https://sputnik.kg/20250604/1094408997.html
Жаңылыктар. Чыгарылыш 15:00
Жаңылыктар. Чыгарылыш 15:00
Sputnik Кыргызстан
Жогорку Кеңештин жыйынында төрага Нурланбек Тургунбек уулу ички иштер министрин жана шаар мэрин скутерлер менен мопеддердин башаламан колдонулушун көзөмөлгө... 04.06.2025, Sputnik Кыргызстан
2025-06-04T15:00+0600
2025-06-04T15:00+0600
2025-06-04T15:20+0600
https://sputnik.kg/img/07e9/06/04/1094408865_0:3:1036:586_1920x0_80_0_0_030ed591d1c1d92a5ba3e7e36032b13c.jpg
Жаңылыктар. Чыгарылыш 15:00
Sputnik Кыргызстан
Жогорку Кеңештин жыйынында төрага Нурланбек Тургунбек уулу ички иштер министрин жана шаар мэрин скутерлер менен мопеддердин башаламан колдонулушун көзөмөлгө алууга чакырды. Ал шаар тургундарынан, өзгөчө айдоочулардан техниканын бул түрүнө байланыштуу көптөгөн даттануулар түшүп жатканын белгиледи. Төраганын айтымында, скутерлер жана мопеддер жолдордо авариялык кырдаалдарды жаратып, башка унааларга тоскоолдук кылууда. Алар катуу ылдамдыкта айдалгандыктан түнкү убакта шаардыктардын тынчын бузуп, ал тургай адам өлүмүнө алып келген окуялар катталып келет. Төрага маселени чечүү үчүн тиешелүү чараларды көрүүнү жана жол кыймылынын коопсуздугун камсыз кылууну талап кылды.
КМШнын Бажы кызматтарынын кеңеши негизделген 1993-жылдан бери ондогон жыйындар өтүп, эл аралык маанидеги көптөгөн документтер даярдалды. Бул тууралуу министрлер кабинетинин төрагасынын биринчи орун басары Данияр Амангелдиев Чолпон-Атада аталган кеңештин 80-жыйынында билдирди. Анын айтымында, бул аракеттер КМШ алкагында улуттук бажы системаларын шайкеш келтирүүгө жана соода процесстерин жеңилдетүүгө өбөлгө түзгөн. Амангелдиев ЕАЭБдин Бажы кызматтарынын бириккен коллегиясы маанилүү ролду ойной турганын белгилеп, бажы тармагын санариптештирүү маанилүү экенин айтты. Мындан тышкары, ал мыйзамсыз товар жүгүртүүгө каршы күрөшүү жана интеллектуалдык менчик укуктарын коргоо боюнча биргелешкен аракеттер эл аралык сооданын туруктуулугу менен өнүгүшүн камсыз кыларын белгиледи.
Эл аралык алаканы бекемдөөгө салым кошкондор үчүн байге фонду 25 миллион рублди түзгөн сынак жарыяланды. Бул тууралуу "Евразия" уюмунан кабарлашты. Маалыматка ылайык, сыйлык эл аралык кызматташтыкты өнүктүрүүгө, салттуу баалуулуктарды сактоого жана Евразия мейкиндигинде маданий байланыштарды бекемдөөгө багытталган. Ага Россия, Молдова, Армения, Кыргызстан, Казакстан, Өзбекстан, Беларусь, Тажикстан жана башка өлкөлөрдүн жарандары катыша алат. Сыйлык эл аралык баарлашуу каражаты катары орус тилин колдоо үчүн "Тынчтык тили", искусство чөйрөсүндөгү долбоорлор үчүн "Маданий код", маданият жана тарыхты бурмалаган маалыматтар менен күрөшүүгө багытталган журналисттик иштер үчүн "Евразиянын добушу: коргоо" жана салттарды заманбап форматта чагылдырган медиадолбоорлор үчүн "Евразиянын добушу: шыктандыруу" сыяктуу 15 номинация боюнча ыйгарылат. Ошондой эле билим берүү, медицина, ыктыярчылык, тарыхты сактоо жана эл аралык диалогду өнүктүрүү боюнча сыйлыктар берилет. Мындан тышкары, "Жаркын башталыш" номинациясы жаштарды жана демилгелерди колдойт.
