https://sputnik.kg/20250619/putin-si-menen-zhakynky-chygyshtagy-kyrdaaldy-talkuulady-1094766112.html
Путин Си Цзиньпин менен Жакынкы Чыгыштагы кырдаалды талкуулады
Путин Си Цзиньпин менен Жакынкы Чыгыштагы кырдаалды талкуулады
Sputnik Кыргызстан
БИШКЕК, 19-июн. — Sputnik. РФ жана Кытай лидерлери Владимир Путин менен Си Цзиньпин Жакынкы Чыгыш маселесин телефондон талкуулап, жолугууну сүйлөштү. Бул... 19.06.2025, Sputnik Кыргызстан
2025-06-19T17:59+0600
2025-06-19T17:59+0600
2025-06-19T17:59+0600
дүйнөдө
россия
кытай
владимир путин
си цзиньпин
сүйлөшүүлөр
иран
израиль
https://sputnik.kg/img/07e8/02/08/1082561066_0:127:3191:1922_1920x0_80_0_0_7ed215a9abad7c13a11a0c6bf0507a52.jpg
БИШКЕК, 19-июн. — Sputnik. РФ жана Кытай лидерлери Владимир Путин менен Си Цзиньпин Жакынкы Чыгыш маселесин телефондон талкуулап, жолугууну сүйлөштү. Бул туурасында РИА Новости РФ президентинин жардамчысы Юрий Ушаковго таянып жазды. Эки жетекчи бир саатка чукул баарлашкан. Израиль Иран чатагы туурасында Ушаков РФ жана Кытай окшош позицияда болуп, БУУнун уставын бузган Израилдин жоругун чечкиндүү түрдө айыптай турганын айтты. Москва менен Пекин абалды жөнгө салуу үчүн күч колдонуунун кереги жоктугун белгилешкен. Си Цзиньпин Россия согуш отун өчүрүүгө жардамын көрсөтө алмак деп эсептейт. "Кытай лидери мындай ортомчулук вазийпасы учурдагы кырдаалды жумшарта алмактыгын айтты", — деген ал. Кытайдагы жолугуу жөнүндө Лидерлер Пекинде сентябрдын башында кезигүүнү сүйлөштү. Сапардын үчүнчү күнүндө абдан көп маселелер боюнча эки тараптуу сүйлөшүүлөр жүрмөкчү. G7 саммити тууралуу Путин менен Си Канадада өткөн Чоң жетиликтин жыйынтыгын сүйлөштү. Анын ичинен аталган жолугушууга келгендердин өз ара мамилесиндеги көзгө урунган кемчиликтерин кеп кылышкан. Зеленский үчүн Канадага барганы ийгиликсиз сапар болгонун белгилешкен. Москва — Пекин кызматташуусу Саясатчылар эки тараптуу алаканы талкуулаган. "Россия менен Кытайдын лидерлери эл аралык күн тартибиндеги маанилүү маселелер боюнча кызматташууну мындан да чыңдоого, БРИКС, ШКУ, БУУ жана башка эл аралык платформалардын алкагында иштерди координациялоого да кызыкдар экенин айтышкан", — деди жардамчы. Путин Си Цзиньпинди өтүп кеткен туулган күнү менен куттуктаган. Си Цзиньпиндин айткандарын CCTV да жазды:
https://sputnik.kg/20250528/tramp-kytay-zhana-rossiya-menen-duynonu-bolup-aluu-niyetinde-1094246294.html
кытай
иран
израиль
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, кытай, владимир путин, си цзиньпин, сүйлөшүүлөр, иран, израиль
дүйнөдө, россия, кытай, владимир путин, си цзиньпин, сүйлөшүүлөр, иран, израиль
БИШКЕК, 19-июн. — Sputnik. РФ жана Кытай лидерлери Владимир Путин менен Си Цзиньпин Жакынкы Чыгыш маселесин телефондон талкуулап, жолугууну сүйлөштү. Бул туурасында
РИА Новости РФ президентинин жардамчысы Юрий Ушаковго таянып жазды.
Эки жетекчи бир саатка чукул баарлашкан.
Израиль Иран чатагы туурасында
Ушаков РФ жана Кытай окшош позицияда болуп, БУУнун уставын бузган Израилдин жоругун чечкиндүү түрдө айыптай турганын айтты. Москва менен Пекин абалды жөнгө салуу үчүн күч колдонуунун кереги жоктугун белгилешкен.
Си Цзиньпин Россия согуш отун өчүрүүгө жардамын көрсөтө алмак деп эсептейт.
"Кытай лидери мындай ортомчулук вазийпасы учурдагы кырдаалды жумшарта алмактыгын айтты", — деген ал.
Кытайдагы жолугуу жөнүндө
Лидерлер Пекинде сентябрдын башында кезигүүнү сүйлөштү. Сапардын үчүнчү күнүндө абдан көп маселелер боюнча эки тараптуу сүйлөшүүлөр жүрмөкчү.
Путин менен Си Канадада өткөн Чоң жетиликтин жыйынтыгын сүйлөштү. Анын ичинен аталган жолугушууга келгендердин өз ара мамилесиндеги көзгө урунган кемчиликтерин кеп кылышкан. Зеленский үчүн Канадага барганы ийгиликсиз сапар болгонун белгилешкен.
Москва — Пекин кызматташуусу
Саясатчылар эки тараптуу алаканы талкуулаган.
"Россия менен Кытайдын лидерлери эл аралык күн тартибиндеги маанилүү маселелер боюнча кызматташууну мындан да чыңдоого, БРИКС, ШКУ, БУУ жана башка эл аралык платформалардын алкагында иштерди координациялоого да кызыкдар экенин айтышкан", — деди жардамчы.
Путин Си Цзиньпинди өтүп кеткен туулган күнү менен куттуктаган.
Си Цзиньпиндин айткандарын CCTV да жазды:
Жакынкы Чыгыштагы кырдаал кооптуу болуп турат;
Кытай тынчтыкты калыбына келтирүүгө конструктивдүү роль ойноо үчүн бардык тараптар менен бир багыттагы иштерин чыңдап, улантат;
Ирандын өзөктүк маселесин диалог аркылуу саясий жөнгө салуу жолуна кайтаруу туура болот;
Иран менен Израилге таасири күч болгон ири державалар чыңалып турган кырдаалды жумшартуу үчүн аракет кылышы керек;
Чатакташып жаткандар, өзгөчө Израиль аткылоону токтотушу зарыл.
