https://sputnik.kg/20251120/1097989504.html
Жаңылыктар. Чыгарылыш 15:00
Жаңылыктар. Чыгарылыш 15:00
Sputnik Кыргызстан
Президент Садыр Жапаров Азия өнүктүрүү банкынын президенти Масато Канданы кабыл алды. Бул тууралуу өлкө башчынын маалымат кызматы билдирди. Жапаров ага өлкөдө... 20.11.2025, Sputnik Кыргызстан
2025-11-20T15:00+0600
2025-11-20T15:00+0600
2025-11-20T15:16+0600
https://sputnik.kg/img/07e9/0b/14/1097989338_0:3:1036:586_1920x0_80_0_0_f5a6f1a9bf235dca9941ea299da31f3c.jpg
Жаңылыктар. Чыгарылыш 15:00
Sputnik Кыргызстан
Президент Садыр Жапаров Азия өнүктүрүү банкынын президенти Масато Канданы кабыл алды. Бул тууралуу өлкө башчынын маалымат кызматы билдирди. Жапаров ага өлкөдө ири инфраструктуралык долбоорлорду ишке ашырууга ыңгайлуу шарт түзүлүп жатканын айтып берген. Айрыкча өлкөнүн региондук хаб болуусуна өбөлгө болчу транспорттук долбоорлорго көңүл бурганы белгиленди. Өз кезегинде Масато Канда ал жетектеген каржы уюму жашыл энергетика, айыл чарба, туризм жана транспорттук инфраструктура тармагындагы долбоорлорду колдоого даяр экенин ырастаган.
Саламаттык сактоо министрлиги өлкөдө сасык тумоо күч алганын, мындан улам ооруну алдын алуу зарылдыгын эскертти. Маалыматта ушу тапта Республикалык жугуштуу илдеттер ооруканасында 565 бейтап дарыланып жатканы айтылган. Имарат 500 адамга ылайыкталгандыктан, 65 бейтап коридорлордо жатканын аталган оорукананын башкы дарыгеринин орун басары Нургүл Молдалиева билдирди. "Бизге кайрылгандардын саны бир суткада кескин көйбөйүп кетти. Азыр дарыланып жаткан 565 адамдын 510у — балдар. Кайра жандандыруу бөлүмүндө КРВИ менен ооруган сегиз бейтап жатат", — деген дарыгер "Ала-Тоо 24" каналындагы маегинде. Сасык тумоо коңшу Казакстанда дагы күчөп, айрым мектептер онлайн-окууга өткөнүн Sputnik Казакстан жазууда. Өткөн аптада КРВИ менен ооруган 183 миң казакстандыктын 66 пайызы балдар болгон.
Ош облустар аралык бириккен клиникалык ооруканасынын аймагында жаңы перинаталдык борбордун курулушу башталды. Бул тууралуу президенттин аймактагы өкүлчүлүгүнөн билдиришти. Аталган борбордун курулушуна капсула салуу аземине президенттин Ош облусундагы өкүлү Элчибек Жантаев, Германиянын Кыргызстандагы элчиси Моника Ленхард, саламаттык сактоо министринин биринчи орун басары Манас Токтомуратов жана медициналык кызматкерлер катышты. Жаңы перинаталдык борбор 2 кабаттан туруп, 249 орунга ылайыкташтырылмакчы. Блоктун түзүлүшү мындай болот: 1-кабат: кабыл алуу бөлүмү, операция жасоо залдары жана төрөт бөлмөлөрү; 2-кабат: аялдар үчүн интенсивдүү терапия бөлүмү, неонаталдык кароо жана ымыркайлар бөлүмдөрү. Белгилей кетсек, оорукана Германиянын каржылык колдоосу менен курулат.
АКШнын абалды жөнгө салуу боюнча жаңы планына ылайык, Украина НАТОго кошулуу оюнан кеминде бир нече жылга баш тартышы керек. Бул тууралуу Wall Street Journal америкалык аткаминерлерге таянуу менен жазды. "Украина Түндүк Атлантика альянсына мүчө болуп кирүү ниетинен жок эле дегенде бир нече жылга баш тартууга макул болушу керек", — деп айтылат макалада. Басылма маектештеринин сөзүн келтирип, план АКШ президенти Дональд Трамптын жардамчыларына тараптарды кепке келүүгө шыктандыра турган жаңы стимулдарды иштеп чыгууну тапшыргандан кийин иштелип чыкканын белгиледи. Ак үйдүн кишиси Трамп Украинага "аймактарды кайтаруунун" зарылдыгын көрбөгөнүн, согушка чекит кое турган макулдашууга умтулуп жатканын айтып берген. Буга чейин Вашингтон Москва менен украин жаңжалын токтотуу боюнча жаңы пландын тегерегинде купуя сүйлөшүп жатканы айтылган. Деген менен сунушка Киев жана анын европалык өнөктөштөрү кандай көз карашта экени ачыкталган эмес.
