Путин менен Си Цзиньпин Пекинде эмнелерди сүйлөштү. Урунттуу учурлардын видеосу
© Sputnik / Сергей Бобылев
/ Жазылуу
БИШКЕК, 2-сен. — Sputnik. Россия менен Кытайдын лидерлери Владимир Путин жана Си Цзиньпин Пекин шаарында делегациялардын катышуусунда кеңири курамда сүйлөшүү жүргүздү. Бул туурасында РИА Новости жазды.
"Урматтуу досум, мен жана россиялык делегациянын бардык мүчөлөрү кытайлык достор менен кездешип жатканыбызга канааттанып турабыз. Делегацияны жылуу кабыл алганыңыздарга ыраазылык билдиребиз", — деген Путин.
Мындан сырткары, Россия президенти төмөнкүлөргө токтолду:
жакын байланыштар эки тараптуу мамилелердин стратегиялык маанисин көрсөтөт жана соңку учурда кызматташуу деңгээли мынчалык жогору боло элек эле;
аскердик достукту эске салуу, ишеним, бири-бирибизге колдоо көрсөтүү, жалпы кызыкчылыктарды коргоо — Москва менен Пекиндин ортосундагы кеңири өнөктөштүк жана стратегиялык кызматташуунун өзөгү;
2025-жылы, он жыл мурдагыдай эле Улуу Жеңиштин юбилейин Москва менен Пекинде биргеликте белгилейли деген чечимдин мааниси зор.
"Бул — биздин элдерибиздин, Россия жана Кытай калкынын Экинчи дүйнөлүк согуштагы эрдигин урматтоо. Ошондой эле биздин өлкөлөрдүн Европа жана Азияда болгон согуштардагы жеңишинин маанилүү экенин бекемдейт. Аталарыбыз жана чоң ата, чоң энелерибиз тынчтык менен эркиндик үчүн кан-жанын аяган жок. Биз муну унутпайбыз, дайыма эсибизде. Бул — бүгүнкү жана келечектеги жетишкендиктерибиздин пайдубалы", — деп баса белгилеген РФ лидери.
Си Цзиньпиндин айткандары
"Урматтуу менин мурдатан келе жаткан досум Путин мырза, сизди Пекинден кайрадан көргөнүмө кубанычтамын. Кечээ Тяньцзинде ШКУнун саммитине бирге катыштык. Ардактуу президент, ал эми эртең эл аралык уюмдардын башчылары жана беш континенттен келген сыйлуу коноктор менен бирге кытай элинин япон баскынчыларына каршы күрөшүндө жана антифашисттик дүйнөлүк согуштагы жеңиштин 80 жылдыгын салтанаттуу белгилөөгө катышабыз", — деген Кытай лидери.
Си Цзиньпинь токтолгон дагы башка учурлар:
эки мамлекеттин лидерлеринин Экинчи дүйнөлүк согуштагы Жеңиштин урматына өткөрүлгөн салтанаттуу иш-чараларга катышуусу эки тараптуу мамилелердин жакшы салтына айланды;
Кытай Россия менен бирге эки өлкө элинин өнүгүүсүнө колдоо көрсөтүүгө даяр;
Москва менен Пекиндин мамилелери үлгү болуп, мезгилдин сынынан ийгиликтүү өткөн.
Андан ары сүйлөшүүлөр Кытай президентинин жеке резиденциясы "Чжуннаньхайда" тар курамда уланды.
Эскерте кетсек, Путин Кытайга төрт күндүк сапар менен барган. Мурдараак Пекинде Россия, Кытай жана Монголия лидерлеринин сүйлөшүүсү өттү.
Путиндин бүгүн да бир катар эки тараптуу жолугушуулары күтүлүүдө.
Шаршемби, 3-сентябрда, ал Япония милитаристтерине каршы жеңиштин жана Экинчи дүйнөлүк согуштун аякташынын 80 жылдыгына арналган салтанаттуу иш-чараларга башкы конок катары катышат.
