Иран Израилдин чабуулуна катары менен катуу сокку уруп жооп берди. Видео
10:53 14.06.2025 (Жаңыртылды: 11:26 15.06.2025)
© AP Photo / Leo Correa
Жазылуу
БИШКЕК,14-июн. — Sputnik. Түндө Иран Израилдин чабуулуна бир нече катуу сокку уруп жооп берди.
Акыркы сааттарга алынган маалыматтар:
Ирандын БУУдагы өкүлү Израилдин 13-июндагы чабуулу согуш жарыялоого тете экенин айтты. Иранда 78 адам каза болуп, 320 адам жаракат алды;
түндө Тегеран 150дөй объектиге кеминде төрт жолу ракеталык чабуул жасаган, анын ичинде авиабазаларга, аскердик өнөр жай объектилерине сокку урган;
Израилде эки адам каза болуп, 20 адам ооруканага жаткырылды;
ЖМКлар Ирандын ракеталары Тель-Авивдеги Израилдин Коргоо министрлигинин имаратына бир нече жолу тийгенин жазса, Тель-Авив округунун командири Ирандын чабуулу бир топ зыянга учуратканын айтты;
Израиль ЖМКлары 150-200дөй ракета менен сокку жасалганын айтып, айрымдары жок кылынганын билдирди;
CNN премьер-министр Нетаньяху баш калкалоочу жайда экенин, кырдаалга ошол жактан баа берип жатканын жазды;
Иран армиясы Израилдин эки F-16 учагын жана бир нече учкучсуз учагын жок кылганын жарыялады.
Эске салсак, мурдагы түндө Израиль Иранга абадан сокку урган. Израилдин Абадан коргонуу күчтөрү өзөктүк программа жана аскердик объектилер менен байланышы бар делген ондогон бутаны мээлеген. Чабуулдан ирандык аскер командирлери да каза болгону айтылды. Сокку Тегеран менен Тебриз шаарларына жасалган.