Президент Садыр Жапаров Азия өнүктүрүү банкынын президенти Масато Канданы кабыл алды. Бул тууралуу өлкө башчынын маалымат кызматы билдирди. Жапаров ага өлкөдө ири инфраструктуралык долбоорлорду ишке ашырууга ыңгайлуу шарт түзүлүп жатканын айтып берген. Айрыкча өлкөнүн региондук хаб болуусуна өбөлгө болчу транспорттук долбоорлорго көңүл бурганы белгиленди. Өз кезегинде Масато Канда ал жетектеген каржы уюму жашыл энергетика, айыл чарба, туризм жана транспорттук инфраструктура тармагындагы долбоорлорду колдоого даяр экенин ырастаган.Саламаттык сактоо министрлиги өлкөдө сасык тумоо күч алганын, мындан улам ооруну алдын алуу зарылдыгын эскертти. Маалыматта ушу тапта Республикалык жугуштуу илдеттер ооруканасында 565 бейтап дарыланып жатканы айтылган. Имарат 500 адамга ылайыкталгандыктан, 65 бейтап коридорлордо жатканын аталган оорукананын башкы дарыгеринин орун басары Нургүл Молдалиева билдирди. "Бизге кайрылгандардын саны бир суткада кескин көйбөйүп кетти. Азыр дарыланып жаткан 565 адамдын 510у — балдар. Кайра жандандыруу бөлүмүндө КРВИ менен ооруган сегиз бейтап жатат", — деген дарыгер "Ала-Тоо 24" каналындагы маегинде. Сасык тумоо коңшу Казакстанда дагы күчөп, айрым мектептер онлайн-окууга өткөнүн Sputnik Казакстан жазууда. Өткөн аптада КРВИ менен ооруган 183 миң казакстандыктын 66 пайызы балдар болгон. Ош облустар аралык бириккен клиникалык ооруканасынын аймагында жаңы перинаталдык борбордун курулушу башталды. Бул тууралуу президенттин аймактагы өкүлчүлүгүнөн билдиришти. Аталган борбордун курулушуна капсула салуу аземине президенттин Ош облусундагы өкүлү Элчибек Жантаев, Германиянын Кыргызстандагы элчиси Моника Ленхард, саламаттык сактоо министринин биринчи орун басары Манас Токтомуратов жана медициналык кызматкерлер катышты. Жаңы перинаталдык борбор 2 кабаттан туруп, 249 орунга ылайыкташтырылмакчы. Блоктун түзүлүшү мындай болот: 1-кабат: кабыл алуу бөлүмү, операция жасоо залдары жана төрөт бөлмөлөрү; 2-кабат: аялдар үчүн интенсивдүү терапия бөлүмү, неонаталдык кароо жана ымыркайлар бөлүмдөрү. Белгилей кетсек, оорукана Германиянын каржылык колдоосу менен курулат.АКШнын абалды жөнгө салуу боюнча жаңы планына ылайык, Украина НАТОго кошулуу оюнан кеминде бир нече жылга баш тартышы керек. Бул тууралуу Wall Street Journal америкалык аткаминерлерге таянуу менен жазды. "Украина Түндүк Атлантика альянсына мүчө болуп кирүү ниетинен жок эле дегенде бир нече жылга баш тартууга макул болушу керек", — деп айтылат макалада. Басылма маектештеринин сөзүн келтирип, план АКШ президенти Дональд Трамптын жардамчыларына тараптарды кепке келүүгө шыктандыра турган жаңы стимулдарды иштеп чыгууну тапшыргандан кийин иштелип чыкканын белгиледи. Ак үйдүн кишиси Трамп Украинага "аймактарды кайтаруунун" зарылдыгын көрбөгөнүн, согушка чекит кое турган макулдашууга умтулуп жатканын айтып берген. Буга чейин Вашингтон Москва менен украин жаңжалын токтотуу боюнча жаңы пландын тегерегинде купуя сүйлөшүп жатканы айтылган. Деген менен сунушка Киев жана анын европалык өнөктөштөрү кандай көз карашта экени ачыкталган эмес.
