https://sputnik.kg/20251203/duynodogu-sovettik-birinchi-atomduk-muz-zhargych-1098326254.html
Дүйнөдөгү советтик биринчи атомдук муз жаргычтын тарыхы. Видео
Дүйнөдөгү советтик биринчи атомдук муз жаргычтын тарыхы. Видео
Sputnik Кыргызстан
65 жыл мурда Советтер союзунун желегин дүйнөдөгү биринчи "Ленин" атомдук муз жаргычына орнотушкан. Бул датага байланыштуу Атомдук муз жаргыч флотунун күнү... 03.12.2025, Sputnik Кыргызстан
2025-12-03T20:02+0600
2025-12-03T20:02+0600
2025-12-03T20:02+0600
ссср
тарых
видео
атомдук муз жаргыч
мурманск
https://sputnik.kg/img/07e9/0c/03/1098326088_0:19:1001:582_1920x0_80_0_0_8fd3f9db828e8aed4a1a0bfe6350f888.jpg
Легендага айланган "Ленин" 30 жыл иштеп, 1989-жылы Мурманскиде түбөлүк орун алган. Атомоходду Деңиз флоту министрлигине 1959-жылы өткөрүп беришкен. Ал гигант түндүк кеңдиктериндеги навигацияны бир топ узарткан. "Ленин" алты жыл аралыгында эле 82 миңден ашуун деңиз милин сүзүп, өз алдынча 400дөн ашуун кемени алып өткөн. Бир сутка иштегенде муз жаргыч кеме ондогон тонна мунайдын ордуна 45 грамм гана өзөктүк отун сарптаган. Бул энергия чыгымы ага бир сапарда Арктикага да, Антарктиданын жээгине да барууга мүмкүндүк берген. Иштеткен жабдуунун толук кубаттуулугу 44 миң аттын күчүнө барабар эле. Үч реактордун ар бири дүйнөдөгү алгачкы СССРдин атомдук электр станциясынын кубаттуулугунан 3,5 эсе ашып кеткен. "Ленин" кемесинин долбоорун иштеп чыккандар ал музда тыгылып калбасын деп балласттык цистерналар системасын орнотушкан. Бир капталдагы цистернадан экинчи капталга суу куюлган учурда кеме термелип баштачу. Ошентип, капталдары музду сындырып, ажыратып турчу. Кеменин тумшугуна жана куйругуна да ушундай эле система орнотулган. Учурда Россия муз жаргыч флотунун кубаттуулугу боюнча биринчи орунду ээлейт, тагыраагы, 52 муз жаргычы бар. Экинчи орунду Финляндия 11 кемеси менен ээлеген. Быйыл 22220 долбоорунун алкагында "Чукотка" атомдук муз жаргычы Россиядагы кубаттуу кемелердин катарына кошулду. Ушул эле класстагы дагы экөө — "Ленинград" менен "Сталинград" курулууда.
ссср
мурманск
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
ссср, тарых, видео, видео, атомдук муз жаргыч, мурманск
ссср, тарых, видео, видео, атомдук муз жаргыч, мурманск
Дүйнөдөгү советтик биринчи атомдук муз жаргычтын тарыхы. Видео
65 жыл мурда Советтер союзунун желегин дүйнөдөгү биринчи "Ленин" атомдук муз жаргычына орнотушкан. Бул датага байланыштуу Атомдук муз жаргыч флотунун күнү белгиленүүдө.
Легендага айланган "Ленин" 30 жыл иштеп, 1989-жылы Мурманскиде түбөлүк орун алган. Атомоходду Деңиз флоту министрлигине 1959-жылы өткөрүп беришкен. Ал гигант түндүк кеңдиктериндеги навигацияны бир топ узарткан.
"Ленин" алты жыл аралыгында эле 82 миңден ашуун деңиз милин сүзүп, өз алдынча 400дөн ашуун кемени алып өткөн.
Бир сутка иштегенде муз жаргыч кеме ондогон тонна мунайдын ордуна 45 грамм гана өзөктүк отун сарптаган. Бул энергия чыгымы ага бир сапарда Арктикага да, Антарктиданын жээгине да барууга мүмкүндүк берген. Иштеткен жабдуунун толук кубаттуулугу 44 миң аттын күчүнө барабар эле. Үч реактордун ар бири дүйнөдөгү алгачкы СССРдин атомдук электр станциясынын кубаттуулугунан 3,5 эсе ашып кеткен.
"Ленин" кемесинин долбоорун иштеп чыккандар ал музда тыгылып калбасын деп балласттык цистерналар системасын орнотушкан. Бир капталдагы цистернадан экинчи капталга суу куюлган учурда кеме термелип баштачу. Ошентип, капталдары музду сындырып, ажыратып турчу. Кеменин тумшугуна жана куйругуна да ушундай эле система орнотулган.
Учурда Россия муз жаргыч флотунун кубаттуулугу боюнча биринчи орунду ээлейт, тагыраагы, 52 муз жаргычы бар. Экинчи орунду Финляндия 11 кемеси менен ээлеген.
Быйыл 22220 долбоорунун алкагында "Чукотка" атомдук муз жаргычы Россиядагы кубаттуу кемелердин катарына кошулду. Ушул эле класстагы дагы экөө — "Ленинград" менен "Сталинград" курулууда.
