https://sputnik.kg/20251027/baldar-onkologiyasy-protokolu-1097438399.html
Стамбеков: балдар онкологиясында оорунун 5 түрүн дарылоо боюнча чоң иш жасалды
Стамбеков: балдар онкологиясында оорунун 5 түрүн дарылоо боюнча чоң иш жасалды
Sputnik Кыргызстан
Эне жана баланы коргоо улуттук борборунун балдар онкологиясы жана онкогематологиясы бөлүмүнүн башчысы Султан Стамбеков балдар онкологиясын дарылоо жаатындагы... 27.10.2025, Sputnik Кыргызстан
2025-10-27T16:06+0600
2025-10-27T16:06+0600
2025-10-27T16:06+0600
радио
кыргызстан
балдар
онкология
султан стамбеков
протокол
педиатр
https://sputnik.kg/img/07e7/08/1c/1078140348_0:94:3067:1819_1920x0_80_0_0_058bca643652c49465359aed15ba5ac4.jpg
Стамбеков: балдар онкологиясында оорунун 5 түрүн дарылоо боюнча чоң иш жасалды
Sputnik Кыргызстан
Стамбеков: балдар онкологиясында оорунун 5 түрүн дарылоо боюнча чоң иш жасалды
Балдар онкологиясына тийиштүү илдеттерди дарылоо боюнча жаңы протокол менен жалпы педиатрлар таанышып чыгышат. Бул тууралуу Султан Стамбеков Sputnik Кыргызстан радиосунун эфиринде маек куруп жатып билдирди. Анын айтымында, өлкөдө балдар онкологдору баш болгон дарыгерлер тобу оорунун беш түрүн дарылоо боюнча чоң эмгек жасашкан. Ал протоколдо ошол онкологиялык оорулар тууралуу ийне-жибине чейин толук жазылганын белгиледи. "Ак канды дарылоо боюнча БФМ деген чоң протокол бар. 1960-жылга чейин ак кандан ооругандардын 20 пайызы гана сакайчу. Натыйжада германиялык үч дарыгер биригип БФМ протоколун жазып, беш жыл өткөндөн кийин ал оорудан бейтаптардын 60 пайызы сакайганын көрүшкөн. Бул протокол беш жыл сайын өзгөрүп турат. Дарыларын азайтат, алмаштырат же көбөйтөт. Ал эми азыркы БФМдин жыйынтыгы менен бейтаптардын 92 пайызы сакаят. Эң акыркы БФМди колдоно албайбыз. Анда молякулярдык дарт аныктоо ыкмасы камтылган. Булар — өтө кымбат аппараттар. Аны Кыргызстанга алып келгенде да өзүн актабайт, мүмкүн эмес. Ошондуктан БФМдин негизинде өз протоколубузду жазып чыктык. Мында жалаң гана балдар онкологдору эмес, интернеттеги медициналык протоколдорду анализдей ала турган адистерди, гематологдорду, педиатрларды чакырдык. Оорунун беш түрү эле эмес, беш операциялык процедуранын ыкмасы кантип, качан жана кандай шартта жасалышы керектиги жазылды. Мисалы, сөөк чучугун изилдөөнү мен жана мени менен иштегендер билет. Аны алыскы райондогу кесиптештер да билиши керек. Андыктан протоколдо ар бир ооруну дарылоодон тышкары сакайгандан кийин эмне кылуу керектиги да толук көрсөтүлгөн. Эми жалпы педиатрларга бул протоколду таратабыз. Ар бир аймакка балдар онкологун отургуза албагандыктан маалымат жагын күчөтүү керек", — деди Стамбеков. Ал онкологиялык оорулардын беш түрү боюнча жазылган клиникалык протокол министрликтин сайтына да жайгаштырыларын кошумчалады.
