https://sputnik.kg/20260115/eaebdin-toguz-aylyk-zhyyyntygy-1099152972.html
ЕЭК министри Иманалиев: ЕАЭБ алдына койгон төрт чоң максатына жетти
ЕЭК министри Иманалиев: ЕАЭБ алдына койгон төрт чоң максатына жетти
Sputnik Кыргызстан
БИШКЕК, 15-янв. — Sputnik. ЕАЭБ 10 жыл аралыгында максат кылган төрт негизги интеграциялык багытта ийгиликке жетише алды. Бул тууралуу ЕЭКтин интеграция жана... 15.01.2026, Sputnik Кыргызстан
2026-01-15T14:58+0600
2026-01-15T14:58+0600
2026-01-15T14:58+0600
кыргызстан
еаэб
данияр иманалиев
экономика
өсүү
курулуш
өнөр жай
https://sputnik.kg/img/07e9/07/1e/1095607885_0:0:1201:676_1920x0_80_0_0_1d68d4dd9ce809f4667538235bf14a65.jpg
БИШКЕК, 15-янв. — Sputnik. ЕАЭБ 10 жыл аралыгында максат кылган төрт негизги интеграциялык багытта ийгиликке жетише алды. Бул тууралуу ЕЭКтин интеграция жана макроэкономика боюнча министри Данияр Иманалиев Sputnik Кыргызстан радиосуна маек куруп жатып билдирди. Анын айтымында, ЕАЭБдин ИДПсы 2025-жылдын тогуз айынын жыйынтыгын чыгарганда жалпы жонунан 1,7 пайызга өскөн. Биримдик 10 жыл мурун товарлар жана кызмат көрсөтүүлөр рыногун интеграциялоо, капитал менен эмгек ресурстарынын эркин кыймылына жетишүү сыяктуу алдына төрт негизги максат койгон. Мындан сырткары, ал 2025-жылга токтолуп, тогуз ай ичиндеги сандарды атады. Иманалиевдин айтымында, мурдагы жылга салыштырмалуу уюмдун ИДПсы жалпысынан 1,7 пайызга өстү. Кыргызстанда бул көрсөткүч 10 пайызды түзүп, лидерликке чыккан. "Эгер тармактарга бөлүп карай турган болсок, өндүрүш жалпысынан 1,3 пайызга өсүп, өлкөлөр боюнча Кыргызстан 9,8 пайыздык көрсөткүч менен сап башында. Инвестиция тартуу боюнча Армения озуп 20 пайыз, Кыргызстан 18,8 пайыздык чекте. Чекене соода жүргүзүү жалпысынан 3,3 пайыз болсо, Кыргызстанда 24 пайыз, курулуш боюнча уюмда өсүш 4,7 пайыз болсо, мында да Кыргызстан алдыда ",— деди Иманалиев. Министр жумушсуздуктун деңгээли да былтыр биримдиктин тарыхындагы эң төмөнкү деңгээлге жеткенин, бул багытта да Кыргызстандын орду чоң экенин кошумчалады.
https://sputnik.kg/20260112/10-zhyl-ichinde-kyrgyzstan-eaebde-emnege-zhetishti-1099096612.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, еаэб, данияр иманалиев, экономика, өсүү, курулуш, өнөр жай
кыргызстан, еаэб, данияр иманалиев, экономика, өсүү, курулуш, өнөр жай
БИШКЕК, 15-янв. — Sputnik. ЕАЭБ 10 жыл аралыгында максат кылган төрт негизги интеграциялык багытта ийгиликке жетише алды. Бул тууралуу ЕЭКтин интеграция жана макроэкономика боюнча министри Данияр Иманалиев
Sputnik Кыргызстан радиосуна маек куруп жатып билдирди.
Анын айтымында, ЕАЭБдин ИДПсы 2025-жылдын тогуз айынын жыйынтыгын чыгарганда жалпы жонунан 1,7 пайызга өскөн. Биримдик 10 жыл мурун товарлар жана кызмат көрсөтүүлөр рыногун интеграциялоо, капитал менен эмгек ресурстарынын эркин кыймылына жетишүү сыяктуу алдына төрт негизги максат койгон.
"Мунун баары бүгүнкү күндө жөн гана айтылган сөз эмес, ишке ашкан жана иштеп жаткан механизмдерге айланды. Албетте, дагы да өркүндөтүү, илгерилетүү мындан аркы кадамдардын бири. Ушуну менен катар эле ЕАЭБ үчүнчү өлкөлөр менен, БРИКС, ШКУ, АСЕАН, Африка өлкөлөр уюму сыяктуу бирликтер менен да алакасын бекемдеди. 30га жакын мамлекет менен түзүлгөн меморандумдардын алкагында мамиле түзүлүп, соода 40 пайызга чейин жогоруласа, эркин соода зонасы келишими түзүлгөн ондогон мамлекеттер менен соодасы 60 пайызга жетти. Түштүк-Чыгыш Азия мамлекеттери, алардын ичинен дүйнөлүк ири экономика деп эсептелген Кытай, Индия, Африка континенти, Кариб аралдары, араб өлкөлөрү менен мыкты деңгээлдеги алакалар курулуп, 2024-2025-жылдар аралыгы соода 800 миллиард долларга чукулдады", — деди министр.
Мындан сырткары, ал 2025-жылга токтолуп, тогуз ай ичиндеги сандарды атады. Иманалиевдин айтымында, мурдагы жылга салыштырмалуу уюмдун ИДПсы жалпысынан 1,7 пайызга өстү. Кыргызстанда бул көрсөткүч 10 пайызды түзүп, лидерликке чыккан.
"Эгер тармактарга бөлүп карай турган болсок, өндүрүш жалпысынан 1,3 пайызга өсүп, өлкөлөр боюнча Кыргызстан 9,8 пайыздык көрсөткүч менен сап башында. Инвестиция тартуу боюнча Армения озуп 20 пайыз, Кыргызстан 18,8 пайыздык чекте. Чекене соода жүргүзүү жалпысынан 3,3 пайыз болсо, Кыргызстанда 24 пайыз, курулуш боюнча уюмда өсүш 4,7 пайыз болсо, мында да Кыргызстан алдыда ",— деди Иманалиев.
Министр жумушсуздуктун деңгээли да былтыр биримдиктин тарыхындагы эң төмөнкү деңгээлге жеткенин, бул багытта да Кыргызстандын орду чоң экенин кошумчалады.
