ЕАЭБ, АКШ мамилеси, Украина менен сүйлөшүү. Путиндин Минск саммитинде айткандары
23:15 27.06.2025 (Жаңыртылды: 12:15 29.06.2025)
© Sputnik / Сергей Бобылев
/ Жазылуу
БИШКЕК, 27-июн. — Sputnik. Россия президенти Владимир Путин Жогорку Евразиялык экономикалык кеңештин отурумунун жыйынтыгы боюнча өткөн маалымат жыйында билдирүү жасады.
Ал ЕАЭБдеги интеграциянын жетишкендиктери, Украина менен пландалып жаткан сүйлөшүүлөр, АКШ президенти менен болжолдонгон жолугушуу жана Батыштын Россиянын экономикасы күм-жам болот деген "ишеними" тууралуу кеп кылды.
ЕАЭБ боюнча
ЕАЭБдеги экономикалык өсүш темпи дүйнөлүк орточо көрсөткүчтөн жогору. Дүйнөдө өсүш - 3,3 пайыз болсо, ЕАЭБде 4 пайыздан өйдө;
ЕАЭБге мүчө мамлекет башчылары кийинкиде жаңы жыл алдында Санкт-Петербургда жолугат;
саммиттин катышуучулары санкциялар тууралуу үстүртөн эле сүйлөштү;
Россияга болгон инвестициялардын көлөмү негизи жок айтылган кеп-сөздөргө карабастан өсүүдө.
Украина жөнүндө
Москва Стамбулда Киев менен сүйлөшүүлөрдүн III раундун өткөрүүгө даяр;
Сүйлөшүүгө бара тургандар азыр тыгыз байланышта, делегация жетекчилери жолугушуунун датасын тактап жатат;
Кырдаалды жөнгө салуу боюнча меморандумдар талкууланышы абзел. Кеп эки карама-каршы документ тууралуу болууда, "ага таң калуунун кереги жок";
Москва Киевге дагы 3000 украиналык аскердин сөөгүн өткөрүп берүүгө даяр. Бирок Киев бийлиги аларды алабы-жокпу, өзү чечет.
Батыштын агрессиясы тууралуу
Россия экономикасы күм-жам болот деген Батыштын каалоо, ниети бар. Бул нерсе РФтин эмес, алардын тагдырына туш келет;
Москва атайын операцияны өзү каалаган жыйынтык менен соңуна чыгарууну көздөйт;
Коргонуу күчтөрүнүн бардыгы Европага агрессия жасоого эмес, ушуга жумшалган.
АКШ менен мамиле тууралуу
Дональд Трамп чынында Украиндагы жаңжалды жөнгө салууга белсенүүдө, ал кайраттуу адам;
Ак үйдүн жетекчиси менен жолугушуу болушу толук ыктымал. Андай диалогдон кийин кызматташуу жаңы деңгээлге чыгышы керек;
Россия менен АКШнын мамилеси оңолуп жатат, биринчи кадамдар жасалды;
тышкы саясий ведомстволор жана атайын кызматтар менен иш мамилелери нукка салынды;
Россиянын рыногу америкалык компанияларга ачык.
