https://sputnik.kg/20251130/aksh-zelenskiyge-kysymyn-kuchotot-1098217118.html
ЖМКлар АКШ Зеленскийге кысымын күчөтөрүн божомолдошууда
ЖМКлар АКШ Зеленскийге кысымын күчөтөрүн божомолдошууда
Sputnik Кыргызстан
БИШКЕК, 30-ноя. — Sputnik. Жаңжалды жөнгө салуу зарылдыгы, Украинадагы коррупциялык чатак жана уланып жаткан согуштук аракеттерден улам Киев менен Вашингтондун... 30.11.2025, Sputnik Кыргызстан
2025-11-30T10:19+0600
2025-11-30T10:19+0600
2025-11-30T10:20+0600
дүйнөдө
акш
россия
украина
атайын операция
владимир зеленский
согуш
тынчтык планы
https://sputnik.kg/img/07e9/0b/1e/1098217648_0:0:2513:1415_1920x0_80_0_0_710fa8cce917f09390440a6e117fbe66.jpg
БИШКЕК, 30-ноя. — Sputnik. Жаңжалды жөнгө салуу зарылдыгы, Украинадагы коррупциялык чатак жана уланып жаткан согуштук аракеттерден улам Киев менен Вашингтондун сүйлөшүүсүндө Владимир Зеленскийге кысым күчөйт. Бул тууралуу Washington Post жазды. Жума күнү Зеленский АКШ тарап менен сүйлөшүүгө Украинадан Генералдык штабдын жетекчиси Андрей Игнатов, Улуттук коопсуздук жана коргоо кеңешинин катчысы Рустам Умеров, ошондой эле ТИМ жана Чалгын кызматынын өкүлдөрү барарын билдирген. Гезит менен маектешкен Жогорку Раданын депутаты Владимир Арьев Зеленский абалды чындап өзгөртүүнүн ордуна "коррупциялык жаңжалдын бир катышуучусун алып салып (кеңсенин мурунку жетекчиси Андрей Ермак), экинчисин делегация башчысы кылып дайындап койгонун" (Рустем Умеров) айткан. АКШ администрациясы украин маселесин жөнгө салуу боюнча план иштеп чыкканын, толук даяр боло электигинен улам майда-чүйдөсү азырынча талкууланбай турганын билдирген. Кремль Анкоридждеги талкуунун негизинде сүйлөшүүгө ачык экенин айтып келет. РФ лидери Владимир Путин 21-ноябрда Коопсуздук кеңешинин жыйынында сүйлөп жатып, АКШнын планы абалды жөнгө салууга негиз болуп бериши мүмкүн экенин, бирок Россия менен пландын тексти талкууланбаганын билдирген. Өлкө башчы бул АКШ администрациясы Украинаны макул кыла албай жаткандыгы менен байланыштуу болушу ыктымалдыгын божомолдогон. Анткени Украина жана анын европалык союздаштары ушу кезге чейин кыялга батып, Россияга согуш талаасында "стратегиялык сокку" урууну самап келишет. Путин мындай позицияга алардын фронттогу чыныгы абалдан кабары жоктугу себеп болушу мүмкүн экенин айткан болчу. РФ лидери эгер Киев АКШнын сунушунан баш тартса, Украина да, анын Европадагы өнөктөштөрү да Купянскиде болгон окуялар башка аймактарда да кайталана берерин түшүнүшү керек деп эсептейт. Путин азыркы абал негизинен Россия үчүн канааттандырарлык экенин, атайын операциянын максатына курал менен жетүүгө жол ачарын белгилеген. Деген менен, президенттин айтымында, Россия тынчтык сүйлөшүүлөрүнө даяр, бул сунушталып жаткан пландын дыкат талкууланышын талап кылат.
https://sputnik.kg/20251129/vladimir-zelenskiy-korruptsiya-aksh-1098205386.html
акш
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, россия, украина, атайын операция, владимир зеленский, согуш, тынчтык планы
дүйнөдө, акш, россия, украина, атайын операция, владимир зеленский, согуш, тынчтык планы
БИШКЕК, 30-ноя. — Sputnik. Жаңжалды жөнгө салуу зарылдыгы, Украинадагы коррупциялык чатак жана уланып жаткан согуштук аракеттерден улам Киев менен Вашингтондун сүйлөшүүсүндө Владимир Зеленскийге кысым күчөйт. Бул тууралуу
Washington Post жазды.
Жума күнү Зеленский АКШ тарап менен сүйлөшүүгө Украинадан Генералдык штабдын жетекчиси Андрей Игнатов, Улуттук коопсуздук жана коргоо кеңешинин катчысы Рустам Умеров, ошондой эле ТИМ жана Чалгын кызматынын өкүлдөрү барарын билдирген.
"Кийинки аптада АКШ киевдик режимдин жетекчисинен Россия менен согушту токтотуу боюнча макулдашуу түзүү талабын күчөтөт. Ал арада Зеленскийдин үзөңгүлөштөрү коррупциялык жаңжалга аралашканы аныкталып, оппозиция лидерлери өкмөттү кайра түзүүнү улам айтып жатышат. Москва болсо тынымсыз алдыга жылып, Зеленский үчүн саясий жактан өтө кооптуу учурду жакындатууда", — жеп жазылат макалада.
Гезит менен маектешкен Жогорку Раданын депутаты Владимир Арьев Зеленский абалды чындап өзгөртүүнүн ордуна "коррупциялык жаңжалдын бир катышуучусун алып салып (кеңсенин мурунку жетекчиси Андрей Ермак), экинчисин делегация башчысы кылып дайындап койгонун" (Рустем Умеров) айткан.
АКШ администрациясы украин маселесин жөнгө салуу боюнча план иштеп чыкканын, толук даяр боло электигинен улам майда-чүйдөсү азырынча талкууланбай турганын билдирген. Кремль Анкоридждеги талкуунун негизинде сүйлөшүүгө ачык экенин айтып келет.
РФ лидери Владимир Путин 21-ноябрда Коопсуздук кеңешинин жыйынында сүйлөп жатып, АКШнын планы абалды жөнгө салууга негиз болуп бериши мүмкүн экенин, бирок Россия менен пландын тексти талкууланбаганын билдирген. Өлкө башчы бул АКШ администрациясы Украинаны макул кыла албай жаткандыгы менен байланыштуу болушу ыктымалдыгын божомолдогон. Анткени Украина жана анын европалык союздаштары ушу кезге чейин кыялга батып, Россияга согуш талаасында "стратегиялык сокку" урууну самап келишет. Путин мындай позицияга алардын фронттогу чыныгы абалдан кабары жоктугу себеп болушу мүмкүн экенин айткан болчу.
РФ лидери эгер Киев АКШнын сунушунан баш тартса, Украина да, анын Европадагы өнөктөштөрү да Купянскиде болгон окуялар башка аймактарда да кайталана берерин түшүнүшү керек деп эсептейт. Путин азыркы абал негизинен Россия үчүн канааттандырарлык экенин, атайын операциянын максатына курал менен жетүүгө жол ачарын белгилеген. Деген менен, президенттин айтымында, Россия тынчтык сүйлөшүүлөрүнө даяр, бул сунушталып жаткан пландын дыкат талкууланышын талап кылат.
29 Жетинин айы 2025, 15:41
