https://sputnik.kg/20251110/shatdaundun-ayynan-akshnyn-bazalaryn-evropa-z-karzhylap-zhatat-1097736806.html
Шатдаундун айынан АКШнын базаларын Европа өзү каржылап жатат
Шатдаундун айынан АКШнын базаларын Европа өзү каржылап жатат
Sputnik Кыргызстан
БИШКЕК, 10-ноя. — Sputnik. АКШдагы шатдаундун айынан Европанын айрым өлкөлөрүндө жайгашкан америкалык аскер базаларынын кызматкерлери айлык албай жатышат. Бул... 10.11.2025, Sputnik Кыргызстан
2025-11-10T11:14+0600
2025-11-10T11:14+0600
2025-11-10T11:14+0600
дүйнөдө
акш
шатдаун
маяна
аскерлер
экономика
өкмөт
каражат
чыгым
https://sputnik.kg/img/07e9/0b/0a/1097734700_0:0:3072:1728_1920x0_80_0_0_d0c112ecc042812bc1d8cc21c6bedaf7.jpg
БИШКЕК, 10-ноя. — Sputnik. АКШдагы шатдаундун айынан Европанын айрым өлкөлөрүндө жайгашкан америкалык аскер базаларынын кызматкерлери айлык албай жатышат. Бул тууралуу Associated Press билдирди.Басылманын маалыматына караганда, шатдаун башталгандан бери Европадагы миңдеген аскер адамдарынын эмгек акысы токтотулган. Буга чейин Axios басылмасы Сенаттагы демократтар шатдаунду токтотууга жардам бере турган мыйзамдар топтомун колдоого даяр экенин жазган. Punchbowl порталынын негиздөөчүсү Жейк Шерман өкмөттү каржылоо боюнча Сенаттагы планды Ак үй да колдогонун билдирген. АКШдагы шатдаун АКШда финансылык жыл адатта 1-октябрдан башталат. Ага чейин Конгресс толук же кыска мөөнөттүү бюджетин кабыл алышы керек. Бирок ал процесстин ишке ашпаганы федералдык бийликтин ишин токтотууга аргасыз кылды. АКШ президенти Дональд Трамп шатдаундун жоопкерчилигин демократтарга жүктөп, аны кызматкерлерди жана төлөмдөрдү жапырт кыскартуу үчүн, ошондой эле Республикалык партияга жакпаган программалардан кутулуу үчүн колдонорун айтып сөөмөй кезеген. Республикачылар Конгресстин эки палатасын көзөмөлдөйт, бирок Сенаттын өкмөттү каржылоо боюнча мыйзам долбоорун кабыл алууда 60 добушу керек, анткен менен сенаторлор ал көрсөткүчкө жете алган жок. Ак үйдүн Улуттук экономикалык кеңешинин жетекчиси Кевин Хассет 5-октябрь күнү өкмөт ишинин узакка токтоп турушу жумуш орундарынын кыскарышын жана жума сайын ички дүң продукциянын 15 миллиард долларга чейинки жоготуусун шартташы мүмкүн экенин билдирген.
https://sputnik.kg/20251031/nyu-york-shtatynda-ozgocho-kyrdaal-rezhimi-kirdi-shatdaun-1097543644.html
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, шатдаун, маяна, аскерлер, экономика, өкмөт, каражат, чыгым
дүйнөдө, акш, шатдаун, маяна, аскерлер, экономика, өкмөт, каражат, чыгым
БИШКЕК, 10-ноя. — Sputnik. АКШдагы шатдаундун айынан Европанын айрым өлкөлөрүндө жайгашкан америкалык аскер базаларынын кызматкерлери айлык албай жатышат. Бул тууралуу
Associated Press билдирди.
Басылманын маалыматына караганда, шатдаун башталгандан бери Европадагы миңдеген аскер адамдарынын эмгек акысы токтотулган.
"Германия, Польша, Литва жана Гренландия сыяктуу бир катар ЕБ өлкөлөрүнүн жергиликтүү бийликтери бул кызматкерлерге убактылуу каражат бөлүп, кийин АКШ бул чыгымды төлөп берет деп үмүттөнүүдө. Ал эми Италия жана Португалия баштаган айрым өлкөлөрдө маяна албай эле иштеп жатышат", — деп белгилеген маалымат каражаты.
Буга чейин Axios басылмасы Сенаттагы демократтар шатдаунду токтотууга жардам бере турган мыйзамдар топтомун колдоого даяр экенин жазган. Punchbowl порталынын негиздөөчүсү Жейк Шерман өкмөттү каржылоо боюнча Сенаттагы планды Ак үй да колдогонун билдирген.
АКШда финансылык жыл адатта 1-октябрдан башталат. Ага чейин Конгресс толук же кыска мөөнөттүү бюджетин кабыл алышы керек. Бирок ал процесстин ишке ашпаганы федералдык бийликтин ишин токтотууга аргасыз кылды.
АКШ президенти Дональд Трамп шатдаундун жоопкерчилигин демократтарга жүктөп, аны кызматкерлерди жана төлөмдөрдү жапырт кыскартуу үчүн, ошондой эле Республикалык партияга жакпаган программалардан кутулуу үчүн колдонорун айтып сөөмөй кезеген.
Республикачылар Конгресстин эки палатасын көзөмөлдөйт, бирок Сенаттын өкмөттү каржылоо боюнча мыйзам долбоорун кабыл алууда 60 добушу керек, анткен менен сенаторлор ал көрсөткүчкө жете алган жок.
Ак үйдүн Улуттук экономикалык кеңешинин жетекчиси Кевин Хассет 5-октябрь күнү өкмөт ишинин узакка токтоп турушу жумуш орундарынын кыскарышын жана жума сайын ички дүң продукциянын 15 миллиард долларга чейинки жоготуусун шартташы мүмкүн экенин билдирген.
31 Тогуздун айы 2025, 10:51
