Путин менен Трамптын Аляскада жасаган билдирүүсү. Урунттуу учурлар
06:00 16.08.2025 (Жаңыртылды: 10:11 18.08.2025)
© AP Photo / Julia Demaree Nikhinson
Жазылуу
Путин менен Трамп соңку ирет 2019-жылы Японияда жолуккан. Бүгүнкүнү кошуп эсептегенде эки лидер мамлекет башчы катары жетинчи ирет кездешип жатат.
БИШКЕК, 16-авг. — Sputnik. Россия менен АКШнын президенттери Владимир Путин жана Дональд Трамптын Анкориж шаарындагы (Аляска, АКШ) Элмендорф-Ричардсон аскер базасында Украина маселесин талкуулаган жолугушуусу аяктады.
РФ башчысынын АКШга сапары беш саатка чукул созулду.
Держава лидерлери 2 саат 45 мүнөткө созулган сүйлөшүүлөрдөн кийин маалымат жыйын уюштуруп, билдирүү жасашты.
РФ президенти Владимир Путиндин сөзүнүн урунттуу жерлери:
Россия АКШ президентинин администрациясынын украин көйгөйүн чечүүдө кошо иш алып барууга болгон каалоосун көрүп турат;
Россия Украинанын коопсуздугу камсыздалышы керек дегенге макул жана бул боюнча кадам таштоого даяр;
Украинадагы азыркы кырдаал Россия үчүн трагедия жана өзөктүү оорунун бири;
Россия Украинадагы согушту жөнгө салуу узак мөөнөттүү болушун, тагыраагы, жаңжал кайра кайталанбашын каалайт;
АКШ менен РФ үчүн жаңы баракты ачып өз ара алакага кайтуу маанилүү жана зарыл;
Россия менен АКШ соода, энергетика, санариптик чөйрө, жогорку технологиялар жана космосту өздөштүрүү боюнча кызматташса болмок;
Россия менен АКШда жаңы администрация келгенден кийин товар жүгүртүү 20 пайызга өстү.
Трамптын билдирүүсү:
жолугушуу мазмундуу болду, бүгүн "көңүл толгудай прогресске жеттик";
Украинанын көйгөйү боюнча Путин менен бир нече маселени сүйлөштүк, бирок азырынча так макулдашуу жок;
Путин менен жолугушуунун жыйынтыгы боюнча Зеленскийге, НАТОго жана башкаларга чалып, аларды кабардар кылам;
биз, президент Путин да Украинадагы жаңжалды эртерээк бүтүрүүгө кызыкдарбыз;
Путин менен мамилем сонун. Экөөбүз көптөгөн оор да, жакшы да жолугушууларды өткөрдүк;
Украинадагы согуш отун өчүрүү үчүн эки тараптын тең "жакшы мүмкүнчүлүгү" бар. Азырынча бир чечимге келе элекпиз, бирок ал үчүн чоң иш жасаган Путин жана анын командасына ыраазылык билдирем;
Путиндин "кийинки жолугушууну Москвада өткөрөлү" деген сунушу кызыктуу экен. Мени бул боюнча жемелешсе керек, бирок баары болушу мүмкүн. Путин менен жакын арада көрүшүүгө ишенем.
Эске салсак, Путин менен Трамп соңку ирет 2019-жылы Японияда жолуккан. Эки лидер Осако шаарында 1,5 саатка чукул сүйлөшкөн.
Эске салсак, Путин менен Трамп соңку ирет 2019-жылы Японияда жолуккан. Эки лидер Осако шаарында 1,5 саатка чукул сүйлөшкөн.
