https://sputnik.kg/20260113/tramp-iranga-chabuul-koyuuga-uruksat-beruugo-niyettenip-turat-1099116448.html
Трамп Иранга чабуул коюу боюнча кадам таштоого ниеттенип турат
Трамп Иранга чабуул коюу боюнча кадам таштоого ниеттенип турат
Sputnik Кыргызстан
БИШКЕК, 13-янв. — Sputnik. АКШнын президенти Дональд Трамп Иранга каршы аскердик чабуул коюуга уруксат берүүгө ниеттенип жатат, бирок өлкөдөгү кырдаалдын... 13.01.2026, Sputnik Кыргызстан
2026-01-13T12:05+0600
2026-01-13T12:05+0600
2026-01-13T12:05+0600
дүйнөдө
иран
акш
дональд трамп
чабуул
сүйлөшүү
https://sputnik.kg/img/07e9/0c/18/1098803121_0:151:3071:1879_1920x0_80_0_0_2ccbc5bdaa85a96b23e50a188b2db1ae.jpg
БИШКЕК, 13-янв. — Sputnik. АКШнын президенти Дональд Трамп Иранга каршы аскердик чабуул коюуга уруксат берүүгө ниеттенип жатат, бирок өлкөдөгү кырдаалдын өнүгүшүнө жана жакын кеңешчилери менен сүйлөшкөнүнө жараша позициясын өзгөртүшү да мүмкүн. Бул туурасында РИА Новости Wall Street Journal басылмасына таянып жазды. Андагы маалыматка таянсак, Ак үй Ирандын өзөктүк программасы жаатындагы дипломатиялык байланыштарды жаңылоо боюнча Тегерандан түшкөн сунушту чогултуп, бир карашы мүмкүн. Маалымат булактар президенттин даражасы жогору турган, тагыраагы, АКШнын вице-президенти Жей Ди Вэнс баш болгон жардамчылары биринчи иретте дипломатиялык каналдарды колдонууга басым жасап жатканын белгилешти. Кечээ президенттик учактын бортунда журналисттерге сүйлөп жатып, Трамп Иран АКШга өзөктүк программасы боюнча сүйлөшүүгө даяр экенине ниети бардыгын билдирди деп, сөздүн чекесин чыгарды. Басылманын маалымат булактары белгилегендей, президент азырынча акыркы чечимди кабыл ала элек жана шейшембиде мындан аркы таштачу кадамдарды кеңешчилери менен талкуулоону көздөп турат. Ирандын объектилерине сокку уруу, кибероперацияларды жүргүзүү, кошумча санкцияларды киргизүү жана Тегеран бийлигине башка жолдор менен басымды күчөтүү керек деген сценарийлер айтылууда. Ал арада АКШ жарандарын Ирандан чыгып кетүүгө чакырды. Бул туурасында аталган өлкөдөгү элчилигинин сайтында маалымат илинип турат. Америкалыктарга Армения жана Түркия аркылуу чыгып кетүүгө кеңеш беришти. Ирандагы башаламандык Декабрдын аягында Иранда улуттук валюта — риал кескин арзандап, анын дүң жана чекене баага тийгизген таасиринен улам нааразылык башталган. АКШ 2018-жылы өзөктүк келишимден чыкканга чейин доллардын көмүскө баасы 50 миң риалдын тегерегинде болчу. Азыр эркин рынокто 1 доллар 1,4 миллион риалдан ашты. Мындан улам башкы банктын жетекчиси Мохаммад Фарзин отставкага кетип, анын ордуна Абдольнасер Хеммати келген. Айрым шаарларда митингдер полиция менен кагылышууга айланып, саясий түзүлүшкө каршы ураандар менен коштолгон. Өлкөдө төртүнчү күндөн бери элге интернетти колдоно албай жатканы айтылууда. Жекшембиде Ирандын президенти Масуд Пезешкиан элге кайрылып, көйгөйдү чечүү үчүн экономикалык реформалар улана тургандыгын убадалаган. Андан сырткары, башаламандыкка Америка менен Израилди күнөөлөгөн. Ал эми АКШнын президенти Дональд Трамп эгерде Тегеран америкалык аскердик жана коммерциялык объектилерге чабуул койсо, Иранга жооп катуу берилет деген. Буга чейин ал аталган өлкөдөгү нааразылыкка чыккандарга иран күч түзүмдөрү ок чыгарса, Штаттар ага да жооп кылууга даяр турганын жар салган. Ал эми Тегерандын өзүндө азырынча алдын ала чараларды көрүү ниети жоктугун, сүйлөшүүлөргө даяр экенин билдиришкен. Бирок зарыл болгон учурда согушка толук даяр турушканын да белгилешкен.