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
аудио
Президент Садыр Жапаров Азия өнүктүрүү банкынын президенти Масато Канданы кабыл алды. Бул тууралуу өлкө башчынын маалымат кызматы билдирди. Жапаров ага өлкөдө ири инфраструктуралык долбоорлорду ишке ашырууга ыңгайлуу шарт түзүлүп жатканын айтып берген. Айрыкча өлкөнүн региондук хаб болуусуна өбөлгө болчу транспорттук долбоорлорго көңүл бурганы белгиленди. Өз кезегинде Масато Канда ал жетектеген каржы уюму жашыл энергетика, айыл чарба, туризм жана транспорттук инфраструктура тармагындагы долбоорлорду колдоого даяр экенин ырастаган.
Саламаттык сактоо министрлиги өлкөдө сасык тумоо күч алганын, мындан улам ооруну алдын алуу зарылдыгын эскертти. Маалыматта ушу тапта Республикалык жугуштуу илдеттер ооруканасында 565 бейтап дарыланып жатканы айтылган. Имарат 500 адамга ылайыкталгандыктан, 65 бейтап коридорлордо жатканын аталган оорукананын башкы дарыгеринин орун басары Нургүл Молдалиева билдирди. "Бизге кайрылгандардын саны бир суткада кескин көйбөйүп кетти. Азыр дарыланып жаткан 565 адамдын 510у — балдар. Кайра жандандыруу бөлүмүндө КРВИ менен ооруган сегиз бейтап жатат", — деген дарыгер "Ала-Тоо 24" каналындагы маегинде. Сасык тумоо коңшу Казакстанда дагы күчөп, айрым мектептер онлайн-окууга өткөнүн Sputnik Казакстан жазууда. Өткөн аптада КРВИ менен ооруган 183 миң казакстандыктын 66 пайызы балдар болгон.
Ош облустар аралык бириккен клиникалык ооруканасынын аймагында жаңы перинаталдык борбордун курулушу башталды. Бул тууралуу президенттин аймактагы өкүлчүлүгүнөн билдиришти. Аталган борбордун курулушуна капсула салуу аземине президенттин Ош облусундагы өкүлү Элчибек Жантаев, Германиянын Кыргызстандагы элчиси Моника Ленхард, саламаттык сактоо министринин биринчи орун басары Манас Токтомуратов жана медициналык кызматкерлер катышты. Жаңы перинаталдык борбор 2 кабаттан туруп, 249 орунга ылайыкташтырылмакчы. Блоктун түзүлүшү мындай болот: 1-кабат: кабыл алуу бөлүмү, операция жасоо залдары жана төрөт бөлмөлөрү; 2-кабат: аялдар үчүн интенсивдүү терапия бөлүмү, неонаталдык кароо жана ымыркайлар бөлүмдөрү. Белгилей кетсек, оорукана Германиянын каржылык колдоосу менен курулат.
АКШнын абалды жөнгө салуу боюнча жаңы планына ылайык, Украина НАТОго кошулуу оюнан кеминде бир нече жылга баш тартышы керек. Бул тууралуу Wall Street Journal америкалык аткаминерлерге таянуу менен жазды. "Украина Түндүк Атлантика альянсына мүчө болуп кирүү ниетинен жок эле дегенде бир нече жылга баш тартууга макул болушу керек", — деп айтылат макалада. Басылма маектештеринин сөзүн келтирип, план АКШ президенти Дональд Трамптын жардамчыларына тараптарды кепке келүүгө шыктандыра турган жаңы стимулдарды иштеп чыгууну тапшыргандан кийин иштелип чыкканын белгиледи. Ак үйдүн кишиси Трамп Украинага "аймактарды кайтаруунун" зарылдыгын көрбөгөнүн, согушка чекит кое турган макулдашууга умтулуп жатканын айтып берген. Буга чейин Вашингтон Москва менен украин жаңжалын токтотуу боюнча жаңы пландын тегерегинде купуя сүйлөшүп жатканы айтылган. Деген менен сунушка Киев жана анын европалык өнөктөштөрү кандай көз карашта экени ачыкталган эмес.
