Кеминде 4 кызды өлтүргөн: Кумарбектин башка дагы кылмыштарынын хронологиясы
11:56 15.10.2025 (Жаңыртылды: 10:53 17.10.2025)
© Фото / ЭлТР
Жазылуу
БИШКЕК, 15-окт. — Sputnik. ЭлТР Айсулуу Мукашеваны өлтүрүүгө шектелген Кумарбек Абдыровдун кылмыштары боюнча репортаж даярдаган. Андагы маалыматка караганда, кеминде төрт кыз анын колунан ажал тапкан.
Шектүү канча кызды кантип өлтүргөнүн айтып, көрсөтүп берген. Кылмыштардын хронологиясы:
эң биринчи кылмышты 2006-жылы жасаган. 22 жаштагы студент Кумарбек апасы менен кетип бараткан кызды гезитке оролгон темир менен башка чаап, телефонун тартып алган. Ал ошол эле күнү кармалып, жабырлануучулардын алдынан өтүп, сот аркылуу 5 миң сом айып пул төлөп, камалбай калган;
2011-жылдын 14-мартында Күнтуу айылына бараткан жолдон аялдын сөөгү табылган. Экспертизада аял алгач зордукталып, анан өлтүрүлгөнү, 8 айлык боюнда бар экени аныкталган. Кумарбек келиндин шуба кийип жүргөнүн, аны талаадан зордуктаганын айткан;
2014-жылы 13-мартта Раззаков көчөсүнөн башына баштык кийгизилген 23-25 жаштагы кыздын сөөгү табылган. Экспертизада анын муунтуп өлтүрүлгөнү тастыкталган. Кумарбек бул ишти да мойнуна алган;
2014-жылдын март айында Бишкекте Жал айылы тарапта дагы бир кыздын сөөгү табылган. Ал Камила Дүйшөбаева болуп чыккан. Ишке ошол учурда башкы прокурор Аида Салянованын агасы шектелип, кылмыштын бети ачылбай калган. Кумарбек Дүйшөбаеваны да өлтүргөнүн моюндап, кылмыш кылган жерин көрсөтүп берген;
тергөөдө ал белгисиз кызды талаага алып чыгып, зордуктап, бирок өлтүрбөй таштап кеткенин айткан. Бирок бул факт арыз түшпөгөндүктөн катталбай калган;
2015-жылдын октябрь айында дагы бир кыз Кумарбек Абдыровдон кордук көрүп, бактыга жараша, аман калган.
Таксисттин терисин жамынып кылмыш жасаган кишинин акыркы курмандыгы 17 жаштагы Айсулуу Мукашева болду.
15 Тогуздун айы, 10:30
