https://sputnik.kg/20251003/shatdaundan-ulam-tramp-mindegen-kishilerdi-ishten-kyskartyshy-mumkun-1096916260.html
Шатдаундан улам Трамп миңдеген мамлекеттик кызматкерди кыскартары айтылды
Шатдаундан улам Трамп миңдеген мамлекеттик кызматкерди кыскартары айтылды
Sputnik Кыргызстан
БИШКЕК, 3-окт. — Sputnik. АКШдагы миңдеген мамлекеттик кызматкер шатдаундан улам ишинен кыскарат. Бул туурасында Ак үйдүн маалымат катчысы Каролин Левитт... 03.10.2025, Sputnik Кыргызстан
2025-10-03T09:56+0600
2025-10-03T09:56+0600
2025-10-03T09:56+0600
дүйнөдө
акш
ак үй
дональд трамп
шатдаун
кыскартуу
кризис
https://sputnik.kg/img/07e9/0a/03/1096916026_0:0:3072:1728_1920x0_80_0_0_08f405e168b048a14209c3d8ecd87e4b.jpg
БИШКЕК, 3-окт. — Sputnik. АКШдагы миңдеген мамлекеттик кызматкер шатдаундан улам ишинен кыскарат. Бул туурасында Ак үйдүн маалымат катчысы Каролин Левитт айтканын РИА Новости жазды. Эл өкүлдөр палатасынын спикери Майк Жонсон Трамптын мындай кадамга барууга "мыйзамдуу укугу" бардыгын айтты. Төрага мурдараак АКШ президенти менен телефон аркылуу сүйлөшкөнүн, ага республикачы депутаттар да катышканын билдирди. Ак үй кожоюну азыркы кырдаалга кыжалат болуп турганын айткан. Ошентсе да ушу тапта кайсы программанын кызматкерлерин калтыруу керектигин карап чыкмакчы. Жонсон алар "өтө маанилүү" болгон кызматта иштегендер экенин кошумчалаган. Ошол эле учурда юристтер бул федералдык мекемелерге Конгресстин уруксаты жок акча алуусуна тыюу салган мыйзамды бузууга алып келиши мүмкүн экенин белгилешүүдө. Мында кеп жөлөк пулдар тууралуу болуп жатат. АКШнын финансылык жаңы жылы шатдаундан, тагыраагы, бюджеттин жоктугунан федералдык ведомствонун ишинин токтоп калышынан башталды. Бул Кошмо Штаттардын экономикалык жагдайын бир топ кыйындатканы турат. Себеби кечээ мындай экономикалык калпыстыктын кесепетинен улам алардын бир күндөгү чыгымы 400 миллион долларга чейинки акчаны чапчый турганы айтылды. Шатдаун америкалык саясат үчүн сейрек көрүнүш эмес. 1976-жылдан бери мындай кризис 22 жолу болуптур. Анын кесепетинен экономика кеминде 37-40 миллиард доллар чыгым тарткан. АКШ президенти Дональд Трамп буга чейин өкмөттүн иши токтоп турган мезгилди кызматкерлерди жана төлөмдөрдү жапырт кыскартуу үчүн пайдаланса болорун билдирген. Анын айтымында, бюджетти макулдашып жаткандагы көйгөйдү демократтардын позициясы жараткан, эми азыркы кырдаалды Ак үй республикачыларга жакпаган программалардан арылуу үчүн колдонууда.
https://sputnik.kg/20251001/kiyevde-akshdagy-kyrdaaldan-ulam-bildiruu-zhasady-1096867313.html
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, ак үй, дональд трамп, шатдаун, кыскартуу, кризис
дүйнөдө, акш, ак үй, дональд трамп, шатдаун, кыскартуу, кризис
БИШКЕК, 3-окт. — Sputnik. АКШдагы миңдеген мамлекеттик кызматкер шатдаундан улам ишинен кыскарат. Бул туурасында Ак үйдүн маалымат катчысы Каролин Левитт айтканын
РИА Новости жазды.
Эл өкүлдөр палатасынын спикери Майк Жонсон Трамптын мындай кадамга барууга
"мыйзамдуу укугу" бардыгын айтты. Төрага мурдараак АКШ президенти менен телефон аркылуу сүйлөшкөнүн, ага республикачы депутаттар да катышканын билдирди.
Ак үй кожоюну азыркы кырдаалга кыжалат болуп турганын айткан. Ошентсе да ушу тапта кайсы программанын кызматкерлерин калтыруу керектигин карап чыкмакчы. Жонсон алар "өтө маанилүү" болгон кызматта иштегендер экенин кошумчалаган.
Ошол эле учурда юристтер бул федералдык мекемелерге Конгресстин уруксаты жок акча алуусуна тыюу салган мыйзамды бузууга алып келиши мүмкүн экенин белгилешүүдө. Мында кеп жөлөк пулдар тууралуу болуп жатат.
АКШнын финансылык жаңы жылы шатдаундан, тагыраагы, бюджеттин жоктугунан федералдык ведомствонун ишинин токтоп калышынан башталды. Бул Кошмо Штаттардын экономикалык жагдайын бир топ кыйындатканы турат. Себеби кечээ мындай экономикалык калпыстыктын кесепетинен улам алардын бир күндөгү чыгымы
400 миллион долларга чейинки акчаны чапчый турганы айтылды.
Шатдаун америкалык саясат үчүн сейрек көрүнүш эмес. 1976-жылдан бери мындай кризис 22 жолу болуптур. Анын кесепетинен экономика кеминде 37-40 миллиард доллар чыгым тарткан. АКШ президенти Дональд Трамп буга чейин өкмөттүн иши токтоп турган мезгилди кызматкерлерди жана төлөмдөрдү жапырт кыскартуу үчүн пайдаланса болорун билдирген. Анын айтымында, бюджетти макулдашып жаткандагы көйгөйдү демократтардын позициясы жараткан, эми азыркы кырдаалды Ак үй республикачыларга жакпаган программалардан арылуу үчүн колдонууда.
1 Тогуздун айы 2025, 10:52
