https://sputnik.kg/20250606/1094457420.html
Жаңылыктар. Чыгарылыш 13:00
Жаңылыктар. Чыгарылыш 13:00
Sputnik Кыргызстан
Күйөөсүнүн колунан өлгөн келинди мазактады делген блогер Айбек Уланов 4-июлга чейин камакка алынды. Мындай чечимди Свердлов райондук соту кабыл алганын Бишкек... 06.06.2025, Sputnik Кыргызстан
2025-06-06T13:00+0600
2025-06-06T13:00+0600
2025-06-06T13:20+0600
https://sputnik.kg/img/07e9/06/06/1094457288_0:3:1036:586_1920x0_80_0_0_74deca1b797a34c03d4319b30fe72fb5.jpg
Жаңылыктар. Чыгарылыш 13:00
Sputnik Кыргызстан
Күйөөсүнүн колунан өлгөн келинди мазактады делген блогер Айбек Уланов 4-июлга чейин камакка алынды. Мындай чечимди Свердлов райондук соту кабыл алганын Бишкек ШИИБинен кабарлашты. Айбек Уланов "Расалык, этникалык, улуттук, диний же регионалдык кастыкты козутуу" беренеси боюнча айыпталууда. Аны кечээ спецназ ат минип жүргөн жеринен кармап кеткен. Уланов кармалгандан кийин наркодиспансерге жөнөтүлүп, натыйжада баңгизат колдонгону аныкталган. Эске салсак, Кара-Кулжа районунда классташтардын мектепти бүткөндөн 20 жыл өткөндөн кийинки жолугушуусуна катышкан келин Айзирек Эралиева күйөөсүнөн ок жеп көз жумган. Мындай кадамга кызганыч себеп болгону айтылып, 40 жаштагы шектүү кармалган. Классташтарынын айтымында, келин иш-чарага жолдошу менен келип, салтанаттын башталышына эле катышып, классташ кыздары менен эле сүрөткө түшүп кеткен.
Казакстандын Коргоо министрлиги кечээ түндө асманда учкан белгисиз нерсе боюнча комментрий бергенин Sputnik Казакстан жазды. Түндө мындай көрүнүшкө Казакстан менен Кыргызстандын ар бурчунан күбө болушкан. Айрымдар муну спутниктерди орбитага жеткирип бараткан ракета десе, кээ бири орбитадан чыгып кеткен эски спутниктер деп божомолдоодо. Казакстандын Коргоо министрлиги элди дүрбөлөңгө түшпөөгө чакырды. "Казакстандын аба мейкиндигине эч кандай коркунуч жок. Абал тиешелүү органдардын көзөмөлүндө. Калкка коркунуч туудурган эч нерсе болгон жок", — деген ведомство. Министрлик бул атмосферага кирген космостук аппараттын же метеориттик агымдын бөлүктөрү болушу мүмкүн деген божомолун кошумчалады. "Адатта мындай нерселер атмосферанын калың катмарында эле жерге жетпей өрттөнүп жок болуп кетет", — деп айтылат маалыматта. Ал эми Кыргызстандын Коргоо министрлиги бул боюнча үн ката элек.
Сауд Аравиянын Эр-Рияд шаарындагы Faisal Bin Fahd Stadium стадионунда Кыргызстандын футбол боюнча курамасы Түндүк Кореянын спортчулары менен беттешти. Кыргызстандык спортчулар менен түндүк кореялыктардын оюну тең чыгуу менен (2:2) жыйынтыкталды. Ошентип А тобундагы Иран менен Өзбекстан дүйнө чемпионатынын финалдык раундуна чыкты. Ал эми БАЭ менен Катар төртүнчү раундда ойнойт. Кыргызстан менен Түндүк Корея оюндан чыгып калды. 10-июнда топто жыйынтыктоочу оюндар болот. Бирок алар турнирдик мааниге ээ эмес. Кыргызстандын курамасы Бишкекте БАЭнин оюнчулары менен кез келет.
