https://sputnik.kg/20250618/izrail-iran-karmashy-boyuncha-sonku-kabarlar-1094718759.html
Израиль-Иран кармашы: чабуулдар, Киевдин изи жана чечүүчү 48 саат
Израиль-Иран кармашы: чабуулдар, Киевдин изи жана чечүүчү 48 саат
Sputnik Кыргызстан
БИШКЕК, 18-июн. — Sputnik. Израилдин аба күчтөрү түндө Ирандагы уранды байытууга арналган центрифугаларды өндүрүүчү объектиге сокку урду. Бул туурасында... 18.06.2025, Sputnik Кыргызстан
2025-06-18T12:21+0600
2025-06-18T12:21+0600
2025-06-25T15:59+0600
дүйнөдө
иран
израиль
согуш
чабуул
дрон
аскер
https://sputnik.kg/img/07e9/06/12/1094718916_466:384:1600:1022_1920x0_80_0_0_2cf37ccedef3a0704108657d1d1c48fe.jpg
БИШКЕК, 18-июн. — Sputnik. Израилдин аба күчтөрү түндө Ирандагы уранды байытууга арналган центрифугаларды өндүрүүчү объектиге сокку урду. Бул туурасында ЦАХАЛдын маалымат кызматы билдиргенин РИА Новости кабарлады. Мындан сырткары, жалпысынан 50дөн ашык истребитель колдонулганын, чабуул курал-жарак даярдалган жайларга да жасалганын айтышты. Ал эми түндө Иран Израилге чабуул жасагандыгы жана анын алдында диний лидер Али Хамени "согуш башталды" деп жар салганы да кабарланды. Израиль Иранга карата пилотсуз учуучу аппараттарды колдонгон операцияда мурда Украина РФтин аэродромдоруна колдонулган ыкмаларды пайдаланды. Бул туурасында RT билдирди. Муну Тегерандын тышкы байланыштар боюнча вице-мэри Хамидреза Голамзаде аталган телеканалга айткан. Ал арада Ирандын жарандык авиция уюмунун өкүлү Мехди Рамезани өлкө аба мейкиндигин жабууну 18-июнда да саат 16:30га (Бишкек убактысы — ред.) чейин уланткандыгын билдирген. Ирандын Ислам революциясынын сакчыларынын армиясы Израилдин аба мейкиндигине толук көзөмөл кылып турганын айтышты. The Jerusalem Post эгер Иран келишимден баш тартса, АКШ ага сокку урууга даяр турганын жазды. Бирок Батыш ЖМКлары президент Дональд Трамптын командасында бул маселеде эки ача пикир болуп жатканын белгилешүүдө. АКШнын расмий адамдары кийинки 24-48 саат Жакынкы Чыгыштагы кырдаал үчүн чечүүчү мезгил болушу мүмкүндүгүн билдирген. Себеби ушул сааттарда Вашингтон Израилдин аскердик операциясына кошулуу боюнча чечим кабыл аларын ABC News телеканалы маалымдаган. Эскерте кетсек, 13-июнь түнү Израилдин Коргонуу армиясы (ЦАХАЛ) масштабдуу аскердик операциясын баштап, анын алкагында Куралдуу күчтөрү Ирандын өзөктүк программасынын объектилерине сокку урууда. Чабуулдар Тегеранды да камтып, Ирандын Куралдуу күчтөрүнүн Башкы штабынын жетекчиси, Ислам революциясынын сакчылар корпусунун командачысы жана илимпоздор мерт болгон. Ошондой эле Натанз, Фордо шаарларындагы өзөктүк объектилер жана башка аскердик жайлар бутага алынганы айтылды. Ал эми өзөктүк программасында согушуу максаты камтылбаганын айткан Иран ракеталык жана дрон соккулары менен жооп берүүдө. Тегеран Тель-Авивдеги аскердик жана аскер-өнөр жай объектилерин бутага алып жатат. Эки тараптан тең киши өлүп, имараттар кыйроодо. Иран менен Израиль күнүгө бири-бирине бир нече ирет сокку уруп жатат. Тель-Авив Тегерандын өзөктүк программасы жок болмоюнча чабуулун уланта турганын айтса, Иран каршы тарап бомбалоосун токтотмоюнча атыша берерин билдирди.
