https://sputnik.kg/20251009/tramp-khamas-menen-izrail-kepke-kelgenin-aytty-1097034104.html
Трамп ХАМАС менен Израиль кепке келип, эми тынчтык орноорун айтты. Чоо-жайы
Трамп ХАМАС менен Израиль кепке келип, эми тынчтык орноорун айтты. Чоо-жайы
Sputnik Кыргызстан
БИШКЕК, 9-окт. — Sputnik. АКШ президенти Дональд Трамп ХАМАС менен Израиль кырдаалды жөнгө салуу жаатындагы пландын биринчи фазасын аткаруу боюнча сөз... 09.10.2025, Sputnik Кыргызстан
2025-10-09T10:08+0600
2025-10-09T10:08+0600
2025-10-09T10:08+0600
дүйнөдө
акш
палестина
израиль
газа сектору
дональд трамп
аскер
туткун
алмашуу
кепке келүү
https://sputnik.kg/img/07e9/0a/09/1097034259_0:320:3072:2048_1920x0_80_0_0_ef34f9a8bf80c7911c92633ca76725e1.jpg
БИШКЕК, 9-окт. — Sputnik. АКШ президенти Дональд Трамп ХАМАС менен Израиль кырдаалды жөнгө салуу жаатындагы пландын биринчи фазасын аткаруу боюнча сөз бекитишкенин жар салды. Палестин кыймылы туткундарды берет, ал эми израилдик аскерлер чыгып кетет. РИА Новости аталган маселе боюнча Трамптын дагы бир нече билдирүү жасаганын, Жакынкы Чыгышта тынчтык орнойт дегенин да жазды. Трамп ХАМАС кармап турган туткундар 13-октябрда мекенине кайта тургандыгын, алар менен кошо каза болгондордун сөөгүн алып келишерин айткан. Ал эми ХАМАС каршы тарапта камалып турган палестиндердин тизмесин бергенин билдирген. Алардын эсеби боюнча, темир тордун артында эки миңге чукул киши бар. Аталган кыймыл Трамп менен Газа макулдашуусу боюнча кепилдик алган мамлекеттерди Израилди милдеттенмелерин толук аткартууга чакырды. Эске салсак, Израиль премьери 21-августта Газага көзөмөл орнотуп, ХАМАСты талкалоо планын бекиткен. Күндүз аскерлер чабуулун баштаган. Маалыматтарда бул операция 2026-жылга чейин созулуп, маневрлар катуу болгон учурда запастагы 130 миң аскер да катыша турганы айтылган. Өткөн айдын башында Нетаньяху айланасын коопсуз кылуу үчүн Газанын бардык аймагын көзөмөлгө алууга ниеттенип жатканын билдирген. Тель-Авив башкаруусун кийинчерээк жарандык өкмөткө өткөрүп бере турганын кошумчалаган. Бир топ мамлекеттер, анын ичинен Египет менен Катар Израилдин бул планын сынга алган. Августтун орто ченинде акырындык менен жаңжалдын отун өчүрүүгө алып бара турган 60 күндүк кепке келүү планын алып чыгышкан. Макулдашууда 2023-жылдын 7-ноябрында туткунга түшкөндөрдүн жарымын бошотуу, бир бөлүгүн камакта жаткан палестиналыктарга айырбаштоо каралган. ХАМАС бул демилгени колдогону менен Тель-Авив унчуккан эмес. Жакында эле ХАМАС барымтадагыларды бошотууга жана Газаны башкарууну өткөрүүгө макул болгон. Палестин кыймылы АКШ президенти Дональд Трамптын планына каршы чыкпаганы менен айрым пунктулар ортомчулар аркылуу талкууланарын белгилеген эле.
https://sputnik.kg/20251006/tramp-telefondon-netanyakhunu-kaarydy-1096965128.html
акш
палестина
израиль
газа сектору
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, палестина, израиль, газа сектору, дональд трамп, аскер, туткун, алмашуу, кепке келүү
дүйнөдө, акш, палестина, израиль, газа сектору, дональд трамп, аскер, туткун, алмашуу, кепке келүү
БИШКЕК, 9-окт. — Sputnik. АКШ президенти Дональд Трамп ХАМАС менен Израиль кырдаалды жөнгө салуу жаатындагы пландын биринчи фазасын аткаруу боюнча сөз бекитишкенин жар салды. Палестин кыймылы туткундарды берет, ал эми израилдик аскерлер чыгып кетет.
РИА Новости аталган маселе боюнча Трамптын дагы бир нече билдирүү жасаганын, Жакынкы Чыгышта тынчтык орнойт дегенин да жазды.
"Израиль менен ХАМАСтын биздин тынчтык пландын биринчи фазасына кол коюшканын сыймык менен белгилейм", — деген ал.
Трамп ХАМАС кармап турган туткундар 13-октябрда мекенине кайта тургандыгын, алар менен кошо каза болгондордун сөөгүн алып келишерин айткан.
Ал эми ХАМАС каршы тарапта камалып турган палестиндердин тизмесин бергенин билдирген. Алардын эсеби боюнча, темир тордун артында эки миңге чукул киши бар.
Аталган кыймыл Трамп менен Газа макулдашуусу боюнча кепилдик алган мамлекеттерди Израилди милдеттенмелерин толук аткартууга чакырды.
Эске салсак, Израиль премьери 21-августта Газага көзөмөл орнотуп, ХАМАСты талкалоо планын бекиткен. Күндүз аскерлер чабуулун баштаган. Маалыматтарда бул операция 2026-жылга чейин созулуп, маневрлар катуу болгон учурда запастагы 130 миң аскер да катыша турганы айтылган.
Өткөн айдын башында Нетаньяху айланасын коопсуз кылуу үчүн Газанын бардык аймагын көзөмөлгө алууга ниеттенип жатканын билдирген. Тель-Авив башкаруусун кийинчерээк жарандык өкмөткө өткөрүп бере турганын кошумчалаган.
Бир топ мамлекеттер, анын ичинен Египет менен Катар Израилдин бул планын сынга алган. Августтун орто ченинде акырындык менен жаңжалдын отун өчүрүүгө алып бара турган 60 күндүк кепке келүү планын алып чыгышкан. Макулдашууда 2023-жылдын 7-ноябрында туткунга түшкөндөрдүн жарымын бошотуу, бир бөлүгүн камакта жаткан палестиналыктарга айырбаштоо каралган. ХАМАС бул демилгени колдогону менен Тель-Авив унчуккан эмес.
Жакында эле ХАМАС барымтадагыларды бошотууга жана Газаны башкарууну өткөрүүгө макул болгон. Палестин кыймылы АКШ президенти Дональд Трамптын планына каршы чыкпаганы менен айрым пунктулар ортомчулар аркылуу
талкууланарын белгилеген эле.
6 Тогуздун айы 2025, 11:25
