БРИКС локомотив болууда. Лавров саммитте эмнелерге токтолду
© Фото / МИД РФ
/ Жазылуу
БИШКЕК, 7-июл. — Sputnik. БРИКС өлкөлөрүнүн башчыларынын Бразилияда өткөн XVII саммитинде РФ ТИМ башчысы Сергей Лавров бир нече маселеге токтолду.
Министрдин айткандарынын маанилүү учурлары:
глобалдашуунун салттуу үлгүсү боюнча Батыштын өнүккөн мамлекеттери гана үстөмдүк кылган деген түшүнүк улам артта калып бара жатат;
Россиянын товар жүгүртүүсүндө БРИКС өлкөлөрүнүн үлүшү өсүүдө. Эгер сандар менен айтсак, 2024-жылдын жыйынтыгында ал 48 пайыздан ашты;
бүгүн БРИКС дүйнөлүк экономикалык трансформацияны алга сүйрөгөн күч катары чыгып жатат. Уюмга мүчө өлкөлөргө бөлө келгенде дүйнөлүк ИДПнын 40тан ашык пайызы туура келет;
соңку жылдардагы окуяларды эске сала турган болсок, дүйнө коомчулугу Батышка көз каранды болбой, жалпы өнүгүү механизмдерин түзүүгө кызыкдар;
Россия Дүйнөлүк соода уюму (ДСУ) боюнча БРИКС өлкөлөрүнүн бирдиктүү позициясын создуктурбастан, эртерээк макулдашып алуу маанилүү деп эсептейт;
кээ бир өлкөлөрдүн аларды — эгемендүү мамлекеттерди дүйнөлүк жасалма интеллект (ЖИ) чөйрөсүндөгү процесстерден атайылап обочолонтууга болгон аракети майнапсыз болду.
