Кыргызстанга Монголиянын президенти Ухнаагийн Хурэлсух келди
Жазылуу
БИШКЕК, 20-июл. — Sputnik. Кыргызстанга Монголиянын президенти Ухнаагийн Хурэлсух мамлекеттик сапары менен келгенин өлкө башчынын маалымат кызматы билдирди.
Мейманды “Манас” аэропортунан Кыргызстандын президенти Садыр Жапаров тосуп алды.
“Флагштокторго эки өлкөнүн туулары илинип, килем төшөлүп, улуттук боз үй түрүндөгү инсталляция орнотулуп, ардактуу кароол тизилген. Улуттук кийимчен кыздар Ухнаагийн Хурэлсухту тосуп алып, ага гүл, боорсок менен бал тартуулашты. Мамлекет башчылары үчүн кыргыз артисттеринин катышуусунда концерттик программа уюштурулуп, алар кыргыз жана монгол музыкалык чыгармаларын аткарышты”, — деп айтылат маалыматта.
Жогорку даражалуу конокту кыргыз элинин бай маданий мурасын чагылдырган улуттук каада-салттар менен тосуп алышты.
