https://sputnik.kg/20251030/olum-zhazasy-zombuluktu-azaytpayt-akiykatchy-1097516381.html
Өлүм жазасы зомбулук көйгөйүн чечпейт. Акыйкатчы БУУнун өкүлдөрү менен жолукту
Өлүм жазасы зомбулук көйгөйүн чечпейт. Акыйкатчы БУУнун өкүлдөрү менен жолукту
Sputnik Кыргызстан
БИШКЕК, 30-окт. — Sputnik. Өлүм жазасын кайтаруу зордук-зомбулук көйгөйүн чечпейт. Бул тууралуу акыйкатчы Жамиля Жаманбаева БУУнун туруктуу координатору Антье... 30.10.2025, Sputnik Кыргызстан
2025-10-30T12:34+0600
2025-10-30T12:34+0600
2025-10-30T12:34+0600
кыргызстан
акыйкатчы
зордук-зомбулук
өлүм жазасы
жамиля жаманбаева
буу
https://sputnik.kg/img/07e8/01/1a/1082190648_16:0:1977:1103_1920x0_80_0_0_1026cbc0c72f40ef863092f5734dc9f1.jpg
БИШКЕК, 30-окт. — Sputnik. Өлүм жазасын кайтаруу зордук-зомбулук көйгөйүн чечпейт. Бул тууралуу акыйкатчы Жамиля Жаманбаева БУУнун туруктуу координатору Антье Граве жана БУУнун Адам укуктары боюнча жогорку комиссариатынын Борбор Азиядагы аймактык өкүлү Матильда Богнер менен болгон жолугушууда билдирди. Акыйкатчы ИИМдин маалыматына таянуу менен аялдарга жана балдарга карата жасалган кылмыштардын саны жыл сайын 30 пайызга көбөйүп жатканын белгилеген. Ошону менен катар эле 2024-жылы институтка келип түшкөн кайрылуулардын 64,1 пайызы сот жана укук коргоо органдарынын ишмердигине байланыштуу болгонуна токтолду. Акыйкатчы өлүм жазасын кайтаруу Кыргызстандын эл аралык милдеттенмелерине, өлкө 2010-жылы ратификациялаган Жарандык жана саясий укуктар жөнүндөгү эл аралык пактынын өлүм жазасын жоюуга багытталган Экинчи факультативдик протоколуна каршы келерин белгиледи. БУУнун өкүлдөрү акыйкатчынын пикирин колдоп, өлүм жазасын кайтаруу Кыргызстандын эл аралык милдеттенмелерине каршы келерин эскертти. Аны менен бирге өлкөнүн эл аралык аброюна да доо кетирерин кошумчалашты. Эскерте кетсек, сентябрдын аягында Ысык-Көлдө 17 жаштагы Айсулуу Мукашеванын мыкаачылык менен өлтүрүлүшүнөн кийин президент Садыр Жапаров өлүм жазасын кайтарууну сунуштаган. Конституцияга кирчү өзгөртүү 13-октябрда коомдук талкууга илинген болчу.
https://sputnik.kg/20251020/kyrgyzstan-olum-zhazasy-buu-1097287117.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, акыйкатчы, зордук-зомбулук, өлүм жазасы, жамиля жаманбаева, буу
кыргызстан, акыйкатчы, зордук-зомбулук, өлүм жазасы, жамиля жаманбаева, буу
Өлүм жазасы зомбулук көйгөйүн чечпейт. Акыйкатчы БУУнун өкүлдөрү менен жолукту
БИШКЕК, 30-окт. — Sputnik. Өлүм жазасын кайтаруу зордук-зомбулук көйгөйүн чечпейт. Бул тууралуу акыйкатчы Жамиля Жаманбаева БУУнун туруктуу координатору Антье Граве жана БУУнун Адам укуктары боюнча жогорку комиссариатынын Борбор Азиядагы аймактык өкүлү Матильда Богнер менен болгон жолугушууда билдирди.
Акыйкатчы ИИМдин маалыматына таянуу менен аялдарга жана балдарга карата жасалган кылмыштардын саны жыл сайын 30 пайызга көбөйүп жатканын белгилеген. Ошону менен катар эле 2024-жылы институтка келип түшкөн кайрылуулардын 64,1 пайызы сот жана укук коргоо органдарынын ишмердигине байланыштуу болгонуна токтолду.
"Биз коомдун каргашалуу окуяларга болгон кескин реакциясын түшүнүп жатабыз, бирок өлүм жазасы көйгөйдү чечпейт деп эсептейбиз. Андан көрө тергөөнүн сапатын жакшыртып, кылмышкердин кутулуп кетпей жазаланышын камсыздап, алдын алуу чараларын күчөтүү зарыл", — деген Жаманбаева.
Акыйкатчы өлүм жазасын кайтаруу Кыргызстандын эл аралык милдеттенмелерине, өлкө 2010-жылы ратификациялаган Жарандык жана саясий укуктар жөнүндөгү эл аралык пактынын өлүм жазасын жоюуга багытталган Экинчи факультативдик протоколуна каршы келерин белгиледи.
БУУнун өкүлдөрү акыйкатчынын пикирин колдоп, өлүм жазасын кайтаруу Кыргызстандын эл аралык милдеттенмелерине каршы келерин эскертти. Аны менен бирге өлкөнүн эл аралык аброюна да доо кетирерин кошумчалашты.
Эскерте кетсек, сентябрдын аягында Ысык-Көлдө 17 жаштагы Айсулуу Мукашеванын мыкаачылык менен өлтүрүлүшүнөн кийин президент Садыр Жапаров өлүм жазасын
кайтарууну сунуштаган. Конституцияга кирчү өзгөртүү 13-октябрда коомдук талкууга илинген болчу.
20 Тогуздун айы 2025, 20:50
