып баруу керек. Чет өлкөлүк жарандар Кыргызстанда мыйзамдуу жүргөнүн тастыктаган документтерди тапшырышы керек. Ишенимдүү адам аркылуу тапшырганда паспорт, ишеним кат жана баланын мыйзамдуу өкүлү экенин тастыктаган сот чечими талап кылынат. Төлөм төмөнкү учурларда токтотулушу мүмкүн: Жөлөк пул арыз берилген айдан кийинки айдын биринчи күнүнөн тартып балдар 3 жашка чыкканга чейин чектелет. Андан тышкары, жарандын жашаган жери жана турган жери (катталган жери) боюнча каттоо эсебинде (АИС "Даректик маалым кат бюросу") катталган дареги жашаган жери боюнча "Санарип аймак" автоматташтырылган маалыматтык системасында катталган дарекке дал келиши керек. Эгер каттоо жок болсо, убактылуу каттоого туруу үчүн айыл өкмөтүнө кайрылуу зарыл. Буга чейин 2026-жылдан тарта бийик тоолуу, жетүүгө кыйын жана өзгөчө макамы бар чек арадагы аймактардын тургундарынын үч жашка чейинки балдарына ай сайын 3 000 сомдон жөлөк пул бериле турганы маалым болгон.
https://sputnik.kg/20251010/bala-bereke-zhoolok-pulun-aluunun-zholu-1097072498.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, эмгек, социалдык камсыздоо жана миграция министрлиги , жөлөк пул, колдоо
кыргызстан, эмгек, социалдык камсыздоо жана миграция министрлиги , жөлөк пул, колдоо
БИШКЕК, 22-янв. — Sputnik. Эмгек, социалдык камсыздоо жана миграция министрлиги бийик тоолуу аймактардын жашоочуларына ай сайын берилүүчү "Бийик тоолуу аймактардын жашоочуларына көмөк" жөлөк пулу боюнча түшүндүрмө берди.
Ага ылайык, каражат төмөнкү учурларда дайындалат:
үчүнчү жана андан кийинки балдарга;
алуучу менен чогуу жашаган 3 жашка чейинки балдарга.
Төлөм үй-бүлөнүн кирешесине жана социалдык абалына карабастан берилет. Жөлөк пул алууга бийик тоолуу жана жетүүгө кыйын аймактардын жашоочулары, анын ичинде өзгөчө макамга ээ болгон айрым чек арадагы калктуу конуштардын тургундары укуктуу.
Жөлөк пул алуу үчүн жашаган жери боюнча Эмгек министрлигинин аймактык башкармалыктарына кайрылуу зарыл. Ага ата-энелердин паспортторун, балдардын туулгандыгы тууралуу күбөлүктөрүн, эгиздер же бир учурда төрөлгөн бир нече бала тууралуу маалым каттарды, ошондой эле бийик тоолуу аймакта каттоодо турганын тастыктаган документти алып баруу керек.
Чет өлкөлүк жарандар Кыргызстанда мыйзамдуу жүргөнүн тастыктаган документтерди тапшырышы керек. Ишенимдүү адам аркылуу тапшырганда паспорт, ишеним кат жана баланын мыйзамдуу өкүлү экенин тастыктаган сот чечими талап кылынат.
Төлөм төмөнкү учурларда токтотулушу мүмкүн:
өлкөдөн биротоло чыгып кетсе;
3 жашка чейинки баланын чарчап калышы;
баланын толук мамлекеттик камсыздоого алынышы;
жөлөк пулду мыйзамсыз алган фактылар аныкталса;
үй-бүлө бийик тоолуу аймактан көчүп кетсе;
Жөлөк пул арыз берилген айдан кийинки айдын биринчи күнүнөн тартып балдар 3 жашка чыкканга чейин чектелет.
Андан тышкары, жарандын жашаган жери жана турган жери (катталган жери) боюнча каттоо эсебинде (АИС "Даректик маалым кат бюросу") катталган дареги жашаган жери боюнча "Санарип аймак" автоматташтырылган маалыматтык системасында катталган дарекке дал келиши керек.
Эгер каттоо жок болсо, убактылуу каттоого туруу үчүн айыл өкмөтүнө кайрылуу зарыл.
Буга чейин 2026-жылдан тарта бийик тоолуу, жетүүгө кыйын жана өзгөчө макамы бар чек арадагы аймактардын тургундарынын үч жашка чейинки балдарына ай сайын 3 000 сомдон жөлөк пул бериле турганы
маалым болгон.
10 Тогуздун айы 2025, 13:14
