Таасирленткен, жашыткан, ойлонткон кыргыздын мыкты кинолору. Сүрөт түрмөк
Таасирленткен, жашыткан, ойлонткон кыргыздын мыкты кинолору. Сүрөт түрмөк
Sputnik Кыргызстан
17-ноябрь — Кыргыз кино өнөрүнүн күнү. Кылымга жакын убакыттын ичинде сонун кинолор тартылып, элдин табитин калыптандырып, руханий-эстетикалык да рахат... 17.11.2025, Sputnik Кыргызстан
17-ноябрь — Кыргыз кино өнөрүнүн күнү. Кылымга жакын убакыттын ичинде сонун кинолор тартылып, элдин табитин калыптандырып, руханий-эстетикалык да рахат тартуулады.
Бүгүн кыргызстандык кинорежиссерлор жараткан мыкты фильмдерди эсиңиздерге кайрадан салабыз.
Кыргыз ССРинин эл артисти Советбек Жумадылов менен СССРдин эл артисти Бакен Кыдыкеева. Алар элеттик жубайлардын ролун аткарган. Геннадий Базаровдун "Көчө" кинокартинасынан бир көрүнүш.
Баралына келип, таланты тапталган эки мыкты. СССРдин эл артисти Сүймөнкул Чокморов, КРдин эл артисти Жамал Сейдакматова Төлөмүш Океевдин "Улан" фильминде, Ысык-Көл, 1977-жыл.
Толгонай — жакындарын согуш жалмаган, бирок миң кайгыны былк этпей көтөргөн кайраттуу, ичтен сызганы менен каардуу да боло билген ЭНЕ. Геннадий Базаровдун "Саманчынын жолу" киносундагы актриса Бакен Кыдыкеева.
Кыргыз Республикасынын эл артисти Орозбек Кутманалиев "Бөрү зындан" фильминде. Бул тасма тууралуу кезегинде Советтер Союзунда бир топ талкуу, алкоо, мактоо болгон.
Белгилүү актриса Жамал Сейдакматова менен актёр Дүйшөн Байдөбөтов. Режиссёр Дооронбек Садырбаевдин "Акбаранын көз жашы" тасмасына тартылып жаткан учур. Ош облусу, 1988-жыл.
Атактуу режиссер Мелис Убукеевдин "Манастын ааламы" киносунан ирмем. "Манас" менен кыргыздын дүйнөсүнө жетелеп кирип, ой-туюмду аңтарган фильмдердин бири.
Акыркы жылдары тартылган дагы бир жакшы кинолордун бири Актын Арым Кубаттын "Кентавры" болду. Ал өз элинин улуттук баалуулуктарынын сакталып калышына жан үрөгөн адам тууралуу баяндайт.