https://sputnik.kg/20251114/mayning-fermalardyn-ishi-zhaparov-1097851151.html
Садыр Жапаров майнинг-фермалардын иши боюнча түшүндүрмө берди
Садыр Жапаров майнинг-фермалардын иши боюнча түшүндүрмө берди
Sputnik Кыргызстан
БИШКЕК, 14-ноя. — Sputnik. Президент Садыр Жапаров "Кабар" агенттигине маек куруп, ушу тапта коомчулукта талкууланып жаткан майнинг-фермалардын иши тууралуу... 14.11.2025, Sputnik Кыргызстан
2025-11-14T13:54+0600
2025-11-14T13:54+0600
2025-11-14T14:40+0600
кыргызстан
электр энергиясы
майнинг-ферма
садыр жапаров
https://sputnik.kg/img/104508/21/1045082170_0:76:3373:1973_1920x0_80_0_0_e4c4cde11d2bcbb21f1bb9c8b5971608.jpg
БИШКЕК, 14-ноя. — Sputnik. Президент Садыр Жапаров "Кабар" агенттигине маек куруп, ушу тапта коомчулукта талкууланып жаткан майнинг-фермалардын иши тууралуу айтып берди. Эскерте кетсек, буга чейин өлкөдө электр энергиясынын тартыштыгынан улам иштеп жаткан майнинг-фермалардын баары өчүрүлгөнү айтылган болчу. Жапаровдун айтымында, өлкөдө иштеген эки майнинг-ферма тең өзүнүн көзөмөлүндө. Азыр алардын иши токтоп турат. Жапаров Камбар-Ата-1 ГЭСин куруп бүткөндөн кийин майнинг-фермаларды бийлик өзү издеп каларын, анткени энергияны кимге сатууну билбей, айрыкча жаз, жай, күз мезгилдеринде кардар издеп калган убак болоруна белгилеген. Ал аталган майнинг-фермалар күн жылыса иштеп баштай турганын белгилеп, негизи эле майнинг мамлекет үчүн пайдалуу экенине токтолгон. Президенттин айтымында, 4-5 жылдан кийин майнинг дагы, жаңы салынган трансформаторлор менен 92 чакырымдык жаңы линия дагы мамлекеттин менчигине өтөт. Өлкө башчысы республика аймагында жогорудагы эки ишканадан башка бир да майнинг-ферма жок экенин, мыйзамсыз иштеп жаткандары аныкталса ири айып пул салынарын эскертти.
https://sputnik.kg/20251113/krde-mayning-fermalardyn-kantip-ochurulgondugun-korsotushtu-1097822504.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, электр энергиясы, майнинг-ферма, садыр жапаров
кыргызстан, электр энергиясы, майнинг-ферма, садыр жапаров
БИШКЕК, 14-ноя. — Sputnik. Президент Садыр Жапаров "Кабар" агенттигине маек куруп, ушу тапта коомчулукта талкууланып жаткан майнинг-фермалардын иши тууралуу айтып берди.
Эскерте кетсек, буга чейин өлкөдө электр энергиясынын тартыштыгынан улам иштеп жаткан майнинг-фермалардын баары өчүрүлгөнү
айтылган болчу.
Жапаровдун айтымында, өлкөдө иштеген эки майнинг-ферма тең өзүнүн көзөмөлүндө. Азыр алардын иши токтоп турат.
"Биринчиси — 30 МВт менен 2023-жылдан бери иштеп келе жаткан Кеминдеги "Соларкоин" майнинг-фермасы. Электр энергиясын толугу менен Россиядан Казакстан аркылуу алат. Транзиттен бүгүнкү күнгө чейин 172 миллион, бюджетке салык түрүндө 22 миллион сом түштү. Экинчиси — Камбар-Ата-2 ГЭСиндеги ферма. Ал дагы 30 МВт менен иштейт. ГЭСке өзүбүз суранып жүрүп курдурдук. Эмне үчүн? 2009-жылы ГЭС салынганда 120 МВт менен ишке кирген экен. Бирок андан чыккан энергия 60-жылдардагы трансформаторлор жана эски линиялар менен элге жиберилип турган. Күчү 90 эле МВт болуп, 120 МВттын 30 МВты иштелип чыкпай кала берген. Бекер кетирбей ошол 30 мегаватты сатып алып жатышат", — деди президент.
Жапаров Камбар-Ата-1 ГЭСин куруп бүткөндөн кийин майнинг-фермаларды бийлик өзү издеп каларын, анткени энергияны кимге сатууну билбей, айрыкча жаз, жай, күз мезгилдеринде кардар издеп калган убак болоруна белгилеген. Ал аталган майнинг-фермалар күн жылыса иштеп баштай турганын белгилеп, негизи эле майнинг мамлекет үчүн пайдалуу экенине токтолгон. Президенттин айтымында, 4-5 жылдан кийин майнинг дагы, жаңы салынган трансформаторлор менен 92 чакырымдык жаңы линия дагы мамлекеттин менчигине өтөт.
Өлкө башчысы республика аймагында жогорудагы эки ишканадан башка бир да майнинг-ферма жок экенин, мыйзамсыз иштеп жаткандары аныкталса ири айып пул салынарын эскертти.
