https://sputnik.kg/20250926/merts-moskvanyn-aktivinin-esebinen-kiyevge-nasyya-ber-n-sunushtady-1096767011.html
Мерц Москванын тоңдурулган активинен Киевге 140 млрд. евро насыя берүүнү сунуштады
Мерц Москванын тоңдурулган активинен Киевге 140 млрд. евро насыя берүүнү сунуштады
Sputnik Кыргызстан
БИШКЕК, 26-сен. — Sputnik. Германия канцлери Фридрих Мерц Россиянын тоңдурулган активдеринин эсебинен Киевге 140 миллиард евро көлөмүндө пайызсыз насыя берүүнү... 26.09.2025, Sputnik Кыргызстан
2025-09-26T11:02+0600
2025-09-26T11:02+0600
2025-09-26T11:03+0600
дүйнөдө
германия
еврокомиссия
евробиримдик
украина
россия
тоңдурулган актив
насыя
фридрих мерц
https://sputnik.kg/img/07e6/07/0b/1065997035_0:160:3073:1888_1920x0_80_0_0_f0d0529b6480b85be20ce0ba1c7a77da.jpg
БИШКЕК, 26-сен. — Sputnik. Германия канцлери Фридрих Мерц Россиянын тоңдурулган активдеринин эсебинен Киевге 140 миллиард евро көлөмүндө пайызсыз насыя берүүнү сунуштады. Бул тууралуу Financial Times гезитиндеги макалага таянуу менен РИА Новости жазды. Канцлер ЕБ мамлекеттери аталган маселеде бир пикирге келе албаса да көпчүлүктүн макулдугу менен насыя берүү чечими кабыл алынышы керек деген пикирде. Мерц акча жалпы бюджеттик максаттар үчүн эмес, Украинанын коргонуусуна гана колдонулушу керектигин белгилеген. Ал маселени ЕБ мамлекеттеринин башчылары менен кийинки шаршембиде талкууга аларын убадалады. Буга чейин экономиалык маселелер боюнча еврокомиссар Валдис Домбровскис ЕБ финансы министрлеринин бейрасмий жолугушуусунан кийин Еврокомиссия Украинаны 2026-жылдан тарта "зыяндын ордун толтурууга заем" деп Россия активдеринин эсебинен каржылоону максаттап жатканын билдирген. Ал эми комиссиянын төрайымы Урсула фон дер Ляйен тоңдурулган акчанын кирешесинин базасында Украинаны каржылоо үчүн жаңы "репарациялык насыя" түзүүнү сунуштаган. Анын айтымында, "Украина Россия "репарация" төлөп бергенден кийин гана насыяны кайтарып берет". Еврокомиссия ушу кезге чейин Киевди колдоого 170 миллиард евро корогонун билдирген. Брюссель Украинага негизинен бюджетти колдоо үчүн макрофинансылык жардам көрсөтүп келет. Анткен менен Киевге акча берүүгө нааразы болгон мамлекеттердин саны арбууда. Мындай макрофинансылык жардам ушул жылдын соңуна чейин уланат, кийинки жылы токтоп да калышы ыктымал. Эскерте кетсек, Россия Украинада атайын аскердик операциясын баштагандан кийин ЕС жана G7 өлкөлөрү РФтин валюта резервининин жарымы болгон 300 миллиард евро көлөмүндөгү акчасын тоңдуруп салган. 200 миллиарддан ашыгы ЕБде, Бельгиянын Euroclear системасынын эсебинде. Августтун соңунда Welt am Sonntag Еврокомиссиянын маалыматына таянып Евробиримдик 2025-жылдын башынан июль айына чейин Украинага Россиянын тоңдурулган каражатынан түшкөн кирешеден 10,1 миллиард евро жөнөткөнүн жазган. Россия буга жооп кайтарып, кастарын тиккен өлкөлөрдүн инвесторлорунун активдерин тоңдуруп салган. Алардын кирешеси "С" тибиндеги атайын эсепте, каражатты өкмөттүк комиссиянын чечими менен гана чыгарууга болот.