https://sputnik.kg/20250617/tramp-zhalpyga-tegerandan-daroo-chygyp-ketuugo-chakyryk-tashtady-1094687479.html
иран
израиль
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, иран, израиль, согуш, чабуул, дрон, аскер
дүйнөдө, иран, израиль, согуш, чабуул, дрон, аскер
БИШКЕК, 18-июн. — Sputnik. Израилдин аба күчтөрү түндө Ирандагы уранды байытууга арналган центрифугаларды өндүрүүчү объектиге сокку урду. Бул туурасында ЦАХАЛдын маалымат кызматы билдиргенин
РИА Новости кабарлады.
Мындан сырткары, жалпысынан 50дөн ашык истребитель колдонулганын, чабуул курал-жарак даярдалган жайларга да жасалганын айтышты. Ал эми түндө Иран Израилге чабуул жасагандыгы жана анын алдында диний лидер Али Хамени "согуш башталды" деп жар салганы да кабарланды.
Израиль Иранга карата пилотсуз учуучу аппараттарды колдонгон операцияда мурда Украина РФтин аэродромдоруна колдонулган ыкмаларды пайдаланды. Бул туурасында
RT билдирди. Муну Тегерандын тышкы байланыштар боюнча вице-мэри Хамидреза Голамзаде аталган телеканалга айткан.
"Ошол эле сценарий. Агенттер ишке киришип, тыңчылар өлкөгө келип, аймакка дрондорду чогултуп согушка даярдайт да, аны элге каршы пайдаланышат. Бул жөн гана дал келүүчүлүк эмес, себеби америкалыктар көшөгөнүн артына туруп алып башкарууда", — деген ал.
Ал арада Ирандын жарандык авиция уюмунун өкүлү Мехди Рамезани өлкө аба мейкиндигин жабууну 18-июнда да саат 16:30га (Бишкек убактысы — ред.) чейин уланткандыгын билдирген. Ирандын Ислам революциясынын сакчыларынын армиясы Израилдин аба мейкиндигине толук көзөмөл кылып турганын айтышты.
The Jerusalem Post эгер Иран келишимден баш тартса, АКШ ага сокку урууга даяр турганын жазды. Бирок Батыш ЖМКлары президент Дональд Трамптын командасында бул маселеде эки ача пикир болуп жатканын белгилешүүдө.
АКШнын расмий адамдары кийинки 24-48 саат Жакынкы Чыгыштагы кырдаал үчүн чечүүчү мезгил болушу мүмкүндүгүн билдирген. Себеби ушул сааттарда Вашингтон Израилдин аскердик операциясына кошулуу боюнча чечим кабыл аларын ABC News телеканалы маалымдаган.
Эскерте кетсек, 13-июнь түнү Израилдин Коргонуу армиясы (ЦАХАЛ) масштабдуу аскердик операциясын баштап, анын алкагында Куралдуу күчтөрү Ирандын өзөктүк программасынын объектилерине сокку урууда. Чабуулдар Тегеранды да камтып, Ирандын Куралдуу күчтөрүнүн Башкы штабынын жетекчиси, Ислам революциясынын сакчылар корпусунун командачысы жана илимпоздор мерт болгон. Ошондой эле Натанз, Фордо шаарларындагы өзөктүк объектилер жана башка аскердик жайлар бутага алынганы айтылды.
Ал эми өзөктүк программасында согушуу максаты камтылбаганын айткан Иран ракеталык жана дрон соккулары менен жооп берүүдө. Тегеран Тель-Авивдеги аскердик жана аскер-өнөр жай объектилерин бутага алып жатат. Эки тараптан тең киши өлүп, имараттар кыйроодо. Иран менен Израиль күнүгө бири-бирине бир нече ирет сокку уруп жатат. Тель-Авив Тегерандын өзөктүк программасы жок болмоюнча чабуулун уланта турганын айтса, Иран каршы тарап бомбалоосун токтотмоюнча атыша берерин билдирди.
