https://sputnik.kg/20250923/ehrdogan-gaza-tilkesindegi-zhapajychylyk-tuuraluu-1096708384.html
Эрдоган: Газа тилкесинде адамзат алды-кийин көрбөгөн мыкаачылык болууда
Эрдоган: Газа тилкесинде адамзат алды-кийин көрбөгөн мыкаачылык болууда
Sputnik Кыргызстан
БИШКЕК, 23-сен. — Sputnik. Газа тилкесинде адамзат алды-кийин көрбөгөн жапайылык, мыкаачылык болуп жатат. Үн катпагандардын баары ага шериктеш болуп саналат... 23.09.2025, Sputnik Кыргызстан
2025-09-23T23:15+0600
2025-09-23T23:15+0600
2025-09-24T09:42+0600
дүйнөдө
буу
газа тилкеси
түркия
режеп тайип эрдоган
чакырык
мыкаачылык
https://sputnik.kg/img/07e8/0b/14/1090286908_0:0:2188:1231_1920x0_80_0_0_ae77912dc772fc1d588c02f5d94be5b8.jpg
БИШКЕК, 23-сен. — Sputnik. Газа тилкесинде адамзат алды-кийин көрбөгөн жапайылык, мыкаачылык болуп жатат. Үн катпагандардын баары ага шериктеш болуп саналат. Бул тууралуу Түркия президенти Режеп Тайип Эрдоган БУУнун Башкы Ассамблеясында билдиргенин РИА Новости жазды. Түркия президенти Газадагы инфраструктура толугу менен жок кылынганын айтып, апаат болуп жатканын эске салды. Ал дүйнөдө адамдар Газа тилкесиндегидей кан төгүүнү көрбөгөнүн кайра кайталап, баса белгиледи.Ал адам өмүрү кыйылып жаткан Газадан тартылган жүрөк тилген сүрөттөрдү ала келип, трибунадан жыйынга катышып отургандарга көрсөттү.Түркия президенти Палестинаны тааный элек өлкөлөрдү бул чечимди эртерээк кабыл алууга чакырды.Соңку айларда Тель-Авив Газа тилкесин курчоого алып, зарыл тамак-аш, дары-дармек алып кирүүгө тоскоолдук кылган. Бул адамдардын кырылышын шарттаган. БУУнун азык-түлүк жана айыл чарба уюму аталган аймакты ачкачылык каптаганын жарыялаган.Буга чейин БУУ дүйнөдөгү эки масштабдуу ачкачылыкты каттаган эле. Биринчиси 2017-жылы Түштүк Суданда, экинчиси 2011-жылы Сомалиде болгон.Газанын администрациясы Израиль чабуулунан каза тапкандардын саны (2023-жылдын 7-октябрынан бери) 64 миңден ашканын, алар негизинен жай жарандар болгонун билдирген.Эске салсак, Израиль премьери 21-августта Газага көзөмөл орнотуп, ХАМАСты талкалоо планын бекиткен. Күндүз аскерлер чабуулун баштаган. Маалыматтарда бул операция 2026-жылга чейин созулуп, маневрлар катуу болгон учурда запастагы 130 миң аскер да катыша турганы айтылган.Өткөн айдын башында Нетаньяху айланасын коопсуз кылуу үчүн анклавдын бардык аймагын көзөмөлгө алууга ниеттенип жатканын билдирген. Тель-Авив башкаруусун кийинчерээк жарандык өкмөткө өткөрүп бере турганын кошумчалаган.Бир топ мамлекеттер, анын ичинен Египет менен Катар Израилдин бул планын сынга алды. Августтун орто ченинде акырындык менен жаңжалдын отун өчүрүүгө алып бара турган 60 күндүк кепке келүү планын алып чыгышкан. Макулдашууда 2023-жылдын 7-ноябрында туткунга түшкөндөрдүн жарымын бошотуу, бир бөлүгүн камакта жаткан палестиналыктарга айырбаштоо каралган. ХАМАС бул демилгени колдогону менен Тель-Авив унчуккан эмес.
https://sputnik.kg/20250922/netanyakhu-palestinanyn-mamlekettuuluguno-zhol-berilbeyt-1096665744.html
газа тилкеси
түркия
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, буу, газа тилкеси, түркия, режеп тайип эрдоган, чакырык, мыкаачылык
дүйнөдө, буу, газа тилкеси, түркия, режеп тайип эрдоган, чакырык, мыкаачылык
БИШКЕК, 23-сен. — Sputnik. Газа тилкесинде адамзат алды-кийин көрбөгөн жапайылык, мыкаачылык болуп жатат. Үн катпагандардын баары ага шериктеш болуп саналат. Бул тууралуу Түркия президенти Режеп Тайип Эрдоган БУУнун Башкы Ассамблеясында билдиргенин
РИА Новости жазды.
Түркия президенти Газадагы инфраструктура толугу менен жок кылынганын айтып, апаат болуп жатканын эске салды. Ал дүйнөдө адамдар Газа тилкесиндегидей кан төгүүнү көрбөгөнүн кайра кайталап, баса белгиледи.
Ал адам өмүрү кыйылып жаткан Газадан тартылган жүрөк тилген сүрөттөрдү ала келип, трибунадан жыйынга катышып отургандарга көрсөттү.
Түркия президенти Палестинаны тааный элек өлкөлөрдү бул чечимди эртерээк кабыл алууга чакырды.
Соңку айларда Тель-Авив Газа тилкесин курчоого алып, зарыл тамак-аш, дары-дармек алып кирүүгө тоскоолдук кылган. Бул адамдардын кырылышын шарттаган. БУУнун азык-түлүк жана айыл чарба уюму аталган аймакты ачкачылык каптаганын жарыялаган.
Буга чейин БУУ дүйнөдөгү эки масштабдуу ачкачылыкты каттаган эле. Биринчиси 2017-жылы Түштүк Суданда, экинчиси 2011-жылы Сомалиде болгон.
Газанын администрациясы Израиль чабуулунан каза тапкандардын саны (2023-жылдын 7-октябрынан бери) 64 миңден ашканын, алар негизинен жай жарандар болгонун билдирген.
Эске салсак, Израиль премьери 21-августта Газага көзөмөл орнотуп, ХАМАСты талкалоо планын бекиткен. Күндүз аскерлер чабуулун баштаган. Маалыматтарда бул операция 2026-жылга чейин созулуп, маневрлар катуу болгон учурда запастагы 130 миң аскер да катыша турганы айтылган.
Өткөн айдын башында Нетаньяху айланасын коопсуз кылуу үчүн анклавдын бардык аймагын көзөмөлгө алууга ниеттенип жатканын билдирген. Тель-Авив башкаруусун кийинчерээк жарандык өкмөткө өткөрүп бере турганын кошумчалаган.
Бир топ мамлекеттер, анын ичинен Египет менен Катар Израилдин бул планын сынга алды. Августтун орто ченинде акырындык менен жаңжалдын отун өчүрүүгө алып бара турган 60 күндүк кепке келүү планын алып чыгышкан. Макулдашууда 2023-жылдын 7-ноябрында туткунга түшкөндөрдүн жарымын бошотуу, бир бөлүгүн камакта жаткан палестиналыктарга айырбаштоо каралган. ХАМАС бул демилгени колдогону менен Тель-Авив унчуккан эмес.