https://sputnik.kg/20260113/irandagy-kagylyshtarda-500doy-kishi-kaza-tapkany-aytyluuda-1099114173.html
иран
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, иран, акш, дональд трамп, чабуул, сүйлөшүү
дүйнөдө, иран, акш, дональд трамп, чабуул, сүйлөшүү
БИШКЕК, 13-янв. — Sputnik. АКШнын президенти Дональд Трамп Иранга каршы аскердик чабуул коюуга уруксат берүүгө ниеттенип жатат, бирок өлкөдөгү кырдаалдын өнүгүшүнө жана жакын кеңешчилери менен сүйлөшкөнүнө жараша позициясын өзгөртүшү да мүмкүн. Бул туурасында РИА Новости Wall Street Journal басылмасына таянып жазды.
Андагы маалыматка таянсак, Ак үй Ирандын өзөктүк программасы жаатындагы дипломатиялык байланыштарды жаңылоо боюнча Тегерандан түшкөн сунушту чогултуп, бир карашы мүмкүн.
Маалымат булактар президенттин даражасы жогору турган, тагыраагы, АКШнын вице-президенти Жей Ди Вэнс баш болгон жардамчылары биринчи иретте дипломатиялык каналдарды колдонууга басым жасап жатканын белгилешти.
Кечээ президенттик учактын бортунда журналисттерге сүйлөп жатып, Трамп Иран АКШга өзөктүк программасы боюнча сүйлөшүүгө даяр экенине ниети бардыгын билдирди деп, сөздүн чекесин чыгарды.
Басылманын маалымат булактары белгилегендей, президент азырынча акыркы чечимди кабыл ала элек жана шейшембиде мындан аркы таштачу кадамдарды кеңешчилери менен талкуулоону көздөп турат. Ирандын объектилерине сокку уруу, кибероперацияларды жүргүзүү, кошумча санкцияларды киргизүү жана Тегеран бийлигине башка жолдор менен басымды күчөтүү керек деген сценарийлер айтылууда.
Ал арада АКШ жарандарын Ирандан чыгып кетүүгө чакырды. Бул туурасында аталган өлкөдөгү элчилигинин сайтында маалымат илинип турат. Америкалыктарга Армения жана Түркия аркылуу чыгып кетүүгө кеңеш беришти.
Декабрдын аягында Иранда улуттук валюта — риал кескин арзандап, анын дүң жана чекене баага тийгизген таасиринен улам нааразылык башталган. АКШ 2018-жылы өзөктүк келишимден чыкканга чейин доллардын көмүскө баасы 50 миң риалдын тегерегинде болчу. Азыр эркин рынокто 1 доллар 1,4 миллион риалдан ашты. Мындан улам башкы банктын жетекчиси Мохаммад Фарзин отставкага кетип, анын ордуна Абдольнасер Хеммати келген.
Айрым шаарларда митингдер полиция менен кагылышууга айланып, саясий түзүлүшкө каршы ураандар менен коштолгон. Өлкөдө төртүнчү күндөн бери элге интернетти колдоно албай жатканы айтылууда.
Жекшембиде Ирандын президенти Масуд Пезешкиан элге кайрылып, көйгөйдү чечүү үчүн экономикалык реформалар улана тургандыгын убадалаган. Андан сырткары, башаламандыкка Америка менен Израилди күнөөлөгөн.
Ал эми АКШнын президенти Дональд Трамп эгерде Тегеран америкалык аскердик жана коммерциялык объектилерге чабуул койсо, Иранга жооп катуу берилет деген. Буга чейин ал аталган өлкөдөгү нааразылыкка чыккандарга иран күч түзүмдөрү ок чыгарса, Штаттар ага да жооп кылууга даяр турганын жар салган.
Ал эми Тегерандын өзүндө азырынча алдын ала чараларды көрүү ниети жоктугун, сүйлөшүүлөргө даяр экенин билдиришкен. Бирок зарыл болгон учурда согушка толук даяр турушканын да белгилешкен.
