Бишкекте Евразиядагы жаңы коопсуздук архитектурасы талкууланды
Бишкекте Евразиядагы жаңы коопсуздук архитектурасы талкууланды
Sputnik Кыргызстан
БИШКЕК, 11-июл. — Sputnik. Бишкекте "Евразияда коопсуздуктун жаңы архитектурасын түзүү келечеги" аттуу "Евразиялык талкуу клубунун" жетинчи жыйыны өттү. 11.07.2025, Sputnik Кыргызстан
БИШКЕК, 11-июл. — Sputnik. Бишкекте "Евразияда коопсуздуктун жаңы архитектурасын түзүү келечеги" аттуу "Евразиялык талкуу клубунун" жетинчи жыйыны өттү. "Евразия" бейөкмөт уюмунан билдиришкендей, эл аралык талкууга Кыргызстандан, Россиядан жана Казакстандан келген окумуштуулар, эксперттер, ошондой эле ЖККУнун өкүлдөрү катышты. Алар Европанын, Түштүк Кавказдын, Жакынкы Чыгыштын, Борбордук Азиянын жана Түндүк-Чыгыш Азиянын азыркы эл аралык саясий кырдаалынын контекстинде Евразияда коопсуздуктун жаңы архитектурасын түзүү маселесине өзгөчө көңүл бурушту. ЖККУ, ШКУ, КМШ жана ЕАЭБ кызматташуусунун алкагында Россиянын, Кыргызстандын, Беларустун, Борбор Азия өлкөлөрүнүн жана Кытайдын Евразиянын коопсуздугун жана туруктуулугун камсыз кылуудагы негизги ролу белгиленди. Жакында өткөн "Борбор Азия — Кытай" саммитинин алкагында Кытайдын глобалдык коопсуздук боюнча демилгелери да талкууланды. Мындан тышкары, талкуу клубунун катышуучулары "XXI кылымда көп уюлдуулуктун жана көп түрдүүлүктүн Евразиялык хартиясын", Борбор Азиянын эксперттик жана илимий коомчулугунда бул теманы актуалдаштыруунун келечегин талкуулашты. Аймактагы өлкөлөр жаңы дүйнөлүк тартипти түзүү процесстеринен четте калбай турганы, көп уюлдуу дүйнөлүк түзүлүш мамлекеттердин глобалдык көпчүлүгүнүн кызыкчылыктарына жооп берери да белгиленди. 2025-жылдын 29-июнундагы ЖККУга мүчө мамлекеттердин тышкы иштер министрлеринин Чолпон-Ата шаарында өткөн кеңешинин жыйынында Кыргызстандын эксперттик коомчулугу тарабынан сунушталган "Ысык-Көл эксперттик демилгеси" боюнча өзүнчө талкуу болду. Бул демилге эксперттик жана илимий коомчулуктардын, көз карандысыз эксперттердин жана коомдук ишмерлердин эл аралык аренада ЖККУга мүчө мамлекеттердин кызыкчылыктарын коргоого багытталган кызматташтыгын бекемдөөгө, ошондой эле адамдын, коомдун жана мамлекеттин коопсуздугун чыңдоого көмөктөшүүчү коомдук жана эксперттик талкууларды, илимий изилдөөлөрдү улантууга багытталган. Кыргызстандын жана Казакстандын аналитикалык борборлорунун жетекчилери, көз карандысыз эксперттер, илимий жана аналитикалык коомчулуктун өкүлдөрү "Ысык-Көл эксперттик демилгесин" колдоп, эксперттик жана аналитикалык кызматташтык чөйрөсүн ЖККУга мүчө өлкөлөр менен чектебөөнү сунушташты. Иш-чара "Евразия" автономдук коммерциялык эмес уюмунун гранттык колдоосу менен өттү.