Россиянын Белгород облусундагы Прохоровский районунда тепловоз рельстен чыгып кеткенин губернатор Вячеслав Гладковго таянып РИА Новости жазды. "Алдын ала маалымат боюнча, рельстин түбүнө жардыруучу зат коюлган. Жабыркагандар жок", — деген Гладков. Губернатордун айтымында, поезд каттамдары 2,5 сааттай кармалган. Учурда кыймыл жөнгө салынды. Гладков темир жолдун бир бөлүгү талкаланганын, аны калыбына келтирүү иштери жүрүп жатканын кошумчалаган. Эскерте кетсек, өткөн жумада Брянск менен Курс облустарында да көпүрөнүн жардырылышынан поезддер кырсыкка учураган. Каргашадан жети киши көз жумган. Эки кырсык тең Россиянын Тергөө комитети тарабынан теракт деп квалификацияланган.
Күйөөсүнүн колунан өлгөн келинди мазактады делген блогер Айбек Уланов 4-июлга чейин камакка алынды. Мындай чечимди Свердлов райондук соту кабыл алганын Бишкек ШИИБинен кабарлашты. Айбек Уланов "Расалык, этникалык, улуттук, диний же регионалдык кастыкты козутуу" беренеси боюнча айыпталууда. Аны кечээ спецназ ат минип жүргөн жеринен кармап кеткен. Уланов кармалгандан кийин наркодиспансерге жөнөтүлүп, натыйжада баңгизат колдонгону аныкталган. Эске салсак, Кара-Кулжа районунда классташтардын мектепти бүткөндөн 20 жыл өткөндөн кийинки жолугушуусуна катышкан келин Айзирек Эралиева күйөөсүнөн ок жеп көз жумган. Мындай кадамга кызганыч себеп болгону айтылып, 40 жаштагы шектүү кармалган. Классташтарынын айтымында, келин иш-чарага жолдошу менен келип, салтанаттын башталышына эле катышып, классташ кыздары менен эле сүрөткө түшүп кеткен.Казакстандын Коргоо министрлиги кечээ түндө асманда учкан белгисиз нерсе боюнча комментрий бергенин Sputnik Казакстан жазды. Түндө мындай көрүнүшкө Казакстан менен Кыргызстандын ар бурчунан күбө болушкан. Айрымдар муну спутниктерди орбитага жеткирип бараткан ракета десе, кээ бири орбитадан чыгып кеткен эски спутниктер деп божомолдоодо. Казакстандын Коргоо министрлиги элди дүрбөлөңгө түшпөөгө чакырды. "Казакстандын аба мейкиндигине эч кандай коркунуч жок. Абал тиешелүү органдардын көзөмөлүндө. Калкка коркунуч туудурган эч нерсе болгон жок", — деген ведомство. Министрлик бул атмосферага кирген космостук аппараттын же метеориттик агымдын бөлүктөрү болушу мүмкүн деген божомолун кошумчалады. "Адатта мындай нерселер атмосферанын калың катмарында эле жерге жетпей өрттөнүп жок болуп кетет", — деп айтылат маалыматта. Ал эми Кыргызстандын Коргоо министрлиги бул боюнча үн ката элек.Сауд Аравиянын Эр-Рияд шаарындагы Faisal Bin Fahd Stadium стадионунда Кыргызстандын футбол боюнча курамасы Түндүк Кореянын спортчулары менен беттешти. Кыргызстандык спортчулар менен түндүк кореялыктардын оюну тең чыгуу менен (2:2) жыйынтыкталды. Ошентип А тобундагы Иран менен Өзбекстан дүйнө чемпионатынын финалдык раундуна чыкты. Ал эми БАЭ менен Катар төртүнчү раундда ойнойт. Кыргызстан менен Түндүк Корея оюндан чыгып калды. 10-июнда топто жыйынтыктоочу оюндар болот. Бирок алар турнирдик мааниге ээ эмес. Кыргызстандын курамасы Бишкекте БАЭнин оюнчулары менен кез келет.Россиянын Белгород облусундагы Прохоровский районунда тепловоз рельстен чыгып кеткенин губернатор Вячеслав Гладковго таянып РИА Новости жазды. "Алдын ала маалымат боюнча, рельстин түбүнө жардыруучу зат коюлган. Жабыркагандар жок", — деген Гладков. Губернатордун айтымында, поезд каттамдары 2,5 сааттай кармалган. Учурда кыймыл жөнгө салынды. Гладков темир жолдун бир бөлүгү талкаланганын, аны калыбына келтирүү иштери жүрүп жатканын кошумчалаган. Эскерте кетсек, өткөн жумада Брянск менен Курс облустарында да көпүрөнүн жардырылышынан поезддер кырсыкка учураган. Каргашадан жети киши көз жумган. Эки кырсык тең Россиянын Тергөө комитети тарабынан теракт деп квалификацияланган.
