Путин: Россия украин элинин суверендүүлүк укугуна эч качан шек келтирген эмес
23:06 20.06.2025 (Жаңыртылды: 15:51 26.06.2025)
© Sputnik / Виталий Тимкив
/ Жазылуу
БИШКЕК, 20-июн. — Sputnik. Россия украин элинин көз карандысыздыгына жана суверендүүлүк укугуна эч качан шек келтирген эмес. Бул тууралуу Владимир Путин Петербург эл аралык экономикалык форумунда билдирди.
Ал Киев эгемендүүлүктү алгандагы шарттарга, тагыраагы, блокторго кошулбоо боюнча статусуна кайтып келсе жакшы болорун эскертти.
РФ лидеринин Украина боюнча айткандарынан:
Россияга каршы бомба колдонуу чечими Киев режиминин соңку катасы болот. Россия кыйратуучу жооп кылат, бирок буга жетпейт деп үмүттөнөм;
Россия кырдаалды жөнгө салып, Украина менен маселени тынчтык жолу менен чечүүгө аракет кылган. Бирок Украина сүйлөшүүдөн баш тартты, анткени Батыш бул кырдаалдан пайда табарына ишенген;
Украина согуштук даярдыгын жоготууда, армиясы болгону 47%га жабдылган;
Россиянын Сума шаарын тартып алуу ниети жок, бирок мындай мүмкүндүк жокко чыгарылбайт;
Украин куралдуу күчтөрү Курск облусунда көптөгөн кылмыштарды, анын ичинде жай тургундарга каршы кылмыштарды жасады. Киев облуска кол салып, жоокерлерин чачыратып өзүнө көйгөй жаратты. Аскердик көз караштан алганда, мындан өткөн келесоолукту элестетүү кыйын;
украиналыктардын чек ара аймактарды аткылаганынан улам Россия коопсуздук зоналарын түзүүгө аргасыз болууда;
Россия бардык коркунучтарга өздөрүнө жараша жооп кайтарат.
