Быйыл ЖК депутаттыгына талапкерлерди шайлоо мурдагыдан башкача өтөт. Шарттары
19:30 29.11.2025 (Жаңыртылды: 09:55 30.11.2025)
© Фото / пресс-служба ЦИК КР
Жазылуу
БИШКЕК, 29-ноя. — Sputnik. Бул ирет Жогорку Кеңештин депутаттарын шайлоо системасы мурдагыдан кыйла айырмаланат.
Sputnik агенттиги БШК төрагасы Тынчтык Шайназаров өткөргөн брифингден көпчүлүктү кызыктырган суроолорго жоопторду тизмектеди:
шайлоого 460 талапкер катышууда, алардын ичинен эркектер – 271, аялдар – 189;
республика 30 округга бөлүнүп, ар биринен үчтөн депутат шайланат, анын бирөө башка жыныстан болушу шарт. Мүмкүн болгон комбинация: 2 эркек, 1 аял же 2 аял, 1 эркек. Бул эрежелер ар бир округда иштейт;
кийин үч депутаттын орундары бошосо, артында кезекте турган талапкерлер келе берет;
добуш берүүгө Кыргызстандын аймагында катталган, биометрикалык маалыматтарын тапшырган жана 18 жашка толгон жарандар катыша алат;
добуш берүү эртең менен саат 8:00дө башталып, саат 20:00дө шайлоо участоктору жабылат. Чет өлкөдөгүлөр жана башка аймакта жүргөндөр, башкача айтканда, ички жана тышкы мигранттар да добуш бере алышат. Алар каалаган шайлоо участогуна барып, өзү катталган округдагы талапкерди тандай алат;
34 мамлекеттин 89 шаарында 100 шайлоо участогу ачылган;
103 744 шайлоочу биринчи жолу добуш берет;
бардык 2618 шайлоо тилкеси видеокөзөмөл менен жабдылган, түз эфирде көрсөтүлөт;
автоматтык эсептөөчү урналар шайлоонун жыйынтыгын дароо көрсөтсө, расмий жыйынтык толугу менен 14-декабрга чейин чыгат;
Борбордук шайлоо комиссиясы 58 өлкөдөн 788 эл аралык байкоочуну аккредитациялады.
29 Жетинин айы, 13:30
