https://sputnik.kg/20250530/khamas-menen-izrail-makuldashty-1094307033.html
Газада эки айга тынчтык орноду. ХАМАС менен Израилдин макулдашуусу
Газада эки айга тынчтык орноду. ХАМАС менен Израилдин макулдашуусу
Sputnik Кыргызстан
БИШКЕК, 30-май — Sputnik. ХАМАС менен Израиль Газада 60 күндүк мөөнөткө тынчтык орнотууну макулдашканын Al Arabiya маалымат булактарына таянып билдирди. 30.05.2025, Sputnik Кыргызстан
2025-05-30T17:12+0600
2025-05-30T17:12+0600
2025-05-30T17:12+0600
дүйнөдө
газа сектору
израиль
палестина
хамас
келишим
согуш
токтотуу
https://sputnik.kg/img/07e9/05/1e/1094285395_0:161:3071:1888_1920x0_80_0_0_9b91e901504f0f43aa10abb5182c5534.jpg
БИШКЕК, 30-май — Sputnik. ХАМАС менен Израиль Газада 60 күндүк мөөнөткө тынчтык орнотууну макулдашканын Al Arabiya маалымат булактарына таянып билдирди. АКШ лидеринин Жакынкы Чыгыш боюнча атайын өкүлү Стив Уиткофф тараптардын ок атууну токтотууга макул болгонунан кабардар. Ошондой эле маалыматта АКШ, Египет жана Катар 60 күндүк тынчтык режиминин сакталышына жана анын узартылышына кепил болору айтылат. Ал эми Трамптын атайын өкүлү келишимдин майда-чүйдөсүн тактап бүтүп, сүйлөшүү процессин жетектөөнү өзүнө алары белгиленди. Ynet порталы Уиткоффтун Газадагы жагдайды жөнгө салуучу жаңы планында жогорудагы 60 күндүк мөөнөт каралганын, тирүү 10 кишини бошотуп алуу, 18 сөөктү алып кетүү боюнча айтылганын жазган. Ал эми Израилдин буга жооп катары түрмөдөн 1,5 миң палестиналыкты (алардын ичинеде террорчулук үчүн камалгандар бар дешти) бошотору айтылган. Утурумдук кепке келүү учурунда сүйлөшүүлөр ортомчулар аркылуу болмокчу. Бул нерсе ишке ашпай же ийгиликсиз болуп калса еврей мамлекети Палестина анклавында согуш отун кайрадан жагарын айтышты. Ал арада Kan мамлекеттик телерадио компаниясы Уиткоффтун сунушуна ХАМАСтын ичи чыкпагандыгын билдирди. Себеби анда согушту толук токтотууга жана Израиль аскерлерин бирин калтырбай анклавдан алып чыгып кетүүгө кепилдик берилбегендигин айтышты. Израиль аскерлери Газага соккусун 18-мартка караган түнү жандандырган. Өлкө премьер-министри соккулар ХАМАСтын ок атышууну токтотууну узартуу жана туткундарды бошотуу боюнча Америка планын кабыл алуудан баш тартканы үчүн улантылганын билдирген. Расмий түрдө ок атышууну токтотуу мөөнөтү 1-мартта аяктаган. Ортодо тараптарды сүйлөшүүгө тартуу аракеттери жүрүп жаткандыктан согуштук аракеттер башталган эмес. Ошол эле учурда Израиль Газадагы суу тазалоочу заводго электр энергиясын токтотуп, гуманитардык жардам ташыган автоунаалар үчүн чек араны жапкан.
https://sputnik.kg/20250504/aksh-izrail-sogush-tynchtyk-1093752076.html
газа сектору
израиль
палестина
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, газа сектору, израиль, палестина, хамас, келишим, согуш, токтотуу
дүйнөдө, газа сектору, израиль, палестина, хамас, келишим, согуш, токтотуу
БИШКЕК, 30-май — Sputnik. ХАМАС менен Израиль Газада 60 күндүк мөөнөткө тынчтык орнотууну макулдашканын
Al Arabiya маалымат булактарына таянып билдирди.
"ХАМАС менен Израилдин ортосунда ок атууну 60 күнгө токтотуу макулдашылды. Трамп бул боюнча алдыдагы жыйында кеңири айтып берет", — деп билдирет телеканал.
АКШ лидеринин Жакынкы Чыгыш боюнча атайын өкүлү Стив Уиткофф тараптардын ок атууну токтотууга макул болгонунан кабардар. Ошондой эле маалыматта АКШ, Египет жана Катар 60 күндүк тынчтык режиминин сакталышына жана анын узартылышына кепил болору айтылат. Ал эми Трамптын атайын өкүлү келишимдин майда-чүйдөсүн тактап бүтүп, сүйлөшүү процессин жетектөөнү өзүнө алары белгиленди.
Ynet порталы Уиткоффтун Газадагы жагдайды жөнгө салуучу жаңы планында жогорудагы 60 күндүк мөөнөт каралганын, тирүү 10 кишини бошотуп алуу, 18 сөөктү алып кетүү боюнча айтылганын жазган. Ал эми Израилдин буга жооп катары түрмөдөн 1,5 миң палестиналыкты (алардын ичинеде террорчулук үчүн камалгандар бар дешти) бошотору айтылган.
Утурумдук кепке келүү учурунда сүйлөшүүлөр ортомчулар аркылуу болмокчу. Бул нерсе ишке ашпай же ийгиликсиз болуп калса еврей мамлекети Палестина анклавында согуш отун кайрадан жагарын айтышты.
Ал арада Kan мамлекеттик телерадио компаниясы Уиткоффтун сунушуна ХАМАСтын ичи чыкпагандыгын билдирди. Себеби анда согушту толук токтотууга жана Израиль аскерлерин бирин калтырбай анклавдан алып чыгып кетүүгө кепилдик берилбегендигин айтышты.
Израиль аскерлери Газага соккусун 18-мартка караган түнү жандандырган. Өлкө премьер-министри соккулар ХАМАСтын ок атышууну токтотууну узартуу жана туткундарды бошотуу боюнча Америка планын кабыл алуудан баш тартканы үчүн улантылганын билдирген.
Расмий түрдө ок атышууну токтотуу мөөнөтү 1-мартта аяктаган. Ортодо тараптарды сүйлөшүүгө тартуу аракеттери жүрүп жаткандыктан согуштук аракеттер башталган эмес. Ошол эле учурда Израиль Газадагы суу тазалоочу заводго электр энергиясын токтотуп, гуманитардык жардам ташыган автоунаалар үчүн чек араны жапкан.