АКШ президенти Москва менен Киевдин түз сүйлөшүүсүн жактайт. Бул тууралуу Мамлекеттик департаменттин өкүлү Тэмми Брюс билдиргенин РИА Новости жазды. "Россия менен Украинанын ортосундагы сүйлөшүүлөрдү колдой бермекчибиз. Жаңжалды аскердик жол менен чечүү мүмкүн эмес экенин айтып келгенбиз, президент адилеттүү, бекем жана узакка созулган тынчтыкты орнотуучу бардык механизмдерди колдойт", — деген ал журналисттерге. Эки тарап дүйшөмбү күнү жолугуп, сүйлөшүүлөрдүн экинчи этабын өткөрдү. Москва ок атууну токтотуунун эки жолун сунуштаган.
Жогорку Кеңештин жыйынында төрага Нурланбек Тургунбек уулу ички иштер министрин жана шаар мэрин скутерлер менен мопеддердин башаламан колдонулушун көзөмөлгө алууга чакырды. Ал шаар тургундарынан, өзгөчө айдоочулардан техниканын бул түрүнө байланыштуу көптөгөн даттануулар түшүп жатканын белгиледи. Төраганын айтымында, скутерлер жана мопеддер жолдордо авариялык кырдаалдарды жаратып, башка унааларга тоскоолдук кылууда. Алар катуу ылдамдыкта айдалгандыктан түнкү убакта шаардыктардын тынчын бузуп, ал тургай адам өлүмүнө алып келген окуялар катталып келет. Төрага маселени чечүү үчүн тиешелүү чараларды көрүүнү жана жол кыймылынын коопсуздугун камсыз кылууну талап кылды.КМШнын Бажы кызматтарынын кеңеши негизделген 1993-жылдан бери ондогон жыйындар өтүп, эл аралык маанидеги көптөгөн документтер даярдалды. Бул тууралуу министрлер кабинетинин төрагасынын биринчи орун басары Данияр Амангелдиев Чолпон-Атада аталган кеңештин 80-жыйынында билдирди. Анын айтымында, бул аракеттер КМШ алкагында улуттук бажы системаларын шайкеш келтирүүгө жана соода процесстерин жеңилдетүүгө өбөлгө түзгөн. Амангелдиев ЕАЭБдин Бажы кызматтарынын бириккен коллегиясы маанилүү ролду ойной турганын белгилеп, бажы тармагын санариптештирүү маанилүү экенин айтты. Мындан тышкары, ал мыйзамсыз товар жүгүртүүгө каршы күрөшүү жана интеллектуалдык менчик укуктарын коргоо боюнча биргелешкен аракеттер эл аралык сооданын туруктуулугу менен өнүгүшүн камсыз кыларын белгиледи. Эл аралык алаканы бекемдөөгө салым кошкондор үчүн байге фонду 25 миллион рублди түзгөн сынак жарыяланды. Бул тууралуу "Евразия" уюмунан кабарлашты. Маалыматка ылайык, сыйлык эл аралык кызматташтыкты өнүктүрүүгө, салттуу баалуулуктарды сактоого жана Евразия мейкиндигинде маданий байланыштарды бекемдөөгө багытталган. Ага Россия, Молдова, Армения, Кыргызстан, Казакстан, Өзбекстан, Беларусь, Тажикстан жана башка өлкөлөрдүн жарандары катыша алат. Сыйлык эл аралык баарлашуу каражаты катары орус тилин колдоо үчүн "Тынчтык тили", искусство чөйрөсүндөгү долбоорлор үчүн "Маданий код", маданият жана тарыхты бурмалаган маалыматтар менен күрөшүүгө багытталган журналисттик иштер үчүн "Евразиянын добушу: коргоо" жана салттарды заманбап форматта чагылдырган медиадолбоорлор үчүн "Евразиянын добушу: шыктандыруу" сыяктуу 15 номинация боюнча ыйгарылат. Ошондой эле билим берүү, медицина, ыктыярчылык, тарыхты сактоо жана эл аралык диалогду өнүктүрүү боюнча сыйлыктар берилет. Мындан тышкары, "Жаркын башталыш" номинациясы жаштарды жана демилгелерди колдойт.АКШ президенти Москва менен Киевдин түз сүйлөшүүсүн жактайт. Бул тууралуу Мамлекеттик департаменттин өкүлү Тэмми Брюс билдиргенин РИА Новости жазды. "Россия менен Украинанын ортосундагы сүйлөшүүлөрдү колдой бермекчибиз. Жаңжалды аскердик жол менен чечүү мүмкүн эмес экенин айтып келгенбиз, президент адилеттүү, бекем жана узакка созулган тынчтыкты орнотуучу бардык механизмдерди колдойт", — деген ал журналисттерге. Эки тарап дүйшөмбү күнү жолугуп, сүйлөшүүлөрдүн экинчи этабын өткөрдү. Москва ок атууну токтотуунун эки жолун сунуштаган.
