РФ ТИМи: антироссиялык санкциялардан майнап чыкпайт
© Фото / Пресс-служба МИД РФ
/ Жазылуу
БИШКЕК, 23-окт. — Sputnik. Евробиримдиктин Россияга койгон чектөөлөрү майнаптуу болбойт, кайра өздөрүнө зыянын тийгизет. Бул туурасында айткан РФ ТИМинин расмий өкүлү Мария Захарова эми Москва өзүнүн кызыкчылыктарынан туруп жооп кыларына токтолду.
Россияга салынган жаңы санкциялардын маанилүү учурлары:
бул санкцияларга Россиянын "көмүскөдөгү флотуна" таандык 177 кеме киргизилген. Союз ошондой эле Россиядан суюлтулган газды сатып алууга тыюу салды. Алар кыска мөөнөттөгү келишимдер боюнча, 2026-жылдын 25-апрелинен тарта, ал эми узак мөөнөттөгүлөр боюнча 2027-жылдын 1-январынан тарта каралгандар;
россиялык дипломаттардын ары-бери жүрүшүнө чек коюлат;
ЕБ Россияга байланыштуу туризм боюнча болгон-бүткөн иштерге тыюу салды. Кеп европалыктардын Россияга саякатын уюштурган туристтик компанияларга коюлган чектөө жаатында болуп жатат;
Россиядагы өзгөчө экономикалык жана инновациялык аймактарда иштеген компанияларды каржылоого тыюу салуу каралган;
ошондой эле Россияга туз, кен, резина буюмдары, дөңгөлөк жана курулуш материалдарын жеткирүүгө кошумча чектөөлөр киргизилет;
Сбербанктын, ВТБнин жана "Альфа-банктын" Беларустагы туунду компанияларына каршы санкция киргизди;
Мындан тышкары, ВТБ банкынын Беларустагы туунду (башкача айтканда, ошол эле ВТБге тиешелүү өзүнчө банкка же бөлүмгө) жана Шанхайдагы филиалына да санкция салынды. Тагыраагы, бул чаралар аталган банктардын чет өлкөлөрдөгү филиалдарына да таасир этет;
Санкциялар "АвтоВАЗ", "Соллерс", Ырааккы Чыгыш кеме компаниясы, Evraz PLC, "Полюс", ошондой эле "Звезда" кеме куруу комплекси жана "Лукойл" компаниясынын Litasco Middle East соода бөлүмүнө киргизилди.