https://sputnik.kg/20250926/tramptyn-rossiya-boyuncha-zhasagan-akyrky-bildiruusu-1096764487.html
германия
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, германия, еврокомиссия, евробиримдик, украина, россия, тоңдурулган актив, насыя, фридрих мерц
дүйнөдө, германия, еврокомиссия, евробиримдик, украина, россия, тоңдурулган актив, насыя, фридрих мерц
БИШКЕК, 26-сен. — Sputnik. Германия канцлери Фридрих Мерц Россиянын тоңдурулган активдеринин эсебинен Киевге 140 миллиард евро көлөмүндө пайызсыз насыя берүүнү сунуштады. Бул тууралуу Financial Times гезитиндеги макалага таянуу менен
РИА Новости жазды.
"Германия Россиянын Борбордук банкынын Европада тоңдурулган активдерин конфискациялоо маселесинде өтө этият. Бирок бул бизди токтотпошу керек, каражатты кандай ыкма менен Украинага алып берерибизди ойлонушубуз зарыл. 140 миллиард евро өлчөмүндө пайызсыз насыя берүүгө пайдалансак болот", — деп жазган Мерц.
Канцлер ЕБ мамлекеттери аталган маселеде бир пикирге келе албаса да көпчүлүктүн макулдугу менен насыя берүү чечими кабыл алынышы керек деген пикирде. Мерц акча жалпы бюджеттик максаттар үчүн эмес, Украинанын коргонуусуна гана колдонулушу керектигин белгилеген. Ал маселени ЕБ мамлекеттеринин башчылары менен кийинки шаршембиде талкууга аларын убадалады.
Буга чейин экономиалык маселелер боюнча еврокомиссар Валдис Домбровскис ЕБ финансы министрлеринин бейрасмий жолугушуусунан кийин Еврокомиссия Украинаны 2026-жылдан тарта "зыяндын ордун толтурууга заем" деп Россия активдеринин эсебинен каржылоону максаттап жатканын билдирген.
Ал эми комиссиянын төрайымы Урсула фон дер Ляйен тоңдурулган акчанын кирешесинин базасында Украинаны каржылоо үчүн жаңы "репарациялык насыя" түзүүнү сунуштаган. Анын айтымында, "Украина Россия "репарация" төлөп бергенден кийин гана насыяны кайтарып берет".
Еврокомиссия ушу кезге чейин Киевди колдоого 170 миллиард евро корогонун билдирген. Брюссель Украинага негизинен бюджетти колдоо үчүн макрофинансылык жардам көрсөтүп келет. Анткен менен Киевге акча берүүгө нааразы болгон мамлекеттердин саны арбууда. Мындай макрофинансылык жардам ушул жылдын соңуна чейин уланат, кийинки жылы токтоп да калышы ыктымал.
Эскерте кетсек, Россия Украинада атайын аскердик операциясын баштагандан кийин ЕС жана G7 өлкөлөрү РФтин валюта резервининин жарымы болгон 300 миллиард евро көлөмүндөгү акчасын тоңдуруп салган. 200 миллиарддан ашыгы ЕБде, Бельгиянын Euroclear системасынын эсебинде. Августтун соңунда Welt am Sonntag Еврокомиссиянын маалыматына таянып Евробиримдик 2025-жылдын башынан июль айына чейин Украинага Россиянын тоңдурулган каражатынан түшкөн кирешеден 10,1 миллиард евро жөнөткөнүн жазган.
Россия буга жооп кайтарып, кастарын тиккен өлкөлөрдүн инвесторлорунун активдерин тоңдуруп салган. Алардын кирешеси "С" тибиндеги атайын эсепте, каражатты өкмөттүк комиссиянын чечими менен гана чыгарууга болот.