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
аудио
Күйөөсүнүн колунан өлгөн келинди мазактады делген блогер Айбек Уланов 4-июлга чейин камакка алынды. Мындай чечимди Свердлов райондук соту кабыл алганын Бишкек ШИИБинен кабарлашты. Айбек Уланов "Расалык, этникалык, улуттук, диний же регионалдык кастыкты козутуу" беренеси боюнча айыпталууда. Аны кечээ спецназ ат минип жүргөн жеринен кармап кеткен. Уланов кармалгандан кийин наркодиспансерге жөнөтүлүп, натыйжада баңгизат колдонгону аныкталган. Эске салсак, Кара-Кулжа районунда классташтардын мектепти бүткөндөн 20 жыл өткөндөн кийинки жолугушуусуна катышкан келин Айзирек Эралиева күйөөсүнөн ок жеп көз жумган. Мындай кадамга кызганыч себеп болгону айтылып, 40 жаштагы шектүү кармалган. Классташтарынын айтымында, келин иш-чарага жолдошу менен келип, салтанаттын башталышына эле катышып, классташ кыздары менен эле сүрөткө түшүп кеткен.
Казакстандын Коргоо министрлиги кечээ түндө асманда учкан белгисиз нерсе боюнча комментрий бергенин Sputnik Казакстан жазды. Түндө мындай көрүнүшкө Казакстан менен Кыргызстандын ар бурчунан күбө болушкан. Айрымдар муну спутниктерди орбитага жеткирип бараткан ракета десе, кээ бири орбитадан чыгып кеткен эски спутниктер деп божомолдоодо. Казакстандын Коргоо министрлиги элди дүрбөлөңгө түшпөөгө чакырды. "Казакстандын аба мейкиндигине эч кандай коркунуч жок. Абал тиешелүү органдардын көзөмөлүндө. Калкка коркунуч туудурган эч нерсе болгон жок", — деген ведомство. Министрлик бул атмосферага кирген космостук аппараттын же метеориттик агымдын бөлүктөрү болушу мүмкүн деген божомолун кошумчалады. "Адатта мындай нерселер атмосферанын калың катмарында эле жерге жетпей өрттөнүп жок болуп кетет", — деп айтылат маалыматта. Ал эми Кыргызстандын Коргоо министрлиги бул боюнча үн ката элек.
Сауд Аравиянын Эр-Рияд шаарындагы Faisal Bin Fahd Stadium стадионунда Кыргызстандын футбол боюнча курамасы Түндүк Кореянын спортчулары менен беттешти. Кыргызстандык спортчулар менен түндүк кореялыктардын оюну тең чыгуу менен (2:2) жыйынтыкталды. Ошентип А тобундагы Иран менен Өзбекстан дүйнө чемпионатынын финалдык раундуна чыкты. Ал эми БАЭ менен Катар төртүнчү раундда ойнойт. Кыргызстан менен Түндүк Корея оюндан чыгып калды. 10-июнда топто жыйынтыктоочу оюндар болот. Бирок алар турнирдик мааниге ээ эмес. Кыргызстандын курамасы Бишкекте БАЭнин оюнчулары менен кез келет.
Россиянын Белгород облусундагы Прохоровский районунда тепловоз рельстен чыгып кеткенин губернатор Вячеслав Гладковго таянып РИА Новости жазды. "Алдын ала маалымат боюнча, рельстин түбүнө жардыруучу зат коюлган. Жабыркагандар жок", — деген Гладков. Губернатордун айтымында, поезд каттамдары 2,5 сааттай кармалган. Учурда кыймыл жөнгө салынды. Гладков темир жолдун бир бөлүгү талкаланганын, аны калыбына келтирүү иштери жүрүп жатканын кошумчалаган. Эскерте кетсек, өткөн жумада Брянск менен Курс облустарында да көпүрөнүн жардырылышынан поезддер кырсыкка учураган. Каргашадан жети киши көз жумган. Эки кырсык тең Россиянын Тергөө комитети тарабынан теракт деп квалификацияланган.
