Лавров сауд арабиялык кесиптеши менен Жакынкы Чыгыш жана Украинаны талкуулады
© Sputnik / Сергей Гунеев
/ Жазылуу
БИШКЕК, 4-июл. — Sputnik. Россиянын тышкы иштер министри Сергей Лавров Сауд Арабиясы ТИМинин башчысы Фейсал бен Фархан Аль Сауд менен жолугуп баарлашты. Бул тууралуу РИА Новости жазды.
Сүйлөшүүнүн урунттуу учурлары:
Лавров Эр-Риядга украин маселеси боюнча карманган позициясына ыраазычылык билдирди;
Россия Украина чыры коопсуздук жаатында Москванын мыйзамдуу кызыкчылыгы эске алынбаган натыйжа менен аякташына жол бербейт;
Москва Эр-Риядды келечекте болушу мүмкүн делген Россия — АКШ жолугушуулары үчүн аянтча катары кароого даяр;
Россия менен Сауд Арабиясынын ортосунда түз авиакаттамды октябрда ачуу пландалган;
Кремль Газа секторунда абал тез арада жөнгө салынышы керек деп эсептейт;
Москва менен Эр-Рияд Иран менен Израилдин элдешүүсүнө үмүт артып турат;
Россия Иран менен Израилдин ортосундагы согуш соңуна чыкты деп ишенгиси келет, бирок Жакынкы Чыгыш боротоло тынчый электигине байланыштуу кырдаалды көз жаздымда калтыра албайт.
Россия менен Сауд Арабиясынын өкмөттөр аралык комиссиясынын кезектеги жыйыны 2025-жылдын экинчи жарымына пландалды;
Лавров кесиптешине "Аль-Хилялдын" "Манчестер Ситини" утуп алганына байланыштуу куттук айтты.