БИШКЕК, 11-июл. — Sputnik. Бишкекте "Евразияда коопсуздуктун жаңы архитектурасын түзүү келечеги" аттуу "Евразиялык талкуу клубунун" жетинчи жыйыны өттү.
"Евразия" бейөкмөт уюмунан билдиришкендей, эл аралык талкууга Кыргызстандан, Россиядан жана Казакстандан келген окумуштуулар, эксперттер, ошондой эле ЖККУнун өкүлдөрү катышты. Алар Европанын, Түштүк Кавказдын, Жакынкы Чыгыштын, Борбордук Азиянын жана Түндүк-Чыгыш Азиянын азыркы эл аралык саясий кырдаалынын контекстинде Евразияда коопсуздуктун жаңы архитектурасын түзүү маселесине өзгөчө көңүл бурушту.
ЖККУ, ШКУ, КМШ жана ЕАЭБ кызматташуусунун алкагында Россиянын, Кыргызстандын, Беларустун, Борбор Азия өлкөлөрүнүн жана Кытайдын Евразиянын коопсуздугун жана туруктуулугун камсыз кылуудагы негизги ролу белгиленди.
Жакында өткөн "Борбор Азия — Кытай" саммитинин алкагында Кытайдын глобалдык коопсуздук боюнча демилгелери да талкууланды.
Мындан тышкары, талкуу клубунун катышуучулары "XXI кылымда көп уюлдуулуктун жана көп түрдүүлүктүн Евразиялык хартиясын", Борбор Азиянын эксперттик жана илимий коомчулугунда бул теманы актуалдаштыруунун келечегин талкуулашты. Аймактагы өлкөлөр жаңы дүйнөлүк тартипти түзүү процесстеринен четте калбай турганы, көп уюлдуу дүйнөлүк түзүлүш мамлекеттердин глобалдык көпчүлүгүнүн кызыкчылыктарына жооп берери да белгиленди.
2025-жылдын 29-июнундагы ЖККУга мүчө мамлекеттердин тышкы иштер министрлеринин Чолпон-Ата шаарында өткөн кеңешинин жыйынында Кыргызстандын эксперттик коомчулугу тарабынан сунушталган "Ысык-Көл эксперттик демилгеси" боюнча өзүнчө талкуу болду. Бул демилге эксперттик жана илимий коомчулуктардын, көз карандысыз эксперттердин жана коомдук ишмерлердин эл аралык аренада ЖККУга мүчө мамлекеттердин кызыкчылыктарын коргоого багытталган кызматташтыгын бекемдөөгө, ошондой эле адамдын, коомдун жана мамлекеттин коопсуздугун чыңдоого көмөктөшүүчү коомдук жана эксперттик талкууларды, илимий изилдөөлөрдү улантууга багытталган.
Кыргызстандын жана Казакстандын аналитикалык борборлорунун жетекчилери, көз карандысыз эксперттер, илимий жана аналитикалык коомчулуктун өкүлдөрү "Ысык-Көл эксперттик демилгесин" колдоп, эксперттик жана аналитикалык кызматташтык чөйрөсүн ЖККУга мүчө өлкөлөр менен чектебөөнү сунушташты.
Иш-чара "Евразия" автономдук коммерциялык эмес уюмунун гранттык колдоосу менен өттү.
!["Евразиялык талкуу клубунун" жетинчи жыйыны - Sputnik Кыргызстан](https://sputnik.kg/img/07e9/07/0b/1095245645_0:67:1280:787_600x0_80_0_0_d7c6bc12eda04bb506560496724bb542.jpg ""Евразиялык талкуу клубунун" жетинчи жыйыны")
!["Евразиялык талкуу клубунун" жетинчи жыйыны - Sputnik Кыргызстан](https://sputnik.kg/img/07e9/07/0b/1095245623_0:67:1280:787_600x0_80_0_0_6d09b5ae602bf1d2d6d18b76a59b62fd.jpg ""Евразиялык талкуу клубунун" жетинчи жыйыны")