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, балдар, онкология, султан стамбеков, протокол, педиатр, аудио
кыргызстан, балдар, онкология, султан стамбеков, протокол, педиатр, аудио
Стамбеков: балдар онкологиясында оорунун 5 түрүн дарылоо боюнча чоң иш жасалды
Эне жана баланы коргоо улуттук борборунун балдар онкологиясы жана онкогематологиясы бөлүмүнүн башчысы Султан Стамбеков балдар онкологиясын дарылоо жаатындагы жакшы саамалык менен бөлүштү.
Балдар онкологиясына тийиштүү илдеттерди дарылоо боюнча жаңы протокол менен жалпы педиатрлар таанышып чыгышат. Бул тууралуу Султан Стамбеков
Sputnik Кыргызстан радиосунун эфиринде маек куруп жатып билдирди.
Анын айтымында, өлкөдө балдар онкологдору баш болгон дарыгерлер тобу оорунун беш түрүн дарылоо боюнча чоң эмгек жасашкан.
"Буга чейин Кыргызстанда эки гана клиникалык протокол бар болчу. Азыр бешөөнү өткөрдүк. Ал документтин ичинде балдар онкологиясы тууралуу толук маалымат берилген. Мисалы, ак кан жөнүндө маалымат интернетте бар. Анткени ошол маалыматтарды өнүккөн өлкөлөрдөгү чоң борборлор атайын протоколдун негизинде түзүшөт. Биз ал протоколдо жазылган ыкманын баарын жасай албайбыз. Мисалы, айрым учурда молекулярдык дарт аныктоо ыкмасы талап кылынат. Же Кыргызстанда жок дарыларды да жазып коюшат. Анын баарын колдонууга шарт жок. Демек, протоколду туура эмес колдонуп алышыбыз мүмкүн. Андай болбош үчүн негизги протоколду алып, аны Кыргызстандын шартына ылайыкташтырып, башка өлкөлөрдө ал ыкма кандай натыйжа бергенин карап, салыштырып, оорунун беш түрү боюнча толук кандуу чоң иш аткардык", — деди Стамбеков.
Ал протоколдо ошол онкологиялык оорулар тууралуу ийне-жибине чейин толук жазылганын белгиледи.
"Ак канды дарылоо боюнча БФМ деген чоң протокол бар. 1960-жылга чейин ак кандан ооругандардын 20 пайызы гана сакайчу. Натыйжада германиялык үч дарыгер биригип БФМ протоколун жазып, беш жыл өткөндөн кийин ал оорудан бейтаптардын 60 пайызы сакайганын көрүшкөн. Бул протокол беш жыл сайын өзгөрүп турат. Дарыларын азайтат, алмаштырат же көбөйтөт. Ал эми азыркы БФМдин жыйынтыгы менен бейтаптардын 92 пайызы сакаят. Эң акыркы БФМди колдоно албайбыз. Анда молякулярдык дарт аныктоо ыкмасы камтылган. Булар — өтө кымбат аппараттар. Аны Кыргызстанга алып келгенде да өзүн актабайт, мүмкүн эмес. Ошондуктан БФМдин негизинде өз протоколубузду жазып чыктык. Мында жалаң гана балдар онкологдору эмес, интернеттеги медициналык протоколдорду анализдей ала турган адистерди, гематологдорду, педиатрларды чакырдык. Оорунун беш түрү эле эмес, беш операциялык процедуранын ыкмасы кантип, качан жана кандай шартта жасалышы керектиги жазылды. Мисалы, сөөк чучугун изилдөөнү мен жана мени менен иштегендер билет. Аны алыскы райондогу кесиптештер да билиши керек. Андыктан протоколдо ар бир ооруну дарылоодон тышкары сакайгандан кийин эмне кылуу керектиги да толук көрсөтүлгөн. Эми жалпы педиатрларга бул протоколду таратабыз. Ар бир аймакка балдар онкологун отургуза албагандыктан маалымат жагын күчөтүү керек", — деди Стамбеков.
Ал онкологиялык оорулардын беш түрү боюнча жазылган клиникалык протокол министрликтин сайтына да жайгаштырыларын кошумчалады.