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
аудио
Жогорку Кеңештин жыйынында төрага Нурланбек Тургунбек уулу ички иштер министрин жана шаар мэрин скутерлер менен мопеддердин башаламан колдонулушун көзөмөлгө алууга чакырды. Ал шаар тургундарынан, өзгөчө айдоочулардан техниканын бул түрүнө байланыштуу көптөгөн даттануулар түшүп жатканын белгиледи. Төраганын айтымында, скутерлер жана мопеддер жолдордо авариялык кырдаалдарды жаратып, башка унааларга тоскоолдук кылууда. Алар катуу ылдамдыкта айдалгандыктан түнкү убакта шаардыктардын тынчын бузуп, ал тургай адам өлүмүнө алып келген окуялар катталып келет. Төрага маселени чечүү үчүн тиешелүү чараларды көрүүнү жана жол кыймылынын коопсуздугун камсыз кылууну талап кылды.
КМШнын Бажы кызматтарынын кеңеши негизделген 1993-жылдан бери ондогон жыйындар өтүп, эл аралык маанидеги көптөгөн документтер даярдалды. Бул тууралуу министрлер кабинетинин төрагасынын биринчи орун басары Данияр Амангелдиев Чолпон-Атада аталган кеңештин 80-жыйынында билдирди. Анын айтымында, бул аракеттер КМШ алкагында улуттук бажы системаларын шайкеш келтирүүгө жана соода процесстерин жеңилдетүүгө өбөлгө түзгөн. Амангелдиев ЕАЭБдин Бажы кызматтарынын бириккен коллегиясы маанилүү ролду ойной турганын белгилеп, бажы тармагын санариптештирүү маанилүү экенин айтты. Мындан тышкары, ал мыйзамсыз товар жүгүртүүгө каршы күрөшүү жана интеллектуалдык менчик укуктарын коргоо боюнча биргелешкен аракеттер эл аралык сооданын туруктуулугу менен өнүгүшүн камсыз кыларын белгиледи.
Эл аралык алаканы бекемдөөгө салым кошкондор үчүн байге фонду 25 миллион рублди түзгөн сынак жарыяланды. Бул тууралуу "Евразия" уюмунан кабарлашты. Маалыматка ылайык, сыйлык эл аралык кызматташтыкты өнүктүрүүгө, салттуу баалуулуктарды сактоого жана Евразия мейкиндигинде маданий байланыштарды бекемдөөгө багытталган. Ага Россия, Молдова, Армения, Кыргызстан, Казакстан, Өзбекстан, Беларусь, Тажикстан жана башка өлкөлөрдүн жарандары катыша алат. Сыйлык эл аралык баарлашуу каражаты катары орус тилин колдоо үчүн "Тынчтык тили", искусство чөйрөсүндөгү долбоорлор үчүн "Маданий код", маданият жана тарыхты бурмалаган маалыматтар менен күрөшүүгө багытталган журналисттик иштер үчүн "Евразиянын добушу: коргоо" жана салттарды заманбап форматта чагылдырган медиадолбоорлор үчүн "Евразиянын добушу: шыктандыруу" сыяктуу 15 номинация боюнча ыйгарылат. Ошондой эле билим берүү, медицина, ыктыярчылык, тарыхты сактоо жана эл аралык диалогду өнүктүрүү боюнча сыйлыктар берилет. Мындан тышкары, "Жаркын башталыш" номинациясы жаштарды жана демилгелерди колдойт.
АКШ президенти Москва менен Киевдин түз сүйлөшүүсүн жактайт. Бул тууралуу Мамлекеттик департаменттин өкүлү Тэмми Брюс билдиргенин РИА Новости жазды. "Россия менен Украинанын ортосундагы сүйлөшүүлөрдү колдой бермекчибиз. Жаңжалды аскердик жол менен чечүү мүмкүн эмес экенин айтып келгенбиз, президент адилеттүү, бекем жана узакка созулган тынчтыкты орнотуучу бардык механизмдерди колдойт", — деген ал журналисттерге. Эки тарап дүйшөмбү күнү жолугуп, сүйлөшүүлөрдүн экинчи этабын өткөрдү. Москва ок атууну токтотуунун эки жолун сунуштаган.
