"Евразия-Кинофест" II эл аралык фестивалынын жеңүүчүлөрү аныкталды. Тизме
11:21 14.06.2025 (Жаңыртылды: 11:30 15.06.2025)
© Photo / VK / Кинофест Евразия
Жазылуу
БИШКЕК, 14-июн. — Sputnik. Россиянын Сочи шаарында өткөн "Евразия-Кинофест" II эл аралык фестивалы соңуна чыгып, жеңүүчүлөр аныкталды.
"Эң мыкты толук метраждуу фильм" сыйлыгы режиссерлор (Германия менен Кения) Тоби Шмутцлер, Кевин Шмутцлер, Апуу Маурин жана Валентина Челлугетанын "Нави: дорогая будущая я" тасмасына ыйгарылды;
казакстандык режиссер Фархат Шариповдун "Эвакуация" фильми кинофестивалдын президентинин сыйлыгына татыды. Тасманын оператору Александр Плотников "Мыкты операторлук иши" үчүн сыйланды;
"Эң мыкты дебют" өзбекстандык Арутүн Сагателяндын "Сүмөлөк" тасмасына берилди;
"Обитель святой Ефросиньи" фильми "Евразия" уюмунун атайын сыйлыгына татыды. Режиссеру беларустук Владимир Луцкой;
Россиялык режиссер Андрей Зайцевдин "Двое в одной жизни, не считая собаки" тасмасы көрүүчүлөдүн сыйлыгына ээ болду;
"Кинематографияны өнүктүрүүгө кошкон салымы үчүн" легендарлуу актёр, режиссёр жана каскадер Гойко Митич сыйланды;
ошондой эле өзгөчө сыйлыктар Россия, Кыргызстан, Өзбекстан, Армения, Азербайжан, Тажикстан, Түркия жана Казакстандын атынан көрсөтүлгөн фильмдерге берилди.
6-июнда башталган "Евразия-Кинофест" 26 мамлекеттин кино ишмерлеринин башын бириктирди. Быйыл фестивалга катышкандардын саны эки эсе көп болуп, Түркмөнстан, Пакистан, Германия, Бразилия жана башка өлкөлөрдөн өкүлдөр келген. Кинозалдарга миңдеген көрүүчү кирди. Кыска жана толук метраждуу 53 тасма ат салышкан.
