АКШ Венесуэланы коопсуз бийлик келгиче өзү башкарат. Трамптын билдирүүсү
© AP Photo / Matias Delacroix
Жазылуу
БИШКЕК, 3-янв. — Sputnik. АКШ президенти Дональд Трамп Венесуэладагы операция боюнча маалымат жыйын өткөргөнүн РИА Новости жазды.
Америкалык лидердин билдирүүсү:
Трамп Мадуро менен анын жубайын АКШ элине каршы жасалган "баңги террорчулугуна" айыптады;
АКШнын Каракастагы аскердик операциясындай көрүнүш Экинчи дүйнөлүк согуштан бери болгон эмес;
АКШ коопсуз бийлик келгиче Венесуэланы өзү башкаруу ниетинде. Штаттардын аскердик күчү ушу тапта ошол жакта;
Вашингтон дагы бир чабуул жасоого даяр. Ал мындан дагы катаал болот;
Өлкөдөн чыгарылып кеткен Мадуро менен анын жубайы америкалык адилеттүүлүк деген кандай экенин толугу менен көрөт. Бир аздан соң алар бараткан кеме Нью-Йоркко, же Майамиге, болбосо Флоридага барары чечилет;
Трамп Мадуро Америкага баңги жөнөтүп турган "Күн картелин" өзү башкарып турганын айтты;
АКШнын батыш жарым шарында лидер экенине күмөн жок. Венесуэлага каршы операция — АКШнын көз карандысыздыгына коркунуч жараткандарга эскертүү.
